Ezéchiel 23.23
Vulgate

Deux sœurs prostituées

¹ et factus est sermo Domini ad me dicens
² fili hominis duae mulieres filiae matris unius fuerunt
Ezéchiel 16.44-16.46 Jérémie 3.7-3.10
³ et fornicatae sunt in Aegypto in adulescentia sua fornicatae sunt ibi subacta sunt ubera earum et fractae sunt mammae pubertatis earum
Lévitique 17.7 Ezéchiel 16.22 Josué 24.14 Ezéchiel 23.19 Osée 2.15
⁴ nomina autem earum Oolla maior et Ooliba soror eius et habui eas et pepererunt filios et filias porro earum nomina Samaria Oolla et Hierusalem Ooliba
Ezéchiel 16.8 Psaumes 45.11-45.16 Ezéchiel 16.20 Exode 19.5-19.6 Romains 7.4
⁵ fornicata est igitur Oolla super me et insanivit in amatores suos in Assyrios propinquantes
2 Rois 15.19 2 Rois 16.7 2 Rois 17.3 Osée 5.13 Osée 8.9-8.10
⁶ vestitos hyacintho principes et magistratus iuvenes cupidinis universos equites ascensores equorum
Ezéchiel 23.23
⁷ et dedit fornicationes suas super eos electos filios Assyriorum universos et in omnibus in quos insanivit in inmunditiis eorum polluta est
Osée 5.3 Osée 6.10 Ezéchiel 20.7 Ezéchiel 22.3-22.4 Ezéchiel 23.30
⁸ insuper et fornicationes suas quas habuerat in Aegypto non reliquit nam et illi dormierant cum ea in adulescentia eius et illi confregerant ubera pubertatis eius et effuderant fornicationem suam super eam
Ezéchiel 23.19 Exode 32.4 Ezéchiel 23.3 2 Rois 10.29 2 Rois 17.16
⁹ propterea tradidi eam in manu amatorum suorum in manus filiorum Assur super quorum insanivit libidinem
2 Rois 17.23 Osée 11.5 2 Rois 15.29 Apocalypse 17.12-17.13 2 Rois 17.3-17.6
¹⁰ ipsi discoperuerunt ignominiam eius filios et filias illius tulerunt et ipsam occiderunt gladio et factae sunt famosae mulieres et iudicia perpetrarunt in ea
Osée 2.10 Ezéchiel 23.29 Ezéchiel 16.37-16.41 Ezéchiel 23.48 Osée 2.3
¹¹ quod cum vidisset soror eius Ooliba plus quam illa insanivit libidine et fornicationem suam super fornicationem sororis suae
Jérémie 3.8-3.11 Ezéchiel 16.47-16.51 Ezéchiel 23.4
¹² ad filios Assyriorum praebuit inpudenter ducibus et magistratibus ad se venientibus indutis veste varia equitibus qui vectabantur equis et adulescentibus forma cunctis egregia
2 Rois 16.7-16.15 Ezéchiel 23.23 2 Chroniques 28.16-28.23 Ezéchiel 23.5-23.6 Ezéchiel 16.28
¹³ et vidi quod polluta esset via una ambarum
2 Rois 17.18-17.19 Ezéchiel 23.31 Osée 12.1-12.2
¹⁴ et auxit fornicationes suas cumque vidisset viros depictos in pariete imagines Chaldeorum expressas coloribus
Ezéchiel 8.10 Jérémie 22.14 Esaïe 46.1 Ezéchiel 16.29 Jérémie 50.2
¹⁵ et accinctos balteis renes et tiaras tinctas in capitibus eorum formam ducum omnium similitudinem filiorum Babylonis terraeque Chaldeorum in qua orti sunt
1 Samuel 18.4 Juges 8.18 Esaïe 22.21 2 Samuel 14.25
¹⁶ et insanivit super eos concupiscentia oculorum suorum et misit nuntios ad eos in Chaldeam
Ezéchiel 16.29 Matthieu 5.28 Ezéchiel 16.17 2 Rois 24.1 Ezéchiel 23.40-23.41
¹⁷ cumque venissent ad eam filii Babylonis ad cubile mammarum polluerunt eam stupris suis et polluta est ab eis et saturata est anima eius ab illis
Ezéchiel 23.22 Ezéchiel 23.28 Genèse 11.9 Genèse 10.10 2 Samuel 13.15
