Job 38.3
Biblia Hebraica Stuttgartensia

¹ וַיַּֽעַן־יְהוָ֣ה אֶת־אִ֭יֹּוב מִ֥ן ׀ הַסְּעָרָ֗ה וַיֹּאמַֽר׃Job 40.6 Ezéchiel 1.4 1 Rois 19.11 2 Rois 2.11 Job 37.1-37.2
² מִ֤י זֶ֨ה׀ מַחְשִׁ֖יךְ עֵצָ֥ה בְמִלִּ֗ין בְּֽלִי־דָֽעַת׃Job 35.16 Job 42.3 1 Timothée 1.7 Job 34.35 Job 23.4-23.5
³ אֱזָר־נָ֣א כְגֶ֣בֶר חֲלָצֶ֑יךָ וְ֝אֶשְׁאָלְךָ֗ וְהֹודִיעֵֽנִי׃Job 40.7 1 Pierre 1.13 Exode 12.11 Jérémie 1.17 1 Rois 18.46
⁴ אֵיפֹ֣ה הָ֭יִיתָ בְּיָסְדִי־אָ֑רֶץ הַ֝גֵּ֗ד אִם־יָדַ֥עְתָּ בִינָֽה׃Psaumes 104.5 Proverbes 30.4 Hébreux 1.10 Hébreux 1.2 Psaumes 102.25
⁵ מִי־שָׂ֣ם מְ֭מַדֶּיהָ כִּ֣י תֵדָ֑ע אֹ֤ו מִֽי־נָטָ֖ה עָלֶ֣יהָ קָּֽו׃Esaïe 40.12 Job 11.9 Proverbes 8.29 Zacharie 2.1-2.2 2 Corinthiens 10.16
⁶ עַל־מָ֭ה אֲדָנֶ֣יהָ הָטְבָּ֑עוּ אֹ֥ו מִֽי־יָ֝רָ֗ה אֶ֣בֶן פִּנָּתָֽהּ׃Job 26.7 Psaumes 104.5 Psaumes 93.1 Esaïe 28.16 Psaumes 118.22
⁷ בְּרָן־יַ֭חַד כֹּ֣וכְבֵי בֹ֑קֶר וַ֝יָּרִ֗יעוּ כָּל־בְּנֵ֥י אֱלֹהִֽים׃Job 1.6 Job 2.1 Apocalypse 22.16 Zacharie 4.7 Apocalypse 5.11
⁸ וַיָּ֣סֶךְ בִּדְלָתַ֣יִם יָ֑ם בְּ֝גִיחֹ֗ו מֵרֶ֥חֶם יֵצֵֽא׃Genèse 1.9 Jérémie 5.22 Proverbes 8.29 Psaumes 104.8-104.9 Psaumes 33.7
⁹ בְּשׂוּמִ֣י עָנָ֣ן לְבֻשֹׁ֑ו וַ֝עֲרָפֶ֗ל חֲתֻלָּתֹֽו׃Genèse 1.2
¹⁰ וָאֶשְׁבֹּ֣ר עָלָ֣יו חֻקִּ֑י וָֽ֝אָשִׂ֗ים בְּרִ֣יחַ וּדְלָתָֽיִם׃Psaumes 104.9 Jérémie 5.22 Job 26.10 Psaumes 33.7 Genèse 9.15
¹¹ וָאֹמַ֗ר עַד־פֹּ֣ה תָ֭בֹוא וְלֹ֣א תֹסִ֑יף וּפֹ֥א־יָ֝שִׁ֗ית בִּגְאֹ֥ון גַּלֶּֽיךָ׃Psaumes 89.9 Marc 4.39-4.41 Esaïe 27.8 Psaumes 76.10 Job 1.22
¹² הְֽ֭מִיָּמֶיךָ צִוִּ֣יתָ בֹּ֑קֶר יִדַּ֖עְתָּ הַשַּׁ֣חַר מְקֹמֹֽו׃Psaumes 74.16 Psaumes 148.3-148.5 2 Pierre 1.19 Job 15.7 Job 38.21
¹³ לֶ֭אֱחֹז בְּכַנְפֹ֣ות הָאָ֑רֶץ וְיִנָּעֲר֖וּ רְשָׁעִ֣ים מִמֶּֽנָּה׃Job 37.3 Psaumes 104.35 Psaumes 139.9-139.12 Job 24.13-24.17 Exode 14.27
