Luc 24.39
Vulgate

Résurrection de Jésus

¹ una autem sabbati valde diluculo venerunt ad monumentum portantes quae paraverant aromata
Jean 20.1-20.2 Luc 24.10 Luc 23.55-23.56 Matthieu 28.1-28.8 Luc 8.2-8.3
² et invenerunt lapidem revolutum a monumento
Marc 15.46-15.47 Marc 16.3-16.4 Matthieu 27.60-27.66 Jean 20.1-20.2 Matthieu 28.2
³ et ingressae non invenerunt corpus Domini Iesu
Luc 24.23 Jean 20.6-20.7 Matthieu 16.5
⁴ et factum est dum mente consternatae essent de isto ecce duo viri steterunt secus illas in veste fulgenti
Actes 1.10 Marc 16.5 Jean 20.11-20.12 Matthieu 28.2-28.6 Genèse 18.2
⁵ cum timerent autem et declinarent vultum in terram dixerunt ad illas quid quaeritis viventem cum mortuis
Marc 16.5-16.6 Daniel 8.17-8.18 Matthieu 28.3-28.5 Daniel 10.16 Apocalypse 1.18
⁶ non est hic sed surrexit recordamini qualiter locutus est vobis cum adhuc in Galilaea esset
Matthieu 17.22-17.23 Luc 9.22 Matthieu 27.63 Matthieu 16.21 Marc 9.30-9.32
⁷ dicens quia oportet Filium hominis tradi in manus hominum peccatorum et crucifigi et die tertia resurgere
Matthieu 16.21
⁸ et recordatae sunt verborum eius
Jean 2.19-2.22 Jean 12.16 Jean 14.26
⁹ et regressae a monumento nuntiaverunt haec omnia illis undecim et ceteris omnibus
Marc 16.10 Marc 16.7-16.8 Luc 24.22-24.24 Matthieu 28.7-28.8
¹⁰ erat autem Maria Magdalene et Iohanna et Maria Iacobi et ceterae quae cum eis erant quae dicebant ad apostolos haec
Marc 15.40-15.41 Luc 8.2-8.3 Marc 16.9-16.11 Jean 20.11-20.18 Matthieu 27.56
¹¹ et visa sunt ante illos sicut deliramentum verba ista et non credebant illis
Marc 16.11 Genèse 19.14 2 Rois 7.2 Psaumes 126.1 Job 9.16
¹² Petrus autem surgens cucurrit ad monumentum et procumbens videt linteamina sola posita et abiit secum mirans quod factum fuerat
Jean 20.3-20.10

