Matthieu 12.23
Vulgate

Jésus et le sabbat

¹ in illo tempore abiit Iesus sabbato per sata discipuli autem eius esurientes coeperunt vellere spicas et manducare
Deutéronome 23.25 Marc 2.23-2.28 Luc 6.1-6.5
² Pharisaei autem videntes dixerunt ei ecce discipuli tui faciunt quod non licet eis facere sabbatis
Matthieu 12.10 Luc 14.3 Exode 20.9-20.11 Nombres 15.32-15.36 Luc 23.56
³ at ille dixit eis non legistis quid fecerit David quando esuriit et qui cum eo erant
1 Samuel 21.3-21.6 Luc 6.3 Marc 2.25-2.26 Marc 12.26 Matthieu 21.16
⁴ quomodo intravit in domum Dei et panes propositionis comedit quos non licebat ei edere neque his qui cum eo erant nisi solis sacerdotibus
Lévitique 24.5-24.9 Exode 25.30 Exode 29.32-29.33 Lévitique 8.31
⁵ aut non legistis in lege quia sabbatis sacerdotes in templo sabbatum violant et sine crimine sunt
Nombres 28.9-28.10 Jean 7.22-7.23 Ezéchiel 24.21
⁶ dico autem vobis quia templo maior est hic
Matthieu 12.41-12.42 2 Chroniques 6.18 Malachie 3.1 Jean 2.19-2.21 Aggée 2.7-2.9
⁷ si autem sciretis quid est misericordiam volo et non sacrificium numquam condemnassetis innocentes
Matthieu 9.13 Osée 6.6 Michée 6.6-6.8 Job 32.3 Esaïe 1.11-1.17
⁸ dominus est enim Filius hominis etiam sabbati
Luc 6.5 Marc 2.28 Matthieu 9.6 1 Corinthiens 16.2 1 Corinthiens 9.21
⁹ et cum inde transisset venit in synagogam eorum
Luc 6.6-6.11 Marc 3.1-3.6
¹⁰ et ecce homo manum habens aridam et interrogabant eum dicentes si licet sabbatis curare ut accusarent eum
Luc 13.14 Jean 9.16 Jean 8.6 Zacharie 11.17 Matthieu 22.17-22.18
¹¹ ipse autem dixit illis quis erit ex vobis homo qui habeat ovem unam et si ceciderit haec sabbatis in foveam nonne tenebit et levabit eam
Luc 14.5 Exode 23.4-23.5 Deutéronome 22.4 Luc 13.15-13.17
¹² quanto magis melior est homo ove itaque licet sabbatis benefacere
Matthieu 6.26 Marc 3.4 Matthieu 10.31 Luc 12.24 Luc 6.9
¹³ tunc ait homini extende manum tuam et extendit et restituta est sanitati sicut altera
Luc 13.13 Actes 3.7-3.8

Jésus, le serviteur de l’Éternel contesté

¹⁴ exeuntes autem Pharisaei consilium faciebant adversus eum quomodo eum perderent
Jean 11.53 Jean 5.18 Luc 6.11 Matthieu 27.1 Jean 10.39
¹⁵ Iesus autem sciens recessit inde et secuti sunt eum multi et curavit eos omnes
Matthieu 19.2 Matthieu 10.23 1 Pierre 2.21 Jean 10.40-10.42 Luc 6.17-6.19
¹⁶ et praecepit eis ne manifestum eum facerent
Matthieu 9.30 Matthieu 17.9 Matthieu 8.4 Luc 5.14-5.15 Marc 7.36
¹⁷ ut adimpleretur quod dictum est per Esaiam prophetam dicentem
Esaïe 42.1-42.4 Esaïe 42.9 Jean 12.38 Actes 13.27 Jean 10.35
¹⁸ ecce puer meus quem elegi dilectus meus in quo bene placuit animae meae ponam spiritum meum super eum et iudicium gentibus nuntiabit
Luc 4.18 Esaïe 42.1 Jean 3.34 Esaïe 32.15-32.16 Matthieu 17.5
