Jean 11.15
Vulgate

¹ erat autem quidam languens Lazarus a Bethania de castello Mariae et Marthae sororis eiusJean 12.17 Matthieu 21.17 Jean 12.9 Jean 12.1-12.2 Luc 16.20-16.25
² Maria autem erat quae unxit Dominum unguento et extersit pedes eius capillis suis cuius frater Lazarus infirmabaturJean 12.3 Marc 14.3 Luc 7.37-7.38 Matthieu 26.6-26.7
³ miserunt ergo sorores ad eum dicentes Domine ecce quem amas infirmaturJean 11.5 Jean 11.36 Psaumes 16.3 Jacques 5.14-5.15 Jean 11.1
⁴ audiens autem Iesus dixit eis infirmitas haec non est ad mortem sed pro gloria Dei ut glorificetur Filius Dei per eamJean 11.40 Jean 9.3 Jean 13.31-13.32 Jean 5.23 Marc 5.39-5.42
⁵ diligebat autem Iesus Martham et sororem eius Mariam et LazarumJean 11.36 Jean 15.9-15.13 Jean 17.26 Jean 16.27 Jean 11.8
⁶ ut ergo audivit quia infirmabatur tunc quidem mansit in eodem loco duobus diebusEsaïe 30.18 Esaïe 55.8-55.9 Genèse 44.1-44.5 Genèse 43.29-43.31 Genèse 22.14
⁷ deinde post haec dicit discipulis suis eamus in Iudaeam iterumActes 20.22-20.24 Luc 9.51 Actes 15.36 Jean 10.40-10.42
⁸ dicunt ei discipuli rabbi nunc quaerebant te Iudaei lapidare et iterum vadis illucJean 10.31 Jean 8.59 Matthieu 16.21-16.23 Matthieu 23.7 Actes 20.24
⁹ respondit Iesus nonne duodecim horae sunt diei si quis ambulaverit in die non offendit quia lucem huius mundi videtJean 9.4 Jean 12.35 Jérémie 31.9 Proverbes 3.23 Luc 13.31-13.33
¹⁰ si autem ambulaverit nocte offendit quia lux non est in eoJérémie 20.11 Jérémie 13.16 1 Jean 2.10-2.11 Psaumes 27.2 Proverbes 4.18-4.19
¹¹ haec ait et post hoc dicit eis Lazarus amicus noster dormit sed vado ut a somno exsuscitem eumDaniel 12.2 Actes 7.60 Marc 5.39 1 Thessaloniciens 5.10 1 Corinthiens 15.51
¹² dixerunt ergo discipuli eius Domine si dormit salvus erit ¹³ dixerat autem Iesus de morte eius illi autem putaverunt quia de dormitione somni diceretMatthieu 9.24
¹⁴ tunc ergo dixit eis Iesus manifeste Lazarus mortuus estJean 10.24 Jean 16.25 Jean 16.29
¹⁵ et gaudeo propter vos ut credatis quoniam non eram ibi sed eamus ad eum2 Timothée 2.10 Jean 2.11 Esaïe 54.15 Genèse 26.24 Jean 17.19
¹⁶ dixit ergo Thomas qui dicitur Didymus ad condiscipulos eamus et nos ut moriamur cum eoMatthieu 10.3 Jean 21.2 Luc 6.15 Marc 3.18 Matthieu 26.35
¹⁷ venit itaque Iesus et invenit eum quattuor dies iam in monumento habentemJean 11.39 Actes 2.27-2.31 Osée 6.2 Jean 2.19
¹⁸ erat autem Bethania iuxta Hierosolyma quasi stadiis quindecimApocalypse 21.16 Jean 6.19 Apocalypse 14.20 Luc 24.13 Jean 11.1
¹⁹ multi autem ex Iudaeis venerant ad Martham et Mariam ut consolarentur eas de fratre suoJob 2.11 1 Thessaloniciens 5.11 Jean 11.31 1 Thessaloniciens 4.18 Job 42.11
²⁰ Martha ergo ut audivit quia Iesus venit occurrit illi Maria autem domi sedebatLuc 10.38-10.42 Matthieu 25.1 Matthieu 25.6 Actes 10.25 1 Thessaloniciens 4.17
