Ezéchiel 23.46
Septante

Deux sœurs prostituées

¹ καὶ ἐγένετο λόγος κυρίου πρός με λέγων.
² υἱὲ ἀνθρώπου δύο γυναῖκες ἦσαν θυγατέρες μητρὸς μιᾶς.
Jérémie 3.7-3.10 Ezéchiel 16.44-16.46
³ καὶ ἐξεπόρνευσαν ἐν Αἰγύπτῳ ἐν τῇ νεότητι αὐτῶν ἐκεῖ ἔπεσον οἱ μαστοὶ αὐτῶν ἐκεῖ διεπαρθενεύθησαν.
Lévitique 17.7 Ezéchiel 16.22 Josué 24.14 Osée 2.15 Ezéchiel 20.8
⁴ καὶ τὰ ὀνόματα αὐτῶν ἦν Οολα ἡ πρεσβυτέρα καὶ Οολιβα ἡ ἀδελφὴ αὐτῆς καὶ ἐγένοντό μοι καὶ ἔτεκον υἱοὺς καὶ θυγατέρας καὶ τὰ ὀνόματα αὐτῶν Σαμάρεια ἡ Οολα καὶ Ιερουσαλημ ἡ Οολιβα.
Ezéchiel 16.8 Ezéchiel 16.20 Exode 19.5-19.6 Romains 7.4 Psaumes 132.13-132.14
⁵ καὶ ἐξεπόρνευσεν ἡ Οολα ἀπ’ ἐμοῦ καὶ ἐπέθετο ἐπὶ τοὺς ἐραστὰς αὐτῆς ἐπὶ τοὺς Ἀσσυρίους τοὺς ἐγγίζοντας αὐτῇ.
2 Rois 15.19 2 Rois 16.7 2 Rois 17.3 Osée 5.13 Osée 8.9-8.10
⁶ ἐνδεδυκότας ὑακίνθινα ἡγουμένους καὶ στρατηγούς νεανίσκοι ἐπίλεκτοι πάντες ἱππεῖς ἱππαζόμενοι ἐφ’ ἵππων.
Ezéchiel 23.23
⁷ καὶ ἔδωκεν τὴν πορνείαν αὐτῆς ἐπ’ αὐτούς ἐπίλεκτοι υἱοὶ Ἀσσυρίων πάντες καὶ ἐπὶ πάντας οὓς ἐπέθετο ἐν πᾶσι τοῖς ἐνθυμήμασιν αὐτῆς ἐμιαίνετο.
Osée 5.3 Osée 6.10 Ezéchiel 22.3-22.4 Ezéchiel 20.7 Ezéchiel 23.30
⁸ καὶ τὴν πορνείαν αὐτῆς ἐξ Αἰγύπτου οὐκ ἐγκατέλιπεν ὅτι μετ’ αὐτῆς ἐκοιμῶντο ἐν νεότητι αὐτῆς καὶ αὐτοὶ διεπαρθένευσαν αὐτὴν καὶ ἐξέχεαν τὴν πορνείαν αὐτῶν ἐπ’ αὐτήν.
Exode 32.4 Ezéchiel 23.3 Ezéchiel 23.19 2 Rois 10.29 2 Rois 17.16
⁹ διὰ τοῦτο παρέδωκα αὐτὴν εἰς χεῖρας τῶν ἐραστῶν αὐτῆς εἰς χεῖρας υἱῶν Ἀσσυρίων ἐφ’ οὓς ἐπετίθετο.
Osée 11.5 2 Rois 15.29 2 Rois 17.23 Apocalypse 17.12-17.13 2 Rois 17.3-17.6
¹⁰ αὐτοὶ ἀπεκάλυψαν τὴν αἰσχύνην αὐτῆς υἱοὺς καὶ θυγατέρας αὐτῆς ἔλαβον καὶ αὐτὴν ἐν ῥομφαίᾳ ἀπέκτειναν καὶ ἐγένετο λάλημα εἰς γυναῖκας καὶ ἐποίησαν ἐκδικήσεις ἐν αὐτῇ εἰς τὰς θυγατέρας.
Osée 2.10 Ezéchiel 23.29 Ezéchiel 23.48 Osée 2.3 Jérémie 22.8-22.9
¹¹ καὶ εἶδεν ἡ ἀδελφὴ αὐτῆς Οολιβα καὶ διέφθειρε τὴν ἐπίθεσιν αὐτῆς ὑπὲρ αὐτὴν καὶ τὴν πορνείαν αὐτῆς ὑπὲρ τὴν πορνείαν τῆς ἀδελφῆς αὐτῆς.
