Juges 9.30
Vulgate

¹ abiit autem Abimelech filius Hierobbaal in Sychem ad fratres matris suae et locutus est ad eos et ad omnem cognationem domus patris matris suae dicens
Juges 8.31 1 Rois 12.20 Genèse 34.2 Jérémie 18.18 1 Rois 12.3
² loquimini ad omnes viros Sychem quid vobis est melius ut dominentur vestri septuaginta viri omnes filii Hierobbaal an ut dominetur vobis unus vir simulque considerate quia os vestrum et caro vestra sum
Juges 8.30 Genèse 29.14 Ephésiens 5.30 1 Chroniques 11.1 2 Samuel 19.13
³ locutique sunt fratres matris eius de eo ad omnes viros Sychem universos sermones istos et inclinaverunt cor eorum post Abimelech dicentes frater noster est
Genèse 29.15 Psaumes 10.3 Proverbes 1.11-1.14
⁴ dederuntque illi septuaginta pondo argenti de fano Baalbrith qui conduxit sibi ex eo viros inopes et vagos secutique sunt eum
Juges 8.33 2 Chroniques 13.7 Juges 11.3 Actes 17.5 Proverbes 12.11
⁵ et venit in domum patris sui Ephra et occidit fratres suos filios Hierobbaal septuaginta viros super lapidem unum remansitque Ioatham filius Hierobbaal minimus et absconditus est
2 Rois 11.1-11.2 Juges 6.24 Juges 8.30 2 Rois 10.17 Matthieu 2.20
⁶ congregati sunt autem omnes viri Sychem et universae familiae urbis Mello abieruntque et constituerunt regem Abimelech iuxta quercum quae stabat in Sychem
2 Samuel 5.9 Josué 24.26 1 Rois 12.25 1 Rois 12.20 1 Rois 12.1
⁷ quod cum nuntiatum esset Ioatham ivit et stetit in vertice montis Garizim elevataque voce clamavit et dixit audite me viri Sychem ita audiat vos Deus
Deutéronome 11.29 Deutéronome 27.12 Jean 4.20 Josué 8.33 Proverbes 28.9
⁸ ierunt ligna ut unguerent super se regem dixeruntque olivae impera nobis
2 Rois 14.9 Juges 8.22-8.23 Daniel 4.10-4.18 Ezéchiel 17.3-17.10
⁹ quae respondit numquid possum deserere pinguedinem meam qua et dii utuntur et homines et venire ut inter ligna promovear
1 Rois 19.15-19.16 Exode 35.14 Job 1.7 1 Jean 2.20 Actes 10.38
¹⁰ dixeruntque ligna ad arborem ficum veni et super nos regnum accipe
¹¹ quae respondit eis numquid possum deserere dulcedinem meam fructusque suavissimos et ire ut inter cetera ligna commovear
Luc 13.6-13.7
¹² locuta sunt quoque ligna ad vitem veni et impera nobis
¹³ quae respondit numquid possum deserere vinum meum quod laetificat Deum et homines et inter ligna cetera commoveri
Psaumes 104.15 Nombres 15.5 Ecclésiaste 10.19 Proverbes 31.6 Nombres 15.10
¹⁴ dixeruntque omnia ligna ad ramnum veni et impera super nos
2 Rois 14.9
¹⁵ quae respondit eis si vere me regem vobis constituitis venite et sub mea umbra requiescite sin autem non vultis egrediatur ignis de ramno et devoret cedros Libani
Esaïe 30.2 Juges 9.20 Osée 14.7 Esaïe 2.13 2 Rois 14.9
¹⁶ nunc igitur si recte et absque peccato constituistis super vos regem Abimelech et bene egistis cum Hierobbaal et cum domo eius et reddidistis vicem beneficiis eius qui pugnavit pro vobis
Juges 8.35
¹⁷ et animam suam dedit periculis ut erueret vos de manu Madian
Juges 8.4-8.10 Apocalypse 12.11 Romains 5.8 Esther 4.16 Juges 7.1-7.25
¹⁸ qui nunc surrexistis contra domum patris mei et interfecistis filios eius septuaginta viros super unum lapidem et constituistis regem Abimelech filium ancillae eius super habitatores Sychem eo quod frater vester sit
