Nombres 31
Vulgate

Dernières responsabilités de Moïse

Victoire sur Madian

1 locutusque est Dominus ad Mosen dicens
2 ulciscere prius filios Israhel de Madianitis et sic colligeris ad populum tuum
Nombres 27.13 Esaïe 1.24 Nahum 1.2 Nombres 25.14-25.18 Juges 2.10
3 statimque Moses armate inquit ex vobis viros ad pugnam qui possint ultionem Domini expetere de Madianitis
Lévitique 26.25 2 Rois 9.7 2 Rois 10.30 Nombres 25.11 Exode 17.9-17.13
4 mille viri de singulis tribubus eligantur Israhel qui mittantur ad bellum
Lévitique 26.8 1 Samuel 14.6 Juges 7.2
5 dederuntque millenos de cunctis tribubus id est duodecim milia expeditorum ad pugnam
6 quos misit Moses cum Finees filio Eleazari sacerdotis vasa quoque sancta et tubas ad clangendum tradidit ei
Nombres 14.44 Nombres 10.8-10.9 1 Samuel 4.17 1 Samuel 23.9 2 Chroniques 13.12-13.15
7 cumque pugnassent contra Madianitas atque vicissent omnes mares occiderunt
Juges 21.11 1 Rois 11.15-11.16 1 Samuel 27.9 Juges 6.33 Juges 6.1-6.2
8 et reges eorum Evi et Recem et Sur et Ur et Rebe quinque principes gentis Balaam quoque filium Beor interfecerunt gladio
Nombres 25.15 Josué 13.21-13.22 Nombres 22.4 Apocalypse 2.14 Jude 1.11
9 ceperuntque mulieres eorum et parvulos omniaque pecora et cunctam supellectilem quicquid habere potuerant depopulati sunt
2 Chroniques 28.8-28.10 2 Chroniques 28.5 Nombres 31.15-31.16 Deutéronome 20.14
10 tam urbes quam viculos et castella flamma consumpsit
1 Rois 9.16 Esaïe 1.7 1 Samuel 30.1 Genèse 25.16 Apocalypse 18.8
11 et tulerunt praedam et universa quae ceperant tam ex hominibus quam ex iumentis
Deutéronome 20.14 Josué 8.2
12 et adduxerunt ad Mosen et Eleazarum sacerdotem et ad omnem multitudinem filiorum Israhel reliqua etiam utensilia portaverunt ad castra in campestribus Moab iuxta Iordanem contra Hiericho
Nombres 22.1
13 egressi sunt autem Moses et Eleazar sacerdos et omnes principes synagogae in occursum eorum extra castra
Nombres 31.12 Nombres 5.2 Genèse 14.17 1 Samuel 30.21 Nombres 31.22-31.24
14 iratusque Moses principibus exercitus tribunis et centurionibus qui venerant de bello
Exode 32.22 Nombres 12.3 Ephésiens 4.26 Lévitique 10.16 Nombres 31.48
15 ait cur feminas reservastis
1 Samuel 15.3 Josué 10.40 Josué 8.25 Jérémie 48.10 Josué 11.14
16 nonne istae sunt quae deceperunt filios Israhel ad suggestionem Balaam et praevaricari vos fecerunt in Domino super peccato Phogor unde et percussus est populus
2 Pierre 2.15 Apocalypse 2.14 Nombres 25.1-25.9 Deutéronome 4.3 Josué 22.17
17 ergo cunctos interficite quicquid est generis masculini etiam in parvulis et mulieres quae noverunt viros in coitu iugulate
Deutéronome 7.2 Deutéronome 20.16-20.18 Juges 21.11-21.12
18 puellas autem et omnes feminas virgines reservate vobis
Deutéronome 21.10-21.14 Lévitique 25.44 2 Chroniques 28.8-28.10 Esaïe 14.2 Deutéronome 20.14
19 et manete extra castra septem diebus qui occiderit hominem vel occisum tetigerit lustrabitur die tertio et septimo
Nombres 19.11-19.22 Nombres 5.2 1 Chroniques 22.8
20 et de omni praeda sive vestimentum fuerit sive vas et aliquid in utensilia praeparatum de caprarum pellibus et pilis et ligno expiabitur
Genèse 35.2 Nombres 19.14-19.16 Nombres 19.22 Exode 19.10
21 Eleazar quoque sacerdos ad viros exercitus qui pugnaverant sic locutus est hoc est praeceptum legis quod mandavit Dominus Mosi
Nombres 30.16
22 aurum et argentum et aes et ferrum et stagnum et plumbum
23 et omne quod potest transire per flammas igne purgabitur quicquid autem ignem non potest sustinere aqua expiationis sanctificabitur
