Lévitique 25.11
Vulgate

L’année sabbatique

¹ locutusque est Dominus ad Mosen in monte Sinai dicens
Exode 19.1 Nombres 10.11-10.12 Nombres 1.1 Galates 4.24-4.25
² loquere filiis Israhel et dices ad eos quando ingressi fueritis terram quam ego dabo vobis sabbatizet sabbatum Domini
2 Chroniques 36.21 Exode 23.10 Lévitique 26.34-26.35 Deutéronome 34.4 Jérémie 27.5
³ sex annis seres agrum tuum et sex annis putabis vineam tuam colligesque fructus eius
Exode 23.10
⁴ septimo autem anno sabbatum erit terrae requietionis Domini agrum non seres et vineam non putabis
Lévitique 25.20-25.23 2 Chroniques 36.21 Exode 23.10-23.11 Lévitique 26.43 Lévitique 26.34-26.35
⁵ quae sponte gignit humus non metes et uvas primitiarum tuarum non colliges quasi vindemiam annus enim requietionis terrae est
2 Rois 19.29 Esaïe 37.30
⁶ sed erunt vobis in cibum tibi et servo tuo ancillae et mercennario tuo et advenae qui peregrinantur apud te
Actes 4.32 Lévitique 25.20 Actes 2.44 Actes 4.34-4.35 Exode 23.11
⁷ iumentis tuis et pecoribus omnia quae nascuntur praebebunt cibum

L’année du jubilé

⁸ numerabis quoque tibi septem ebdomades annorum id est septem septies quae simul faciunt annos quadraginta novem
Lévitique 23.15 Genèse 2.2
⁹ et clanges bucina mense septimo decima die mensis propitiationis tempore in universa terra vestra
Lévitique 23.24 Lévitique 23.27 Lévitique 27.24 Romains 15.19 1 Thessaloniciens 1.8
¹⁰ sanctificabisque annum quinquagesimum et vocabis remissionem cunctis habitatoribus terrae tuae ipse est enim iobeleus revertetur homo ad possessionem suam et unusquisque rediet ad familiam pristinam
Jérémie 34.8 Lévitique 25.13 Esaïe 61.1-61.3 Exode 20.2 Esaïe 63.4
¹¹ quia iobeleus est et quinquagesimus annus non seretis neque metetis sponte in agro nascentia et primitias vindemiae non colligetis
Lévitique 27.17 Lévitique 25.4-25.5
¹² ob sanctificationem iobelei sed statim ablata comedetis
Lévitique 25.6-25.7
¹³ anno iobelei redient omnes ad possessiones suas
Lévitique 25.10 Lévitique 27.17-27.24 Nombres 36.4
¹⁴ quando vendes quippiam civi tuo vel emes ab eo ne contristes fratrem tuum sed iuxta numerum annorum iobelei emes ab eo
Lévitique 25.17 Lévitique 19.13 1 Samuel 12.3-12.4 Esaïe 3.12-3.15 Amos 8.4-8.7
¹⁵ et iuxta supputationem frugum vendet tibi
Philippiens 4.5 Lévitique 27.18-27.23
¹⁶ quanto plus anni remanserint post iobeleum tanto crescet et pretium et quanto minus temporis numeraveris tanto minoris et emptio constabit tempus enim frugum vendet tibi
Lévitique 25.51 Lévitique 25.27
¹⁷ nolite adfligere contribules vestros sed timeat unusquisque Deum suum quia ego Dominus Deus vester
Lévitique 19.14 Lévitique 19.32 Lévitique 25.43 Exode 20.20 Actes 9.31
¹⁸ facite praecepta mea et iudicia custodite et implete ea ut habitare possitis in terra absque ullo pavore
Deutéronome 12.10 Jérémie 23.6 Proverbes 1.33 Psaumes 4.8 Ezéchiel 33.24-33.26
¹⁹ et gignat vobis humus fructus suos quibus vescamini usque ad saturitatem nullius impetum formidantes
Psaumes 85.12 Lévitique 26.5 Joël 2.26 Esaïe 30.23 Esaïe 65.21-65.22
²⁰ quod si dixeritis quid comedemus anno septimo si non seruerimus neque collegerimus fruges nostras
Luc 12.29 Lévitique 25.4 Nombres 11.4 2 Rois 7.2 Psaumes 78.19-78.20
²¹ dabo benedictionem meam vobis anno sexto et faciet fructus trium annorum
Deutéronome 28.8 Lévitique 25.8-25.11 Lévitique 25.4 Genèse 41.47 Proverbes 10.22
²² seretisque anno octavo et comedetis veteres fruges usque ad nonum annum donec nova nascantur edetis vetera
2 Rois 19.29 Lévitique 26.10 Josué 5.11-5.12 Esaïe 37.30

