Psaumes 17
Vulgate

Prière du juste persécuté

1 in finem puero Domini David quae locutus est Domino verba cantici huius in die qua eripuit eum Dominus de manu omnium inimicorum eius et de manu Saul et dixit
Psaumes 142.6 Psaumes 61.1 Psaumes 86.1 Psaumes 43.1 Psaumes 18.20
2 diligam te Domine fortitudo mea
Psaumes 37.6 Jude 1.24 Ezéchiel 33.17 Ezéchiel 33.20 Ezéchiel 18.29
3 Dominus firmamentum meum et refugium meum et liberator meus Deus meus adiutor meus et sperabo in eum protector meus et cornu salutis meae et susceptor meus
Job 23.10 1 Pierre 1.7 Psaumes 39.1 Psaumes 66.10 Zacharie 13.9
4 laudans invocabo Dominum et ab inimicis meis salvus ero
Psaumes 119.9-119.11 Jean 17.17 Psaumes 14.1-14.3 1 Corinthiens 3.3 Matthieu 4.7
5 circumdederunt me dolores mortis et torrentes iniquitatis conturbaverunt me
Psaumes 18.36 Psaumes 119.133 Psaumes 44.18 Psaumes 38.16 Jérémie 10.23
6 dolores inferni circumdederunt me praeoccupaverunt me laquei mortis
Psaumes 116.2 Psaumes 86.7 Psaumes 13.3-13.4 Daniel 9.17-9.19 Esaïe 37.17
7 cum tribularer invocavi Dominum et ad Deum meum clamavi exaudivit de templo sancto; suo vocem meam et clamor meus in conspectu eius introibit in aures eius
Psaumes 31.21 Psaumes 20.6 Psaumes 78.12 Psaumes 60.5 Actes 2.33
8 et commota est et contremuit terra et fundamenta montium conturbata sunt et commota sunt quoniam iratus est eis
Deutéronome 32.10 Psaumes 63.7 Psaumes 91.1 Psaumes 57.1 Zacharie 2.8
9 ascendit fumus in ira eius et ignis a facie eius exarsit carbones succensi sunt ab eo
Psaumes 35.4 1 Samuel 24.11 Psaumes 7.5 Psaumes 31.20 Psaumes 35.12
10 inclinavit caelos et descendit et caligo sub pedibus eius
1 Samuel 2.3 Psaumes 31.18 Job 15.27 Psaumes 119.70 Exode 15.9
11 et ascendit super cherubin et volavit volavit super pinnas ventorum
1 Samuel 26.2-26.3 1 Samuel 24.2-24.3 Psaumes 37.14 1 Samuel 23.26 Proverbes 6.13-6.14
12 et posuit tenebras latibulum suum in circuitu eius tabernaculum eius tenebrosa aqua in nubibus aeris
Psaumes 7.2 Psaumes 10.9 1 Pierre 5.8 2 Timothée 4.17 Psaumes 22.13
13 prae fulgore in conspectu eius nubes eius; transierunt grando et carbones ignis
Psaumes 3.7 Actes 4.28 Psaumes 119.126 Esaïe 10.15 Esaïe 37.26
14 et intonuit de caelo Dominus et Altissimus dedit vocem suam grando et carbones ignis;
Luc 16.25 Luc 16.8 Luc 12.19-12.21 Psaumes 49.17-49.19 Jean 8.23
15 et misit sagittas et dissipavit eos et fulgora multiplicavit et conturbavit eos
Psaumes 16.11 Psaumes 11.7 Philippiens 3.21 Apocalypse 21.23 Esaïe 26.19
16 et apparuerunt fontes aquarum et revelata sunt fundamenta orbis terrarum ab increpatione tua Domine ab inspiratione spiritus irae tuae
17 misit de summo et accepit me adsumpsit me de aquis multis
18 eripiet me de inimicis meis fortissimis et ab his qui oderunt me quoniam confirmati sunt super me
19 praevenerunt me in die adflictionis meae et factus est Dominus protector meus
20 et eduxit me in latitudinem salvum me faciet quoniam voluit me
21 et; retribuet mihi Dominus secundum iustitiam meam et; secundum puritatem manuum mearum retribuet mihi
22 quia custodivi vias Domini nec impie gessi a Deo meo
23 quoniam omnia iudicia eius in conspectu meo sunt et iustitias eius non reppuli a me
24 et ero inmaculatus cum eo et observabo ab iniquitate mea
25 et retribuet mihi Dominus secundum iustitiam meam et secundum puritatem manuum mearum in conspectu oculorum eius
26 cum sancto sanctus eris et cum viro innocente innocens eris
27 et cum electo electus eris et cum perverso perverteris
28 quoniam tu populum humilem salvum facies et oculos superborum humiliabis
29 quoniam tu inluminas lucernam meam Domine Deus meus inluminas tenebras meas
30 quoniam in te eripiar a temptatione et in Deo meo transgrediar murum
31 Deus meus inpolluta via eius eloquia Domini igne examinata protector est omnium sperantium in eum
32 quoniam quis deus praeter Dominum et quis deus praeter Deum nostrum
33 Deus qui praecingit me virtute et posuit inmaculatam viam meam
34 qui perfecit pedes meos tamquam cervorum et super excelsa statuens me
35 qui doces manus meas in proelium et posuisti arcum aereum brachia mea
36 et dedisti mihi protectionem salutis tuae et dextera tua suscepit me et disciplina tua correxit me in finem et disciplina tua ipsa me docebit
37 dilatasti gressus meos subtus me et non sunt infirmata vestigia mea
38 persequar inimicos meos et conprehendam illos et non convertar donec deficiant
39 confringam illos nec poterunt stare cadent subtus pedes meos
40 et praecinxisti me virtute ad bellum subplantasti insurgentes in me subtus me
41 et inimicos meos dedisti mihi dorsum et odientes me disperdisti
42 clamaverunt nec erat qui salvos faceret ad Dominum nec exaudivit eos
43 et comminuam illos ut pulverem ante faciem venti ut lutum platearum delebo eos
44 eripe me de contradictionibus populi constitues me in caput gentium
45 populus quem non cognovi servivit mihi in auditu auris oboedivit mihi
46 filii alieni mentiti sunt mihi filii alieni inveterati sunt et claudicaverunt a semitis suis
47 vivit Dominus et benedictus Deus meus et exaltetur Deus salutis meae
48 Deus qui dat vindictas mihi et subdidit populos sub me liberator meus de gentibus iracundis
49 et ab insurgentibus in me exaltabis me a viro iniquo eripies me
50 propterea confitebor tibi in nationibus Domine et psalmum dicam nomini tuo
51 magnificans salutes regis eius et faciens misericordiam christo suo David et semini eius usque in saeculum