Juges 9.5-9.6 Psaumes 109.4 Juges 8.35 Juges 8.30-8.31 Juges 9.14
¹⁹ si ergo recte et absque vitio egistis cum Hierobbaal et domo eius hodie laetamini in Abimelech et ille laetetur in vobis
Esaïe 8.6 Philippiens 3.3 Jacques 4.16
²⁰ sin autem perverse egrediatur ignis ex eo et consumat habitatores Sychem et oppidum Mello egrediaturque ignis de viris Sychem et de oppido Mello et devoret Abimelech
Juges 9.15 Juges 9.56-9.57 Psaumes 52.1-52.5 Juges 7.22 Psaumes 120.3-120.4
²¹ quae cum dixisset fugit et abiit in Bera habitavitque ibi metu Abimelech fratris sui
Nombres 21.16 2 Samuel 20.14 Josué 19.8
²² regnavit itaque Abimelech super Israhel tribus annis
²³ misitque Deus spiritum pessimum inter Abimelech et habitatores Sychem qui coeperunt eum detestari
Esaïe 33.1 Esaïe 19.14 Esaïe 19.2 1 Samuel 16.14-16.16 2 Chroniques 10.15
²⁴ et scelus interfectionis septuaginta filiorum Hierobbaal et effusionem sanguinis eorum conferre in Abimelech fratrem suum et in ceteros Sycimarum principes qui eum adiuverant
1 Rois 2.32 Psaumes 7.16 Esther 9.25 Juges 9.56-9.57 Matthieu 23.34-23.36
²⁵ posueruntque insidias adversum eum in montium summitate et dum illius praestolantur adventum exercebant latrocinia agentes praedas de praetereuntibus nuntiatumque est Abimelech
Josué 8.4 Josué 8.12-8.13 Proverbes 1.11-1.12
²⁶ venit autem Gaal filius Obed cum fratribus suis et transivit in Sycimam ad cuius adventum erecti habitatores Sychem
Genèse 19.7 Genèse 13.8
²⁷ egressi sunt in agros vastantes vineas uvasque calcantes et factis cantantium choris ingressi sunt fanum dei sui et inter epulas et pocula maledicebant Abimelech
Juges 9.4 1 Samuel 17.43 Esaïe 22.12-22.14 Jérémie 25.30 Daniel 5.23
²⁸ clamante Gaal filio Obed quis est Abimelech et quae est Sychem ut serviamus ei numquid non est filius Hierobbaal et constituit principem Zebul servum suum super viros Emmor patris Sychem cur igitur servimus ei
Genèse 34.2 Genèse 34.6 1 Samuel 25.10 1 Rois 12.16 2 Samuel 20.1
²⁹ utinam daret aliquis populum istum sub manu mea ut auferrem de medio Abimelech dictumque est Abimelech congrega exercitus multitudinem et veni
2 Samuel 15.4 1 Rois 20.11 Romains 1.30-1.31 2 Rois 14.8 Psaumes 10.3
³⁰ Zebul enim princeps civitatis auditis sermonibus Gaal filii Obed iratus est valde
³¹ et misit clam ad Abimelech nuntios dicens ecce Gaal filius Obed venit in Sycimam cum fratribus suis et obpugnat adversum te civitatem
³² surge itaque nocte cum populo qui tecum est et latita in agro
Proverbes 4.16 Psaumes 36.4 Job 24.14-24.17 Proverbes 1.11-1.16 Romains 3.15
³³ et primo mane oriente sole inrue super civitatem illo autem egrediente adversum te cum populo suo fac ei quod potueris
1 Samuel 10.7 Ecclésiaste 9.10 1 Samuel 25.8 Lévitique 25.26
³⁴ surrexit itaque Abimelech cum omni exercitu suo nocte et tetendit insidias iuxta Sycimam in quattuor locis
³⁵ egressusque est Gaal filius Obed et stetit in introitu portae civitatis surrexit autem Abimelech et omnis exercitus cum eo de insidiarum loco
³⁶ cumque vidisset populum Gaal dixit ad Zebul ecce de montibus multitudo descendit cui ille respondit umbras montium vides quasi hominum capita et hoc errore deciperis
Marc 8.24 Ezéchiel 7.7
³⁷ rursumque Gaal ait ecce populus de umbilico terrae descendit et unus cuneus venit per viam quae respicit quercum