Jérémie 3.8-3.11 Ezéchiel 23.4 Ezéchiel 16.47-16.51
¹² ἐπὶ τοὺς υἱοὺς τῶν Ἀσσυρίων ἐπέθετο ἡγουμένους καὶ στρατηγοὺς τοὺς ἐγγὺς αὐτῆς ἐνδεδυκότας εὐπάρυφα ἱππεῖς ἱππαζομένους ἐφ’ ἵππων νεανίσκοι ἐπίλεκτοι πάντες.
2 Rois 16.7-16.15 Ezéchiel 23.23 2 Chroniques 28.16-28.23 Ezéchiel 23.5-23.6 Ezéchiel 16.28
¹³ καὶ εἶδον ὅτι μεμίανται ὁδὸς μία τῶν δύο.
Ezéchiel 23.31 Osée 12.1-12.2 2 Rois 17.18-17.19
¹⁴ καὶ προσέθετο πρὸς τὴν πορνείαν αὐτῆς καὶ εἶδεν ἄνδρας ἐζωγραφημένους ἐπὶ τοῦ τοίχου εἰκόνας Χαλδαίων ἐζωγραφημένους ἐν γραφίδι.
Ezéchiel 8.10 Jérémie 22.14 Esaïe 46.1 Ezéchiel 16.29 Jérémie 50.2
¹⁵ ἐζωσμένους ποικίλματα ἐπὶ τὰς ὀσφύας αὐτῶν καὶ τιάραι βαπταὶ ἐπὶ τῶν κεφαλῶν αὐτῶν ὄψις τρισσὴ πάντων ὁμοίωμα υἱῶν Χαλδαίων γῆς πατρίδος αὐτῶν.
Juges 8.18 Esaïe 22.21 2 Samuel 14.25 1 Samuel 18.4
¹⁶ καὶ ἐπέθετο ἐπ’ αὐτοὺς τῇ ὁράσει ὀφθαλμῶν αὐτῆς καὶ ἐξαπέστειλεν ἀγγέλους πρὸς αὐτοὺς εἰς γῆν Χαλδαίων.
Ezéchiel 16.29 Matthieu 5.28 2 Rois 24.1 Ezéchiel 23.40-23.41 Job 31.1
¹⁷ καὶ ἤλθοσαν πρὸς αὐτὴν υἱοὶ Βαβυλῶνος εἰς κοίτην καταλυόντων καὶ ἐμίαινον αὐτὴν ἐν τῇ πορνείᾳ αὐτῆς καὶ ἐμιάνθη ἐν αὐτοῖς καὶ ἀπέστη ἡ ψυχὴ αὐτῆς ἀπ’ αὐτῶν.
Ezéchiel 23.22 Ezéchiel 23.28 Genèse 10.10 2 Samuel 13.15 Ezéchiel 16.37
¹⁸ καὶ ἀπεκάλυψεν τὴν πορνείαν αὐτῆς καὶ ἀπεκάλυψεν τὴν αἰσχύνην αὐτῆς καὶ ἀπέστη ἡ ψυχή μου ἀπ’ αὐτῆς ὃν τρόπον ἀπέστη ἡ ψυχή μου ἀπὸ τῆς ἀδελφῆς αὐτῆς.
Jérémie 12.8 Psaumes 106.40 Psaumes 78.59 Jérémie 6.8 Ezéchiel 21.24
¹⁹ καὶ ἐπλήθυνας τὴν πορνείαν σου τοῦ ἀναμνῆσαι ἡμέρας νεότητός σου ἐν αἷς ἐπόρνευσας ἐν Αἰγύπτῳ.
Ezéchiel 23.3 Ezéchiel 16.51 Ezéchiel 20.7 Ezéchiel 23.8 Amos 4.4
²⁰ καὶ ἐπέθου ἐπὶ τοὺς Χαλδαίους ὧν ἦσαν ὡς ὄνων αἱ σάρκες αὐτῶν καὶ αἰδοῖα ἵππων τὰ αἰδοῖα αὐτῶν.
Ezéchiel 16.26 Ezéchiel 17.15 Ezéchiel 16.20 Jérémie 5.8
²¹ καὶ ἐπεσκέψω τὴν ἀνομίαν νεότητός σου ἃ ἐποίεις ἐν Αἰγύπτῳ ἐν τῷ καταλύματί σου οὗ οἱ μαστοὶ νεότητός σου.