²¹ dixit ergo Martha ad Iesum Domine si fuisses hic frater meus non fuisset mortuusJean 11.32 Jean 11.37 Luc 8.49-8.55 Luc 7.6-7.10 Psaumes 78.19
²² sed et nunc scio quia quaecumque poposceris a Deo dabit tibi DeusJean 9.31 Jean 11.41-11.42 Matthieu 28.18 Marc 9.23 Jean 3.35
²³ dicit illi Iesus resurget frater tuusJean 11.43-11.44
²⁴ dicit ei Martha scio quia resurget in resurrectione in novissima dieActes 24.15 Jean 5.28-5.29 Luc 14.14 Esaïe 26.19 Ezéchiel 37.1-37.10
²⁵ dixit ei Iesus ego sum resurrectio et vita qui credit in me et si mortuus fuerit vivet1 Thessaloniciens 4.14 Jean 3.36 Jean 1.4 Jean 6.39-6.40 Jean 6.44
²⁶ et omnis qui vivit et credit in me non morietur in aeternum credis hocJean 10.28 Jean 14.10 Matthieu 9.28 Jean 6.54-6.58 Jean 8.51-8.53
²⁷ ait illi utique Domine ego credidi quia tu es Christus Filius Dei qui in mundum venistiMatthieu 16.16 Jean 6.14 Malachie 3.1 Matthieu 11.3 Jean 6.69
²⁸ et cum haec dixisset abiit et vocavit Mariam sororem suam silentio dicens magister adest et vocat teJean 13.13 Marc 10.49 Jean 11.20 Matthieu 26.18 Jean 1.41
²⁹ illa ut audivit surgit cito et venit ad eumProverbes 15.23 Psaumes 27.8 Cantique 3.1-3.4 Psaumes 119.59-119.60 Proverbes 27.17
³⁰ nondum enim venerat Iesus in castellum sed erat adhuc in illo loco ubi occurrerat ei MarthaJean 11.20
³¹ Iudaei igitur qui erant cum ea in domo et consolabantur eam cum vidissent Mariam quia cito surrexit et exiit secuti sunt eam dicentes quia vadit ad monumentum ut ploret ibiJean 11.19 Genèse 37.35 1 Corinthiens 2.15 2 Samuel 12.16-12.18
³² Maria ergo cum venisset ubi erat Iesus videns eum cecidit ad pedes eius et dixit ei Domine si fuisses hic non esset mortuus frater meusJean 11.21 Apocalypse 5.14 Apocalypse 22.8 Jean 11.37 Jean 4.49
³³ Iesus ergo ut vidit eam plorantem et Iudaeos qui venerant cum ea plorantes fremuit spiritu et turbavit se ipsumJean 12.27 Jean 11.38 Genèse 43.30-43.31 Marc 3.5 Hébreux 5.7-5.8
³⁴ et dixit ubi posuistis eum dicunt ei Domine veni et videJean 20.2 Jean 1.39 Marc 15.47 Matthieu 28.6 Marc 16.6
³⁵ et lacrimatus est IesusLuc 19.41 Jean 11.33 Jérémie 13.17 Hébreux 4.15 Luc 19.11
³⁶ dixerunt ergo Iudaei ecce quomodo amabat eumJean 11.3 Jean 21.15-21.17 1 Jean 4.9-4.10 1 Jean 3.1 2 Corinthiens 8.8-8.9
³⁷ quidam autem dixerunt ex ipsis non poterat hic qui aperuit oculos caeci facere ut et hic non morereturJean 9.6-9.7 Luc 23.39 Luc 23.35 Jean 11.32 Jean 11.21
³⁸ Iesus ergo rursum fremens in semet ipso venit ad monumentum erat autem spelunca et lapis superpositus erat eiMatthieu 27.60 Jean 11.33 Luc 24.2 Esaïe 22.16 Jean 20.1
³⁹ ait Iesus tollite lapidem dicit ei Martha soror eius qui mortuus fuerat Domine iam fetet quadriduanus enim estJean 11.17 Psaumes 49.7 Psaumes 49.14 Genèse 23.4 Marc 16.3
⁴⁰ dicit ei Iesus nonne dixi tibi quoniam si credideris videbis gloriam DeiJean 11.4 Jean 11.23-11.26 Romains 4.17-4.25 Jean 1.14 Psaumes 63.2