¹⁴ תִּ֭תְהַפֵּךְ כְּחֹ֣מֶר חֹותָ֑ם וְ֝יִֽתְיַצְּב֗וּ כְּמֹ֣ו לְבֽוּשׁ׃Psaumes 104.6 Psaumes 104.2
¹⁵ וְיִמָּנַ֣ע מֵרְשָׁעִ֣ים אֹורָ֑ם וּזְרֹ֥ועַ רָ֝מָ֗ה תִּשָּׁבֵֽר׃Psaumes 10.15 Psaumes 37.17 Job 18.5 Ezéchiel 30.22 Job 5.14
¹⁶ הֲ֭בָאתָ עַד־נִבְכֵי־יָ֑ם וּבְחֵ֥קֶר תְּ֝הֹ֗ום הִתְהַלָּֽכְתָּ׃Psaumes 77.19 Proverbes 8.24 Jérémie 51.36 Job 26.5-26.6
¹⁷ הֲנִגְל֣וּ לְ֭ךָ שַׁעֲרֵי־מָ֑וֶת וְשַׁעֲרֵ֖י צַלְמָ֣וֶת תִּרְאֶֽה׃Psaumes 9.13 Psaumes 107.18 Job 3.5 Psaumes 107.14 Psaumes 116.3
¹⁸ הִ֭תְבֹּנַנְתָּ עַד־רַחֲבֵי־אָ֑רֶץ הַ֝גֵּ֗ד אִם־יָדַ֥עְתָּ כֻלָּֽהּ׃Jérémie 31.37 Apocalypse 20.9 Esaïe 40.28 Job 28.24 Psaumes 89.11-89.12
¹⁹ אֵי־זֶ֣ה הַ֭דֶּרֶךְ יִשְׁכָּן־אֹ֑ור וְ֝חֹ֗שֶׁךְ אֵי־זֶ֥ה מְקֹמֹֽו׃Genèse 1.14-1.18 Psaumes 18.11 Ezéchiel 32.8 Jean 8.12 Job 38.12-38.13
²⁰ כִּ֣י תִ֭קָּחֶנּוּ אֶל־גְּבוּלֹ֑ו וְכִֽי־תָ֝בִ֗ין נְתִיבֹ֥ות בֵּיתֹֽו׃Genèse 10.19 Genèse 23.17 Job 26.10
²¹ יָ֭דַעְתָּ כִּי־אָ֣ז תִּוָּלֵ֑ד וּמִסְפַּ֖ר יָמֶ֣יךָ רַבִּֽים׃Job 15.7 Job 38.4 Job 38.12
²² הֲ֭בָאתָ אֶל־אֹצְרֹ֣ות שָׁ֑לֶג וְאֹצְרֹ֖ות בָּרָ֣ד תִּרְאֶֽה׃Job 37.6 Psaumes 135.7 Psaumes 33.7 Job 6.16
²³ אֲשֶׁר־חָשַׂ֥כְתִּי לְעֶת־צָ֑ר לְיֹ֥ום קְ֝רָ֗ב וּמִלְחָמָֽה׃Josué 10.11 Apocalypse 16.21 Esaïe 30.30 Exode 9.18 Matthieu 7.27
²⁴ אֵי־זֶ֣ה הַ֭דֶּרֶךְ יֵחָ֣לֶק אֹ֑ור יָפֵ֖ץ קָדִ֣ים עֲלֵי־אָֽרֶץ׃Jonas 4.8 Matthieu 24.27 Job 38.12-38.13
²⁵ מִֽי־פִלַּ֣ג לַשֶּׁ֣טֶף תְּעָלָ֑ה וְ֝דֶ֗רֶךְ לַחֲזִ֥יז קֹלֹֽות׃Job 28.26 Psaumes 29.3-29.10 Job 37.3-37.6 Job 36.27-36.28
²⁶ לְ֭הַמְטִיר עַל־אֶ֣רֶץ לֹא־אִ֑ישׁ מִ֝דְבָּ֗ר לֹא־אָדָ֥ם בֹּֽו׃Psaumes 107.35 Esaïe 35.1-35.2 Job 36.27 Psaumes 147.8-147.9 Esaïe 43.19-43.20
²⁷ לְהַשְׂבִּ֣יעַ שֹׁ֖אָה וּמְשֹׁאָ֑ה וּ֝לְהַצְמִ֗יחַ מֹ֣צָא דֶֽשֶׁא׃Psaumes 107.35 Psaumes 104.14