Apparitions de Jésus ressuscité

¹³ et ecce duo ex illis ibant ipsa die in castellum quod erat in spatio stadiorum sexaginta ab Hierusalem nomine Emmaus
Marc 16.12-16.13 Luc 24.18
¹⁴ et ipsi loquebantur ad invicem de his omnibus quae acciderant
Deutéronome 6.7 Luc 6.45 Malachie 3.6
¹⁵ et factum est dum fabularentur et secum quaererent et ipse Iesus adpropinquans ibat cum illis
Luc 24.36 Matthieu 18.20 Jean 14.18-14.19
¹⁶ oculi autem illorum tenebantur ne eum agnoscerent
Jean 20.14 Jean 21.4 Luc 24.31 Marc 16.12 2 Rois 6.18-6.20
¹⁷ et ait ad illos qui sunt hii sermones quos confertis ad invicem ambulantes et estis tristes
Jean 16.6 Ezéchiel 9.4-9.6 Jean 16.20-16.22
¹⁸ et respondens unus cui nomen Cleopas dixit ei tu solus peregrinus es in Hierusalem et non cognovisti quae facta sunt in illa his diebus
Jean 19.25
¹⁹ quibus ille dixit quae et dixerunt de Iesu Nazareno qui fuit vir propheta potens in opere et sermone coram Deo et omni populo
Matthieu 21.11 Actes 2.22 Actes 7.22 Jean 4.19 Jean 7.52
²⁰ et quomodo eum tradiderunt summi sacerdotum et principes nostri in damnationem mortis et crucifixerunt eum
Luc 23.13 Matthieu 27.1-27.2 Actes 3.13-3.15 Matthieu 27.20 Marc 15.1
²¹ nos autem sperabamus quia ipse esset redempturus Israhel et nunc super haec omnia tertia dies hodie quod haec facta sunt
Luc 1.68 Luc 2.38 Apocalypse 5.9 1 Pierre 1.18-1.19 Actes 1.6
²² sed et mulieres quaedam ex nostris terruerunt nos quae ante lucem fuerunt ad monumentum
Jean 20.18 Marc 16.9-16.10 Matthieu 28.7-28.8 Jean 20.1-20.2 Luc 24.1-24.11
²³ et non invento corpore eius venerunt dicentes se etiam visionem angelorum vidisse qui dicunt eum vivere
²⁴ et abierunt quidam ex nostris ad monumentum et ita invenerunt sicut mulieres dixerunt ipsum vero non viderunt
Luc 24.12 Jean 20.1-20.10
²⁵ et ipse dixit ad eos o stulti et tardi corde ad credendum in omnibus quae locuti sunt prophetae
Marc 9.19 Marc 16.14 Marc 8.17-8.18 Marc 7.18 Hébreux 5.11-5.12
²⁶ nonne haec oportuit pati Christum et ita intrare in gloriam suam
1 Pierre 1.11 Hébreux 9.22-9.23 Esaïe 53.1-53.12 Hébreux 2.8-2.10 Hébreux 12.2
²⁷ et incipiens a Mose et omnibus prophetis interpretabatur illis in omnibus scripturis quae de ipso erant
Jean 1.45 Esaïe 7.14 Zacharie 9.9 Deutéronome 18.15 Esaïe 53.1-53.12
²⁸ et adpropinquaverunt castello quo ibant et ipse se finxit longius ire
Marc 6.48 Genèse 19.2 Genèse 32.26 Genèse 42.7
²⁹ et coegerunt illum dicentes mane nobiscum quoniam advesperascit et inclinata est iam dies et intravit cum illis
2 Rois 4.8 Actes 16.14 Luc 14.23 Genèse 19.3
³⁰ et factum est dum recumberet cum illis accepit panem et benedixit ac fregit et porrigebat illis
Matthieu 14.19 Luc 24.35 Luc 9.16 Matthieu 26.26 Jean 6.11
³¹ et aperti sunt oculi eorum et cognoverunt eum et ipse evanuit ex oculis eorum
Luc 24.16 Jean 8.59 Luc 4.30 Jean 20.13-20.16
³² et dixerunt ad invicem nonne cor nostrum ardens erat in nobis dum loqueretur in via et aperiret nobis scripturas
Luc 24.45 Psaumes 39.3 Jean 6.63 Jérémie 23.29 Proverbes 27.17
³³ et surgentes eadem hora regressi sunt in Hierusalem et invenerunt congregatos undecim et eos qui cum ipsis erant
Actes 1.14 Marc 16.13 Jean 20.19-20.26
³⁴ dicentes quod surrexit Dominus vere et apparuit Simoni
1 Corinthiens 15.5 Marc 16.7 Luc 22.54-22.62
³⁵ et ipsi narrabant quae gesta erant in via et quomodo cognoverunt eum in fractione panis
Actes 2.42 Marc 16.12-16.13 Luc 24.30-24.31
³⁶ dum haec autem loquuntur Iesus stetit in medio eorum et dicit eis pax vobis ego sum nolite timere
Marc 16.14 Jean 20.26 Jean 14.27 Apocalypse 1.4 Esaïe 57.18
³⁷ conturbati vero et conterriti existimabant se spiritum videre
Job 4.14-4.16 Luc 16.30 Matthieu 14.26-14.27 Marc 6.49-6.50 Actes 12.15
³⁸ et dixit eis quid turbati estis et cogitationes ascendunt in corda vestra
Hébreux 4.13 Matthieu 16.8 Daniel 4.5 Jérémie 4.14 Daniel 4.19
³⁹ videte manus meas et pedes quia ipse ego sum palpate et videte quia spiritus carnem et ossa non habet sicut me videtis habere
Jean 20.27 1 Jean 1.1 Nombres 16.22 Jean 20.20 Luc 23.46
⁴⁰ et cum hoc dixisset ostendit eis manus et pedes
⁴¹ adhuc autem illis non credentibus et mirantibus prae gaudio dixit habetis hic aliquid quod manducetur
Jean 21.5 Jean 16.22 Jean 21.10-21.13 Job 9.16 Psaumes 126.1-126.2
⁴² at illi obtulerunt ei partem piscis assi et favum mellis
⁴³ et cum manducasset coram eis sumens reliquias dedit eis
Actes 10.41
⁴⁴ et dixit ad eos haec sunt verba quae locutus sum ad vos cum adhuc essem vobiscum quoniam necesse est impleri omnia quae scripta sunt in lege Mosi et prophetis et psalmis de me
Psaumes 118.22 Psaumes 110.1-110.7 Psaumes 72.1-72.20 Actes 13.33 Luc 9.22
⁴⁵ tunc aperuit illis sensum ut intellegerent scripturas
Actes 16.14 Psaumes 119.18 Job 33.16 2 Corinthiens 3.14-3.18 Actes 26.18
⁴⁶ et dixit eis quoniam sic scriptum est et sic oportebat Christum pati et resurgere a mortuis die tertia
Esaïe 53.2-53.12 Esaïe 50.6 Luc 24.44 Luc 24.7 Actes 17.3
⁴⁷ et praedicari in nomine eius paenitentiam et remissionem peccatorum in omnes gentes incipientibus ab Hierosolyma
Actes 5.31 Actes 2.38 Matthieu 28.19 Actes 13.46 Actes 11.18
⁴⁸ vos autem estis testes horum
Actes 2.32 Actes 1.8 Actes 13.31 Actes 5.32 Actes 10.41
⁴⁹ et ego mitto promissum Patris mei in vos vos autem sedete in civitate quoadusque induamini virtutem ex alto
Actes 1.4 Actes 1.8 Jean 14.26 Esaïe 32.15 Joël 2.28-2.32

Ascension de Jésus

⁵⁰ eduxit autem eos foras in Bethaniam et elevatis manibus suis benedixit eis
Actes 1.12 Matthieu 21.17 Marc 11.1 Genèse 14.18-14.20 Marc 10.16
⁵¹ et factum est dum benediceret illis recessit ab eis et ferebatur in caelum
Marc 16.19 2 Rois 2.11 Jean 20.17 Hébreux 4.14 Ephésiens 4.8-4.10
⁵² et ipsi adorantes regressi sunt in Hierusalem cum gaudio magno
Matthieu 28.9 Jean 16.22 Jean 20.28 Psaumes 30.11 Jean 16.7
⁵³ et erant semper in templo laudantes et benedicentes Deum amen
Marc 16.20 Apocalypse 22.21 Actes 5.41-5.42 Matthieu 28.20 Actes 2.46-2.47