¹⁸ denudavit quoque fornicationes suas et discoperuit ignominiam suam et recessit anima mea ab ea sicut recesserat anima mea a sorore eius
Jérémie 12.8 Psaumes 106.40 Psaumes 78.59 Jérémie 6.8 Ezéchiel 21.24
¹⁹ multiplicavit enim fornicationes suas recordans dies adulescentiae suae quibus fornicata est in terra Aegypti
Ezéchiel 23.3 Ezéchiel 23.14 Ezéchiel 16.51 Ezéchiel 20.7 Ezéchiel 23.8
²⁰ et insanivit libidine super concubitu eorum quorum carnes sunt ut carnes asinorum et sicut fluxus equorum fluxus eorum
Ezéchiel 17.15 Ezéchiel 16.26 Ezéchiel 16.20 Jérémie 5.8
²¹ et visitasti scelus adulescentiae tuae quando subacta sunt in Aegypto ubera tua et confractae mammae pubertatis tuae
²² propterea Ooliba haec dicit Dominus Deus ecce ego suscitabo omnes amatores tuos contra te de quibus satiata est anima tua et congregabo eos adversum te in circuitu
Ezéchiel 16.37 Ezéchiel 23.9 Jérémie 12.9-12.12 Habakuk 1.6-1.10 Ezéchiel 23.28
²³ filios Babylonis et universos Chaldeos nobiles tyrannosque et principes omnes filios Assyriorum iuvenes forma egregia duces et magistratus universos principes principum et nominatos ascensores equorum
Jérémie 50.21 2 Rois 20.14-20.17 2 Rois 24.2 Ezéchiel 23.6 Job 1.17
²⁴ et venient super te instructi curru et rota multitudo populorum lorica et clypeo et galea armabuntur contra te undique et dabo coram eis iudicium et iudicabunt te iudiciis suis
Ezéchiel 16.38 Jérémie 39.5-39.6 Ezéchiel 23.45 Ezéchiel 26.10 Jérémie 47.3
²⁵ et ponam zelum meum in te quem exercent tecum in furore nasum tuum et aures tuas praecident et quae remanserint gladio concident ipsi filios tuos et filias tuas capient et novissimum tuum devorabitur igni
Ezéchiel 23.47 Exode 34.14 Ezéchiel 8.1-8.18 Sophonie 1.18 Ezéchiel 5.13
²⁶ et denudabunt te vestimentis tuis et tollent vasa gloriae tuae
Ezéchiel 16.39 Jérémie 13.22 Ezéchiel 23.29 Apocalypse 17.16 1 Pierre 3.3-3.4
²⁷ et requiescere faciam scelus tuum de te et fornicationem tuam de terra Aegypti nec levabis oculos tuos ad eos et Aegypti non recordaberis amplius
Ezéchiel 16.41 Ezéchiel 23.19 Ezéchiel 23.3 Esaïe 27.9 Michée 5.10-5.14
²⁸ quia haec dicit Dominus Deus ecce ego tradam te in manu eorum quos odisti in manu de quibus satiata est anima tua
Ezéchiel 23.17 Jérémie 34.20 Ezéchiel 23.22 Ezéchiel 16.37 Jérémie 21.7-21.10
²⁹ et agent tecum in odio et tollent omnes labores tuos et dimittent te nudam et ignominia plenam revelabitur ignominia fornicationum tuarum scelus tuum et fornicationes tuae
Ezéchiel 23.45-23.47 Ezéchiel 16.39 Ezéchiel 23.25-23.26 2 Samuel 13.15 Ezéchiel 16.36-16.37
³⁰ fecerunt haec tibi quia fornicata es post gentes inter quas polluta es in idolis eorum
Ezéchiel 6.9 Jérémie 22.8-22.9 Ezéchiel 23.12-23.21 Jérémie 16.11-16.12 Psaumes 106.35-106.38
³¹ in via sororis tuae ambulasti et dabo calicem eius in manu tua
2 Rois 21.13 Jérémie 7.14-7.15 Jérémie 3.8-3.11 Jérémie 25.15 Daniel 9.12
³² haec dicit Dominus Deus calicem sororis tuae bibes profundum et latum eris in derisum et in subsannationem quae es capacissima
Esaïe 51.17 Psaumes 60.3 Ezéchiel 22.4-22.5 Ezéchiel 36.3 Jérémie 25.15-25.28
³³ ebrietate et dolore repleberis calice maeroris et tristitiae calice sororis tuae Samariae