²² διὰ τοῦτο Οολιβα τάδε λέγει κύριος ἰδοὺ ἐγὼ ἐξεγείρω τοὺς ἐραστάς σου ἐπὶ σέ ἀφ’ ὧν ἀπέστη ἡ ψυχή σου ἀπ’ αὐτῶν καὶ ἐπάξω αὐτοὺς ἐπὶ σὲ κυκλόθεν.
Ezéchiel 16.37 Jérémie 12.9-12.12 Habakuk 1.6-1.10 Ezéchiel 23.28 Jérémie 6.22-6.23
²³ υἱοὺς Βαβυλῶνος καὶ πάντας τοὺς Χαλδαίους Φακουδ καὶ Σουε καὶ Κουε καὶ πάντας υἱοὺς Ἀσσυρίων μετ’ αὐτῶν νεανίσκους ἐπιλέκτους ἡγεμόνας καὶ στρατηγοὺς πάντας τρισσοὺς καὶ ὀνομαστοὺς ἱππεύοντας ἐφ’ ἵππων.
Jérémie 50.21 2 Rois 20.14-20.17 2 Rois 24.2 Job 1.17 Esdras 6.22
²⁴ καὶ πάντες ἥξουσιν ἐπὶ σὲ ἀπὸ βορρᾶ ἅρματα καὶ τροχοὶ μετ’ ὄχλου λαῶν θυρεοὶ καὶ πέλται καὶ βαλοῦσιν φυλακὴν ἐπὶ σὲ κύκλῳ καὶ δώσω πρὸ προσώπου αὐτῶν κρίμα καὶ ἐκδικήσουσίν σε ἐν τοῖς κρίμασιν αὐτῶν.
Jérémie 39.5-39.6 Ezéchiel 23.45 Ezéchiel 26.10 Jérémie 47.3 Nahum 2.3-2.4
²⁵ καὶ δώσω τὸν ζῆλόν μου ἐν σοί καὶ ποιήσουσιν μετὰ σοῦ ἐν ὀργῇ θυμοῦ μυκτῆρά σου καὶ ὦτά σου ἀφελοῦσιν καὶ τοὺς καταλοίπους σου ἐν ῥομφαίᾳ καταβαλοῦσιν αὐτοὶ υἱούς σου καὶ θυγατέρας σου λήμψονται καὶ τοὺς καταλοίπους σου πῦρ καταφάγεται.
Ezéchiel 23.47 Exode 34.14 Ezéchiel 8.1-8.18 Sophonie 1.18 Ezéchiel 5.13
²⁶ καὶ ἐκδύσουσίν σε τὸν ἱματισμόν σου καὶ λήμψονται τὰ σκεύη τῆς καυχήσεώς σου.
Ezéchiel 16.39 Jérémie 13.22 Ezéchiel 23.29 Apocalypse 17.16 1 Pierre 3.3-3.4
²⁷ καὶ ἀποστρέψω τὰς ἀσεβείας σου ἐκ σοῦ καὶ τὴν πορνείαν σου ἐκ γῆς Αἰγύπτου καὶ οὐ μὴ ἄρῃς τοὺς ὀφθαλμούς σου ἐπ’ αὐτοὺς καὶ Αἰγύπτου οὐ μὴ μνησθῇς οὐκέτι.
Ezéchiel 16.41 Ezéchiel 23.3 Ezéchiel 23.19 Esaïe 27.9 Michée 5.10-5.14
²⁸ διότι τάδε λέγει κύριος κύριος ἰδοὺ ἐγὼ παραδίδωμί σε εἰς χεῖρας ὧν μισεῖς ἀφ’ ὧν ἀπέστη ἡ ψυχή σου ἀπ’ αὐτῶν.
Jérémie 34.20 Ezéchiel 23.22 Ezéchiel 16.37 Ezéchiel 23.17 Jérémie 21.7-21.10
²⁹ καὶ ποιήσουσιν ἐν σοὶ ἐν μίσει καὶ λήμψονται πάντας τοὺς πόνους σου καὶ τοὺς μόχθους σου καὶ ἔσῃ γυμνὴ καὶ ἀσχημονοῦσα καὶ ἀποκαλυφθήσεται αἰσχύνη πορνείας σου καὶ ἀσέβειά σου καὶ ἡ πορνεία σου.