²⁸ הֲיֵשׁ־לַמָּטָ֥ר אָ֑ב אֹ֥ו מִי־הֹ֝ולִ֗יד אֶגְלֵי־טָֽל׃Jérémie 14.22 Psaumes 147.8 Job 5.9-5.10 1 Samuel 12.17-12.18 Deutéronome 33.13
²⁹ מִבֶּ֣טֶן מִ֭י יָצָ֣א הַקָּ֑רַח וּכְפֹ֥ר שָׁ֝מַיִם מִ֣י יְלָדֹֽו׃Psaumes 147.16-147.17 Job 37.10 Job 6.16 Job 38.8
³⁰ כָּ֭אֶבֶן מַ֣יִם יִתְחַבָּ֑אוּ וּפְנֵ֥י תְ֝הֹ֗ום יִתְלַכָּֽדוּ׃Job 37.10
³¹ הַֽ֭תְקַשֵּׁר מַעֲדַנֹּ֣ות כִּימָ֑ה אֹֽו־מֹשְׁכֹ֖ות כְּסִ֣יל תְּפַתֵּֽחַ׃Amos 5.8 Job 9.9
³² הֲתֹצִ֣יא מַזָּרֹ֣ות בְּעִתֹּ֑ו וְ֝עַ֗יִשׁ עַל־בָּנֶ֥יהָ תַנְחֵֽם׃2 Rois 23.5 Job 9.9 Job 38.31
³³ הֲ֭יָדַעְתָּ חֻקֹּ֣ות שָׁמָ֑יִם אִם־תָּשִׂ֖ים מִשְׁטָרֹ֣ו בָאָֽרֶץ׃Jérémie 31.35-31.36 Genèse 8.22 Psaumes 148.6 Genèse 1.16 Psaumes 119.90-119.91
³⁴ הֲתָרִ֣ים לָעָ֣ב קֹולֶ֑ךָ וְֽשִׁפְעַת־מַ֥יִם תְּכַסֶּֽךָּ׃Job 22.11 Job 36.27-36.28 Jacques 5.18 Amos 5.8 1 Samuel 12.18
³⁵ הַֽתְשַׁלַּ֣ח בְּרָקִ֣ים וְיֵלֵ֑כוּ וְיֹאמְר֖וּ לְךָ֣ הִנֵּֽנוּ׃Esaïe 65.1 Job 37.3 Nombres 11.1 Exode 9.23-9.25 Esaïe 6.8
³⁶ מִי־שָׁ֭ת בַּטֻּחֹ֣ות חָכְמָ֑ה אֹ֤ו מִֽי־נָתַ֖ן לַשֶּׂ֣כְוִי בִינָֽה׃Job 32.8 Psaumes 51.6 Ecclésiaste 2.26 Proverbes 2.6 Jacques 1.5
³⁷ מִֽי־יְסַפֵּ֣ר שְׁחָקִ֣ים בְּחָכְמָ֑ה וְנִבְלֵ֥י שָׁ֝מַ֗יִם מִ֣י יַשְׁכִּֽיב׃Genèse 15.5 Genèse 8.1 Genèse 9.15 Psaumes 147.4
³⁸ בְּצֶ֣קֶת עָ֭פָר לַמּוּצָ֑ק וּרְגָבִ֥ים יְדֻבָּֽקוּ׃ ³⁹ הֲתָצ֣וּד לְלָבִ֣יא טָ֑רֶף וְחַיַּ֖ת כְּפִירִ֣ים תְּמַלֵּֽא׃Psaumes 104.21 Job 4.10-4.11 Psaumes 145.15-145.16 Psaumes 34.10
⁴⁰ כִּי־יָשֹׁ֥חוּ בַמְּעֹונֹ֑ות יֵשְׁב֖וּ בַסֻּכָּ֣ה לְמֹו־אָֽרֶב׃Job 37.8 Nombres 23.24 Genèse 49.9 Nombres 24.9
⁴¹ מִ֤י יָכִ֥ין לָעֹרֵ֗ב צֵ֫ידֹ֥ו כִּֽי־יְ֭לָדָיו אֶל־אֵ֣ל יְשַׁוֵּ֑עוּ יִ֝תְע֗וּ לִבְלִי־אֹֽכֶל׃Matthieu 6.26 Luc 12.24 Psaumes 147.9 Psaumes 104.27-104.28