Jérémie 25.27 Habakuk 2.16 Esaïe 51.17 Esaïe 51.22 Jérémie 25.15-25.16
³⁴ et bibes illum et epotabis usque ad feces et fragmenta eius devorabis et ubera tua lacerabis quia ego locutus sum ait Dominus Deus
Psaumes 75.8 Esaïe 51.17 Ezéchiel 23.8 Apocalypse 18.7 Ezéchiel 23.3
³⁵ propterea haec dicit Dominus Deus quia oblita es mei et proiecisti me post corpus tuum tu quoque porta scelus tuum et fornicationes tuas
1 Rois 14.9 Jérémie 3.21 Esaïe 17.10 Ezéchiel 22.12 Osée 8.14
³⁶ et ait Dominus ad me dicens fili hominis numquid iudicas Oollam et Oolibam et adnuntias eis scelera earum
Ezéchiel 22.2 Ezéchiel 20.4 Ezéchiel 16.2 Esaïe 58.1 Jérémie 1.10
³⁷ quia adulterae sunt et sanguis in manibus earum et cum idolis suis fornicatae sunt insuper et filios suos quos genuerunt mihi obtulerunt eis ad devorandum
Ezéchiel 16.36 Ezéchiel 20.26 Ezéchiel 16.20-16.21 Ezéchiel 16.38 Luc 13.34
³⁸ sed et hoc fecerunt mihi polluerunt sanctuarium meum in die illa et sabbata mea profanaverunt
Ezéchiel 20.13 2 Rois 21.7 Ezéchiel 7.20 Ezéchiel 20.24 Jérémie 17.27
³⁹ cumque immolarent filios suos idolis suis et ingrederentur sanctuarium meum in die illa ut polluerent illud etiam haec fecerunt in medio domus meae
2 Rois 21.4 Jérémie 23.11 Ezéchiel 44.7 Ezéchiel 23.38 Esaïe 3.9
⁴⁰ miserunt ad viros venientes de longe ad quos nuntium miserant itaque ecce venerunt quibus te lavisti et circumlevisti stibio oculos tuos et ornata es mundo muliebri
2 Rois 9.30 Jérémie 4.30 Ezéchiel 16.13-16.16 Esaïe 3.18-3.23 Esaïe 57.9
⁴¹ sedisti in lecto pulcherrimo et mensa ordinata est ante te thymiama meum et unguentum meum posuisti super eam
Esther 1.6 Esaïe 65.11 Amos 6.4 Jérémie 44.17 Ezéchiel 44.16
⁴² et vox multitudinis exultantis erat in ea et in viris qui de multitudine hominum adducebantur et veniebant de deserto posuerunt armillas in manibus eorum et coronas speciosas in capitibus eorum
Ezéchiel 16.11-16.12 Genèse 24.30 Joël 3.8 Job 1.15 Exode 32.6
⁴³ et dixi ei quae adtrita est in adulteriis nunc fornicabitur in fornicatione sua etiam haec
Jérémie 13.23 Psaumes 106.6 Esdras 9.7 Daniel 9.16 Ezéchiel 23.3
⁴⁴ et ingressi sunt ad eam quasi ad mulierem meretricem sic ingrediebantur ad Oollam et ad Oolibam mulieres nefarias
Ezéchiel 23.9-23.13 Ezéchiel 23.3
⁴⁵ viri ergo iusti sunt hii iudicabunt eas iudicio adulterarum et iudicio effundentium sanguinem quia adulterae sunt et sanguis in manibus earum
Osée 6.5 Lévitique 20.10 Lévitique 21.9 Ezéchiel 23.36-23.39 Jérémie 5.14
⁴⁶ haec enim dicit Dominus Deus adduc ad eas multitudinem et trade eas in tumultum et in rapinam
Ezéchiel 16.40 Jérémie 15.4 Jérémie 24.9 Jérémie 34.17 Ezéchiel 23.22-23.26
⁴⁷ et lapidentur lapidibus populorum et confodiantur gladiis eorum filios et filias earum interficient et domos earum igne succendent
Ezéchiel 24.21 Ezéchiel 16.40-16.41 Jérémie 39.8 Jérémie 52.13 Ezéchiel 9.6
⁴⁸ et auferam scelus de terra et discent omnes mulieres ne faciant secundum scelus earum
Ezéchiel 16.41 2 Pierre 2.6 Ezéchiel 23.27 1 Corinthiens 10.6-10.11 Esaïe 26.9
⁴⁹ et dabunt scelus vestrum super vos et peccata idolorum vestrorum portabitis et scietis quia ego Dominus Deus
Ezéchiel 7.4 Ezéchiel 9.10 Ezéchiel 6.7 Ezéchiel 20.38 Ezéchiel 7.9