⁴¹ tulerunt ergo lapidem Iesus autem elevatis sursum oculis dixit Pater gratias ago tibi quoniam audisti meMatthieu 11.25 Jean 17.1 Psaumes 123.1 Luc 10.21 Luc 18.13
⁴² ego autem sciebam quia semper me audis sed propter populum qui circumstat dixi ut credant quia tu me misistiJean 3.17 Jean 17.21 Jean 11.22 Jean 17.8 Matthieu 26.53
⁴³ haec cum dixisset voce magna clamavit Lazare veni forasLuc 7.14-7.15 2 Rois 4.33-4.36 Actes 9.40 1 Rois 17.21-17.22 Actes 3.6
⁴⁴ et statim prodiit qui fuerat mortuus ligatus pedes et manus institis et facies illius sudario erat ligata dicit Iesus eis solvite eum et sinite abireJean 20.7 Jean 19.40 Philippiens 3.21 Jean 10.30 Genèse 1.3
⁴⁵ multi ergo ex Iudaeis qui venerant ad Mariam et viderant quae fecit crediderunt in eumJean 2.23 Jean 11.19 Jean 12.9-12.11 Jean 12.17-12.19 Jean 12.42
⁴⁶ quidam autem ex ipsis abierunt ad Pharisaeos et dixerunt eis quae fecit IesusJean 9.13 Luc 16.30-16.31 Jean 5.15-5.16 Jean 12.37 Actes 5.25
⁴⁷ collegerunt ergo pontifices et Pharisaei concilium et dicebant quid facimus quia hic homo multa signa facitMatthieu 26.3 Matthieu 5.22 Jean 12.19 Matthieu 27.1-27.2 Actes 4.16-4.17
⁴⁸ si dimittimus eum sic omnes credent in eum et venient Romani et tollent nostrum et locum et gentemJean 1.7 Deutéronome 28.50-28.68 Matthieu 22.7 Zacharie 14.1-14.2 Matthieu 23.35-23.38
⁴⁹ unus autem ex ipsis Caiaphas cum esset pontifex anni illius dixit eis vos nescitis quicquamJean 11.51 Proverbes 26.12 Jean 18.13-18.14 Matthieu 26.3 Esaïe 5.20-5.23
⁵⁰ nec cogitatis quia expedit nobis ut unus moriatur homo pro populo et non tota gens pereatJean 18.14 Luc 24.46 Jean 19.12 Romains 3.8 Jean 11.48
⁵¹ hoc autem a semet ipso non dixit sed cum esset pontifex anni illius prophetavit quia Iesus moriturus erat pro gente1 Samuel 23.9 Exode 28.30 Romains 3.25-3.26 Esaïe 53.5-53.8 1 Pierre 3.18
⁵² et non tantum pro gente sed et ut filios Dei qui erant dispersi congregaret in unumJean 10.16 Esaïe 49.6 1 Jean 2.2 Ephésiens 1.9-1.10 Ephésiens 3.11
⁵³ ab illo ergo die cogitaverunt ut interficerent eumPsaumes 113.2 Néhémie 13.21 Marc 3.6 Jérémie 38.4 Jean 12.10
⁵⁴ Iesus ergo iam non in palam ambulabat apud Iudaeos sed abiit in regionem iuxta desertum in civitatem quae dicitur Efrem et ibi morabatur cum discipulisJean 7.1 2 Chroniques 13.19 Jean 7.4 Jean 4.1-4.3 Jean 7.10
⁵⁵ proximum autem erat pascha Iudaeorum et ascenderunt multi Hierosolyma de regione ante pascha ut sanctificarent se ipsosJean 6.4 Jean 2.13 Exode 19.10 Jean 12.1 2 Chroniques 30.17-30.20
⁵⁶ quaerebant ergo Iesum et conloquebantur ad invicem in templo stantes quid putatis quia non veniat ad diem festumJean 7.11 Jean 11.7-11.8
⁵⁷ dederant autem pontifices et Pharisaei mandatum ut si quis cognoverit ubi sit indicet ut adprehendant eumPsaumes 109.4 Jean 8.59 Jean 9.22 Jean 5.16-5.18 Jean 10.39