Deutéronome 18.14
³⁸ cui dixit Zebul ubi est nunc os tuum quo loquebaris quis est Abimelech ut serviamus ei nonne iste est populus quem despiciebas egredere et pugna contra eum
Juges 9.28-9.29 Jérémie 2.28 2 Samuel 2.26-2.27 2 Rois 14.8-14.14
³⁹ abiit ergo Gaal spectante Sycimarum populo et pugnavit contra Abimelech
⁴⁰ qui persecutus est eum fugientem et in urbem conpulit cecideruntque ex parte eius plurimi usque ad portam civitatis
1 Rois 20.30 1 Rois 20.18-20.21
⁴¹ et Abimelech sedit in Ruma Zebul autem Gaal et socios eius expulit de urbe nec in ea passus est commorari
Juges 9.30 Juges 9.28
⁴² sequenti ergo die egressus est populus in campum quod cum nuntiatum esset Abimelech
⁴³ tulit exercitum suum et divisit in tres turmas tendens insidias in agris vidensque quod egrederetur populus de civitate surrexit et inruit in eos
⁴⁴ cum cuneo suo obpugnans et obsidens civitatem duae autem turmae palantes per campum adversarios sequebantur
Galates 5.15 Juges 9.20 Juges 9.15
⁴⁵ porro Abimelech omni illo die obpugnabat urbem quam cepit interfectis habitatoribus eius ipsaque destructa ita ut sal in ea dispergeret
2 Rois 3.25 Deutéronome 29.23 Jacques 2.13 Sophonie 2.9 1 Rois 12.25
⁴⁶ quod cum audissent qui habitabant in turre Sycimorum ingressi sunt fanum dei sui Berith ubi foedus cum eo pepigerant et ex eo locus nomen acceperat qui erat valde munitus
Juges 8.33 Juges 9.4 Esaïe 28.15-28.18 Psaumes 115.8 Esaïe 37.38
⁴⁷ Abimelech quoque audiens viros turris Sycimorum pariter conglobatos
⁴⁸ ascendit in montem Selmon cum omni populo suo et arrepta securi praecidit arboris ramum inpositumque ferens umero dixit ad socios quod me vidistis facere cito facite
Psaumes 68.14 Proverbes 1.11-1.12 Juges 7.17-7.18
⁴⁹ igitur certatim ramos de arboribus praecidentes sequebantur ducem quos circumdantes praesidio succenderunt atque ita factum est ut fumo et igne mille hominum necarentur viri pariter ac mulieres habitatorum turris Sychem
Juges 9.20 Galates 5.15 Jacques 3.16 Juges 9.15
⁵⁰ Abimelech autem inde proficiscens venit ad oppidum Thebes quod circumdans obsidebat exercitu
⁵¹ erat autem turris excelsa in media civitate ad quam confugerant viri simul ac mulieres et omnes principes civitatis clausa firmissime ianua et super turris tectum stantes per propugnacula
⁵² accedensque Abimelech iuxta turrem pugnabat fortiter et adpropinquans ostio ignem subponere nitebatur
2 Rois 15.16 Juges 9.48-9.49 2 Rois 14.10
⁵³ et ecce una mulier fragmen molae desuper iaciens inlisit capiti Abimelech et confregit cerebrum eius
2 Samuel 11.21 Jérémie 49.20 Juges 9.15 Job 31.3 Jérémie 50.45
⁵⁴ qui vocavit cito armigerum suum et ait ad eum evagina gladium tuum et percute me ne forte dicatur quod a femina interfectus sim qui iussa perficiens interfecit eum
1 Samuel 31.4-31.5
⁵⁵ illoque mortuo omnes qui cum eo erant de Israhel reversi sunt in sedes suas
1 Rois 22.35-22.36 Proverbes 22.10 2 Samuel 18.16 2 Samuel 20.21-20.22
⁵⁶ et reddidit Deus malum quod fecerat Abimelech contra patrem suum interfectis septuaginta fratribus suis
Psaumes 94.23 Juges 9.24 Proverbes 5.22 Galates 6.7 Psaumes 58.10-58.11
⁵⁷ Sycimitis quoque quod operati erant retributum est et venit super eos maledictio Ioatham filii Hierobbaal
Juges 9.20 1 Rois 16.34 Juges 9.45 Josué 6.26