¹⁹ non contendet neque clamabit neque audiet aliquis in plateis vocem eius
Jean 18.36-18.38 2 Timothée 2.24-2.25 Zacharie 9.9 Matthieu 11.29 Luc 17.20
²⁰ harundinem quassatam non confringet et linum fumigans non extinguet donec eiciat ad victoriam iudicium
Esaïe 42.3-42.4 Esaïe 61.1-61.3 Luc 4.18 Psaumes 147.3 2 Corinthiens 10.3-10.5
²¹ et in nomine eius gentes sperabunt
Esaïe 11.10 Esaïe 42.4 Colossiens 1.27 Romains 15.12-15.13 Ephésiens 1.12-1.13
²² tunc oblatus est ei daemonium habens caecus et mutus et curavit eum ita ut loqueretur et videret
Actes 26.18 Esaïe 35.5-35.6 Esaïe 29.18 Marc 7.35-7.37 Matthieu 9.32-9.34
²³ et stupebant omnes turbae et dicebant numquid hic est Filius David
Matthieu 9.27 Matthieu 21.9 Jean 7.40-7.42 Jean 4.29 Matthieu 22.42-22.43
²⁴ Pharisaei autem audientes dixerunt hic non eicit daemones nisi in Beelzebub principe daemoniorum
Marc 3.22 Matthieu 9.34 Luc 11.15
²⁵ Iesus autem sciens cogitationes eorum dixit eis omne regnum divisum contra se desolatur et omnis civitas vel domus divisa contra se non stabit
Matthieu 9.4 Jérémie 17.10 Hébreux 4.13 Psaumes 139.2 Galates 5.15
²⁶ et si Satanas Satanan eicit adversus se divisus est quomodo ergo stabit regnum eius
Colossiens 1.13 1 Jean 5.19 Apocalypse 12.9 Matthieu 4.10 Apocalypse 16.10
²⁷ et si ego in Beelzebub eicio daemones filii vestri in quo eiciunt ideo ipsi iudices erunt vestri
Marc 9.38-9.39 Luc 9.49-9.50 Actes 19.13-19.16 Luc 11.19 Matthieu 12.41-12.42
²⁸ si autem ego in Spiritu Dei eicio daemones igitur pervenit in vos regnum Dei
Luc 11.20 Colossiens 1.13 Matthieu 12.18 Matthieu 21.43 Actes 10.38
²⁹ aut quomodo potest quisquam intrare in domum fortis et vasa eius diripere nisi prius alligaverit fortem et tunc domum illius diripiat
Marc 3.27 Esaïe 53.12 Esaïe 49.24 Luc 11.21-11.22 Apocalypse 20.1-20.3
³⁰ qui non est mecum contra me est et qui non congregat mecum spargit
Luc 11.23 Marc 9.40 Luc 9.50 2 Corinthiens 6.15-6.16 1 Jean 2.19
³¹ ideo dico vobis omne peccatum et blasphemia remittetur hominibus Spiritus autem blasphemia non remittetur
Luc 12.10 Marc 3.28-3.30 Hébreux 6.4 1 Jean 5.16 Hébreux 10.26
³² et quicumque dixerit verbum contra Filium hominis remittetur ei qui autem dixerit contra Spiritum Sanctum non remittetur ei neque in hoc saeculo neque in futuro
Ephésiens 1.21 Marc 3.29 Matthieu 11.19 Hébreux 6.4-6.6 1 Timothée 1.13
³³ aut facite arborem bonam et fructum eius bonum aut facite arborem malam et fructum eius malum siquidem ex fructu arbor agnoscitur
Luc 6.43-6.44 Matthieu 7.16-7.20 Ezéchiel 18.31 Luc 11.39-11.40 Amos 5.15
³⁴ progenies viperarum quomodo potestis bona loqui cum sitis mali ex abundantia enim cordis os loquitur
Luc 6.45 Matthieu 15.18 Ephésiens 4.29 Jacques 3.5-3.8 Esaïe 32.6