Le rachat des propriétés et des esclaves

²³ terra quoque non veniet in perpetuum quia mea est et vos advenae et coloni mei estis
1 Chroniques 29.15 Psaumes 39.12 1 Pierre 2.11 Joël 3.2 Joël 2.18
²⁴ unde cuncta regio possessionis vestrae sub redemptionis condicione vendetur
Ephésiens 1.7 Lévitique 25.31 Romains 8.23 Lévitique 25.27 Lévitique 25.51-25.53
²⁵ si adtenuatus frater tuus vendiderit possessiunculam suam et voluerit propinquus eius potest redimere quod ille vendiderat
Ruth 2.20 Ruth 3.9 Jérémie 32.7-32.8 Ruth 3.12 2 Corinthiens 8.9
²⁶ sin autem non habuerit proximum et ipse pretium ad redimendum potuerit invenire
Lévitique 5.7
²⁷ conputabuntur fructus ex eo tempore quo vendidit et quod reliquum est reddet emptori sicque recipiet possessionem suam
²⁸ quod si non invenerit manus eius ut reddat pretium habebit emptor quod emerat usque ad annum iobeleum in ipso enim omnis venditio redit ad dominum et ad possessorem pristinum
Lévitique 25.13 Esaïe 35.9-35.10 Lévitique 25.10 1 Thessaloniciens 4.13-4.18 Jérémie 32.15
²⁹ qui vendiderit domum intra urbis muros habebit licentiam redimendi donec unus impleatur annus
³⁰ si non redemerit et anni circulus fuerit evolutus emptor possidebit eam et posteri eius in perpetuum et redimi non poterit etiam in iobeleo
³¹ sin autem in villa fuerit domus quae muros non habet agrorum iure vendetur si ante redempta non fuerit in iobeleo revertetur ad dominum
Psaumes 49.7-49.8
³² aedes Levitarum quae in urbibus sunt semper possunt redimi
Nombres 35.1-35.8 Josué 21.1-21.45
³³ si redemptae non fuerint in iobeleo revertentur ad dominos quia domus urbium leviticarum pro possessionibus sunt inter filios Israhel
Nombres 18.20-18.24 Deutéronome 18.1-18.2
³⁴ suburbana autem eorum non venient quia possessio sempiterna est
Lévitique 25.23 Actes 4.36-4.37 Nombres 35.2-35.5
³⁵ si adtenuatus fuerit frater tuus et infirmus manu et susceperis eum quasi advenam et peregrinum et vixerit tecum
Deutéronome 15.7-15.8 Psaumes 41.1 Actes 11.29 Psaumes 112.5 Psaumes 112.9
³⁶ ne accipias usuras ab eo nec amplius quam dedisti time Deum tuum ut vivere possit frater tuus apud te
Exode 22.25 Deutéronome 23.19-23.20 Ezéchiel 18.8 Lévitique 25.17 Ezéchiel 18.17
³⁷ pecuniam tuam non dabis ei ad usuram et frugum superabundantiam non exiges
³⁸ ego Dominus Deus vester qui eduxi vos de terra Aegypti ut darem vobis terram Chanaan et essem vester Deus
Lévitique 11.45 Nombres 15.41 Exode 20.2 Jérémie 31.33 Jérémie 31.1
³⁹ si paupertate conpulsus vendiderit se tibi frater tuus non eum opprimes servitute famulorum
Exode 21.2 1 Rois 9.22 2 Rois 4.1 Néhémie 5.5 Lévitique 25.46
⁴⁰ sed quasi mercennarius et colonus erit usque ad annum iobeleum operabitur apud te
Exode 21.2-21.3
⁴¹ et postea egredietur cum liberis suis et revertetur ad cognationem et ad possessionem patrum suorum
Lévitique 25.28 Exode 21.3 Lévitique 25.10 Jean 8.32 Romains 6.14
⁴² mei enim servi sunt et ego eduxi eos de terra Aegypti non venient condicione servorum
Lévitique 25.55 Romains 6.22 1 Corinthiens 7.21-7.23
⁴³ ne adfligas eum per potentiam sed metuito Deum tuum
Colossiens 4.1 Lévitique 25.46 Exode 1.13-1.14 Lévitique 25.17 Lévitique 25.53
⁴⁴ servus et ancilla sint vobis de nationibus quae in circuitu vestro sunt
Exode 12.44 Apocalypse 2.26-2.27 Esaïe 14.1-14.2 Psaumes 2.8-2.9
⁴⁵ et de advenis qui peregrinantur apud vos vel qui ex his nati fuerint in terra vestra hos habebitis famulos
Esaïe 56.3-56.6
⁴⁶ et hereditario iure transmittetis ad posteros ac possidebitis in aeternum fratres autem vestros filios Israhel ne opprimatis per potentiam
Esaïe 14.2 Lévitique 25.43
⁴⁷ si invaluerit apud vos manus advenae atque peregrini et adtenuatus frater tuus vendiderit se ei aut cuiquam de stirpe eius
1 Samuel 2.7-2.8 Jacques 2.5 Lévitique 25.26
⁴⁸ post venditionem potest redimi qui voluerit ex fratribus suis redimet eum
Néhémie 5.5 Hébreux 2.11-2.13 Lévitique 25.35 Néhémie 5.8 Galates 4.4-4.5
⁴⁹ et patruus et patruelis et consanguineus et adfinis sin autem et ipse potuerit redimet se
Lévitique 25.26
⁵⁰ supputatis dumtaxat annis a tempore venditionis suae usque ad annum iobeleum et pecunia qua venditus fuerat iuxta annorum numerum et rationem mercennarii supputata
Esaïe 21.16 Esaïe 16.14 Job 14.6 Lévitique 25.40 Lévitique 25.53
⁵¹ si plures fuerint anni qui remanent usque ad iobeleum secundum hos reddet et pretium
⁵² si pauci ponet rationem cum eo iuxta annorum numerum et reddet emptori quod reliquum est annorum
⁵³ quibus ante servivit mercedibus inputatis non adfliget eum violenter in conspectu tuo
Lévitique 25.43 Lévitique 25.46
⁵⁴ quod si per haec redimi non potuerit anno iobeleo egredietur cum liberis suis
Exode 21.2-21.3 Esaïe 49.9 Esaïe 49.25 Lévitique 25.40-25.41 Esaïe 52.3
⁵⁵ mei sunt enim servi filii Israhel quos eduxi de terra Aegypti
Lévitique 25.42 1 Corinthiens 9.19 Exode 20.2 Romains 6.22 1 Corinthiens 7.22-7.23