Nombres 19.9 Nombres 19.17 1 Corinthiens 3.13 Matthieu 3.11 1 Pierre 3.21
24 et lavabitis vestimenta vestra die septimo et purificati postea castra intrabitis
Lévitique 11.25 Lévitique 14.9 Lévitique 15.13 Nombres 19.19
25 dixitque Dominus ad Mosen
26 tollite summam eorum quae capta sunt ab homine usque ad pecus tu et Eleazar sacerdos et principes vulgi
27 dividesque ex aequo praedam inter eos qui pugnaverunt et egressi sunt ad bellum et inter omnem reliquam multitudinem
Josué 22.8 1 Samuel 30.24-30.25 1 Samuel 30.4 Psaumes 68.12
28 et separabis partem Domino ab his qui pugnaverunt et fuerunt in bello unam animam de quingentis tam ex hominibus quam ex bubus et asinis et ovibus
Nombres 18.26 Nombres 31.47 Nombres 31.30 1 Chroniques 18.11 Josué 6.19
29 et dabis eam Eleazaro sacerdoti quia primitiae Domini sunt
Deutéronome 12.12 Exode 29.27 Deutéronome 12.19 Nombres 18.26
30 ex media quoque parte filiorum Israhel accipies quinquagesimum caput hominum et boum et asinorum et ovium cunctarumque animantium et dabis ea Levitis qui excubant in custodiis tabernaculi Domini
Nombres 3.31 Nombres 3.7-3.8 Nombres 3.25 1 Corinthiens 9.13-9.14 Colossiens 4.17
31 feceruntque Moses et Eleazar sicut praeceperat Dominus
32 fuit autem praeda quam exercitus ceperat ovium sescenta septuaginta quinque milia
33 boum septuaginta duo milia
34 asinorum sexaginta milia et mille
35 animae hominum sexus feminei quae non cognoverant viros triginta duo milia
36 dataque est media pars his qui in proelio fuerant ovium trecenta triginta septem milia quingenta
37 e quibus in partem Domini supputatae sunt oves sescentae septuaginta quinque
38 et de bubus triginta sex milibus boves septuaginta duo
39 de asinis triginta milibus quingentis asini sexaginta unus
40 de animabus hominum sedecim milibus cesserunt in partem Domini triginta duae animae
41 tradiditque Moses numerum primitiarum Domini Eleazaro sacerdoti sicut ei fuerat imperatum
Nombres 18.19 Nombres 18.8 Hébreux 7.9-7.12 Nombres 31.29-31.31 Hébreux 7.4-7.6
42 ex media parte filiorum Israhel quam separaverat his qui in proelio fuerant
43 de media vero parte quae contigerat reliquae multitudini id est de ovium trecentis triginta septem milibus quingentis
44 et de bubus triginta sex milibus
45 et de asinis triginta milibus quingentis
46 et de hominibus sedecim milibus
47 tulit Moses quinquagesimum caput et dedit Levitis qui excubant in tabernaculo Domini sicut praeceperat Dominus
Nombres 31.30 1 Thessaloniciens 5.12-5.13 Nombres 18.21-18.24 Luc 10.1-10.8 Deutéronome 12.17-12.19
48 cumque accessissent principes exercitus ad Mosen et tribuni centurionesque dixerunt
49 nos servi tui recensuimus numerum pugnatorum quos habuimus sub manu nostra et ne unus quidem defuit
Jean 18.9 1 Samuel 30.18-30.19 Psaumes 72.14
50 ob hanc causam offerimus in donariis Domini singuli quod in praeda auri potuimus invenire periscelides et armillas anulos et dextralia ac murenulas ut depreceris pro nobis Dominum
Exode 30.12 Exode 30.15-30.16 Lévitique 17.11 Psaumes 116.12 Psaumes 116.17
51 susceperuntque Moses et Eleazar sacerdos omne aurum in diversis speciebus
Nombres 7.2-7.6
52 pondo sedecim milia septingentos quinquaginta siclos a tribunis et centurionibus
53 unusquisque enim quod in praeda rapuerat suum erat
Deutéronome 20.14 Nombres 31.32
54 et susceptum intulerunt in tabernaculum testimonii in monumentum filiorum Israhel coram Domino
Exode 30.16 Actes 10.4 Zacharie 6.14 Psaumes 103.1-103.2 Luc 22.19