Ezéchiel 23.45-23.47 Ezéchiel 16.39 Ezéchiel 23.25-23.26 Ezéchiel 16.36-16.37 Deutéronome 28.47-28.51
³⁰ ἐποίησεν ταῦτά σοι ἐν τῷ ἐκπορνεῦσαί σε ὀπίσω ἐθνῶν καὶ ἐμιαίνου ἐν τοῖς ἐνθυμήμασιν αὐτῶν.
Ezéchiel 6.9 Ezéchiel 23.12-23.21 Jérémie 16.11-16.12 Psaumes 106.35-106.38 Jérémie 2.18-2.20
³¹ ἐν τῇ ὁδῷ τῆς ἀδελφῆς σου ἐπορεύθης καὶ δώσω τὸ ποτήριον αὐτῆς εἰς χεῖράς σου.
Jérémie 7.14-7.15 2 Rois 21.13 Jérémie 3.8-3.11 Jérémie 25.15 Daniel 9.12
³² τάδε λέγει κύριος τὸ ποτήριον τῆς ἀδελφῆς σου πίεσαι τὸ βαθὺ καὶ τὸ πλατὺ τὸ πλεονάζον τοῦ συντελέσαι.
Esaïe 51.17 Psaumes 60.3 Ezéchiel 22.4-22.5 Ezéchiel 26.2 1 Rois 9.7
³³ μέθην καὶ ἐκλύσεως πλησθήσῃ καὶ τὸ ποτήριον ἀφανισμοῦ ποτήριον ἀδελφῆς σου Σαμαρείας.
Jérémie 25.27 Habakuk 2.16 Esaïe 51.17 Jérémie 25.15-25.16 Esaïe 51.22
³⁴ καὶ πίεσαι αὐτό καὶ τὰς ἑορτὰς καὶ τὰς νεομηνίας αὐτῆς ἀποστρέψω διότι ἐγὼ λελάληκα λέγει κύριος.
Psaumes 75.8 Esaïe 51.17 Ezéchiel 23.8 Apocalypse 18.7 Ezéchiel 23.3
³⁵ διὰ τοῦτο τάδε λέγει κύριος ἀνθ’ ὧν ἐπελάθου μου καὶ ἀπέρριψάς με ὀπίσω τοῦ σώματός σου καὶ σὺ λαβὲ τὴν ἀσέβειάν σου καὶ τὴν πορνείαν σου.
1 Rois 14.9 Esaïe 17.10 Ezéchiel 22.12 Jérémie 3.21 Osée 8.14
³⁶ καὶ εἶπεν κύριος πρός με υἱὲ ἀνθρώπου οὐ κρινεῖς τὴν Οολαν καὶ τὴν Οολιβαν καὶ ἀπαγγελεῖς αὐταῖς τὰς ἀνομίας αὐτῶν.
Ezéchiel 22.2 Ezéchiel 20.4 Ezéchiel 16.2 Esaïe 58.1 Jérémie 1.10
³⁷ ὅτι ἐμοιχῶντο καὶ αἷμα ἐν χερσὶν αὐτῶν τὰ ἐνθυμήματα αὐτῶν ἐμοιχῶντο καὶ τὰ τέκνα αὐτῶν ἃ ἐγέννησάν μοι διήγαγον αὐτοῖς δι’ ἐμπύρων.
Ezéchiel 16.36 Ezéchiel 20.26 Ezéchiel 16.20-16.21 Ezéchiel 16.38 2 Rois 21.6
³⁸ ἕως καὶ ταῦτα ἐποίησάν μοι τὰ ἅγιά μου ἐμίαινον καὶ τὰ σάββατά μου ἐβεβήλουν.
Ezéchiel 20.13 2 Rois 21.7 Ezéchiel 7.20 Ezéchiel 20.24 Jérémie 17.27
³⁹ καὶ ἐν τῷ σφάζειν αὐτοὺς τὰ τέκνα αὐτῶν τοῖς εἰδώλοις αὐτῶν καὶ εἰσεπορεύοντο εἰς τὰ ἅγιά μου τοῦ βεβηλοῦν αὐτά καὶ ὅτι οὕτως ἐποίουν ἐν μέσῳ τοῦ οἴκου μου.
2 Rois 21.4 Ezéchiel 44.7 Jérémie 23.11 Ezéchiel 23.38 Esaïe 3.9
⁴⁰ καὶ ὅτι τοῖς ἀνδράσιν τοῖς ἐρχομένοις μακρόθεν οἷς ἀγγέλους ἐξαπεστέλλοσαν πρὸς αὐτούς καὶ ἅμα τῷ ἔρχεσθαι αὐτοὺς εὐθὺς ἐλούου καὶ ἐστιβίζου τοὺς ὀφθαλμούς σου καὶ ἐκόσμου κόσμῳ.