³⁵ bonus homo de bono thesauro profert bona et malus homo de malo thesauro profert mala
Colossiens 4.6 Matthieu 13.52 Colossiens 3.16 Proverbes 25.11-25.12 Proverbes 10.20-10.21
³⁶ dico autem vobis quoniam omne verbum otiosum quod locuti fuerint homines reddent rationem de eo in die iudicii
Ecclésiaste 12.14 Jude 1.14-1.15 Romains 2.16 Apocalypse 20.12
³⁷ ex verbis enim tuis iustificaberis et ex verbis tuis condemnaberis
Proverbes 13.3 Jacques 2.21-2.25
³⁸ tunc responderunt ei quidam de scribis et Pharisaeis dicentes magister volumus a te signum videre
1 Corinthiens 1.22 Jean 2.18 Marc 8.11-8.12 Luc 11.16 Jean 6.30
³⁹ qui respondens ait illis generatio mala et adultera signum quaerit et signum non dabitur ei nisi signum Ionae prophetae
Matthieu 16.4 Luc 11.29-11.32 Esaïe 57.3 Jacques 4.4 Marc 8.38
⁴⁰ sicut enim fuit Ionas in ventre ceti tribus diebus et tribus noctibus sic erit Filius hominis in corde terrae tribus diebus et tribus noctibus
Jonas 1.17 Matthieu 16.21 Matthieu 17.23 Matthieu 27.63-27.64 Jean 2.19
⁴¹ viri ninevitae surgent in iudicio cum generatione ista et condemnabunt eam quia paenitentiam egerunt in praedicatione Ionae et ecce plus quam Iona hic
Matthieu 12.42 Hébreux 11.7 Matthieu 12.6 Esaïe 54.17 Jonas 1.2
⁴² regina austri surget in iudicio cum generatione ista et condemnabit eam quia venit a finibus terrae audire sapientiam Salomonis et ecce plus quam Salomon hic
Hébreux 1.2-1.4 2 Chroniques 9.1-9.12 1 Rois 10.1-10.13 Matthieu 3.17 Jean 1.14
⁴³ cum autem inmundus spiritus exierit ab homine ambulat per loca arida quaerens requiem et non invenit
Psaumes 63.1 Ezéchiel 47.8-47.12 1 Pierre 5.8 Amos 8.11-8.13 Job 2.2
⁴⁴ tunc dicit revertar in domum meam unde exivi et veniens invenit vacantem scopis mundatam et ornatam
Jean 13.2 Jean 12.6 Psaumes 81.11-81.12 Jean 13.27 1 Jean 2.19
⁴⁵ tunc vadit et adsumit septem alios spiritus secum nequiores se et intrantes habitant ibi et fiunt novissima hominis illius peiora prioribus sic erit et generationi huic pessimae
Hébreux 6.4-6.8 Luc 11.26 Hébreux 10.26-10.31 Marc 5.9 Matthieu 23.15
⁴⁶ adhuc eo loquente ad turbas ecce mater eius et fratres stabant foris quaerentes loqui ei
Actes 1.14 Galates 1.19 Jean 2.12 Matthieu 13.55 Jean 7.5
⁴⁷ dixit autem ei quidam ecce mater tua et fratres tui foris stant quaerentes te
⁴⁸ at ipse respondens dicenti sibi ait quae est mater mea et qui sunt fratres mei
Matthieu 10.37 Marc 3.32-3.33 Luc 2.49 Luc 2.52 Jean 2.3-2.4
⁴⁹ et extendens manum in discipulos suos dixit ecce mater mea et fratres mei
Matthieu 28.7 Marc 3.34 Jean 17.20 Jean 20.17-20.20 Jean 17.8-17.9
⁵⁰ quicumque enim fecerit voluntatem Patris mei qui in caelis est ipse meus et frater et soror et mater est
Jean 15.14 Marc 3.35 1 Timothée 5.2 1 Jean 2.17 Matthieu 28.10