Jérémie 4.30 2 Rois 9.30 Ezéchiel 16.13-16.16 Esaïe 3.18-3.23 Esaïe 57.9
⁴¹ καὶ ἐκάθου ἐπὶ κλίνης ἐστρωμένης καὶ τράπεζα κεκοσμημένη πρὸ προσώπου αὐτῆς καὶ τὸ θυμίαμά μου καὶ τὸ ἔλαιόν μου εὐφραίνοντο ἐν αὐτοῖς.
Esther 1.6 Amos 6.4 Jérémie 44.17 Ezéchiel 44.16 Esaïe 65.11
⁴² καὶ φωνὴν ἁρμονίας ἀνεκρούοντο καὶ πρὸς ἄνδρας ἐκ πλήθους ἀνθρώπων ἥκοντας ἐκ τῆς ἐρήμου καὶ ἐδίδοσαν ψέλια ἐπὶ τὰς χεῖρας αὐτῶν καὶ στέφανον καυχήσεως ἐπὶ τὰς κεφαλὰς αὐτῶν.
Ezéchiel 16.11-16.12 Joël 3.8 Job 1.15 Exode 32.6 Amos 6.1-6.6
⁴³ καὶ εἶπα οὐκ ἐν τούτοις μοιχεύουσιν καὶ ἔργα πόρνης καὶ αὐτὴ ἐξεπόρνευσεν.
Psaumes 106.6 Esdras 9.7 Daniel 9.16 Ezéchiel 23.3 Jérémie 13.23
⁴⁴ καὶ εἰσεπορεύοντο πρὸς αὐτήν ὃν τρόπον εἰσπορεύονται πρὸς γυναῖκα πόρνην οὕτως εἰσεπορεύοντο πρὸς Οολαν καὶ πρὸς Οολιβαν τοῦ ποιῆσαι ἀνομίαν.
Ezéchiel 23.3 Ezéchiel 23.9-23.13
⁴⁵ καὶ ἄνδρες δίκαιοι αὐτοὶ ἐκδικήσουσιν αὐτὰς ἐκδικήσει μοιχαλίδος καὶ ἐκδικήσει αἵματος ὅτι μοιχαλίδες εἰσίν καὶ αἷμα ἐν χερσὶν αὐτῶν.
Lévitique 20.10 Osée 6.5 Lévitique 21.9 Ezéchiel 23.36-23.39 Jérémie 5.14
⁴⁶ τάδε λέγει κύριος κύριος ἀνάγαγε ἐπ’ αὐτὰς ὄχλον καὶ δὸς ἐν αὐταῖς ταραχὴν καὶ διαρπαγὴν.
Ezéchiel 16.40 Jérémie 15.4 Jérémie 24.9 Ezéchiel 23.22-23.26 Jérémie 25.9
⁴⁷ καὶ λιθοβόλησον ἐπ’ αὐτὰς λίθοις ὄχλων καὶ κατακέντει αὐτὰς ἐν τοῖς ξίφεσιν αὐτῶν υἱοὺς αὐτῶν καὶ θυγατέρας αὐτῶν ἀποκτενοῦσι καὶ τοὺς οἴκους αὐτῶν ἐμπρήσουσιν.
Ezéchiel 24.21 Ezéchiel 16.40-16.41 Jérémie 39.8 Ezéchiel 9.6 Jérémie 33.4-33.5
⁴⁸ καὶ ἀποστρέψω ἀσέβειαν ἐκ τῆς γῆς καὶ παιδευθήσονται πᾶσαι αἱ γυναῖκες καὶ οὐ μὴ ποιήσουσιν κατὰ τὰς ἀσεβείας αὐτῶν.
Ezéchiel 16.41 2 Pierre 2.6 Ezéchiel 23.27 Esaïe 26.9 Ezéchiel 36.25
⁴⁹ καὶ δοθήσεται ἡ ἀσέβεια ὑμῶν ἐφ’ ὑμᾶς καὶ τὰς ἁμαρτίας τῶν ἐνθυμημάτων ὑμῶν λήμψεσθε καὶ γνώσεσθε διότι ἐγὼ κύριος.
Ezéchiel 7.4 Ezéchiel 9.10 Ezéchiel 20.38 Ezéchiel 7.9 Esaïe 59.18