Luc 2
Vulgate

Naissance de Jésus à Bethléhem

1 factum est autem in diebus illis exiit edictum a Caesare Augusto ut describeretur universus orbis
Luc 3.1 Matthieu 24.14 Actes 25.11 Marc 16.15 Romains 1.8
2 haec descriptio prima facta est praeside Syriae Cyrino
Luc 3.1 Actes 13.7 Actes 23.26 Actes 26.30 Matthieu 4.24
3 et ibant omnes ut profiterentur singuli in suam civitatem
4 ascendit autem et Ioseph a Galilaea de civitate Nazareth in Iudaeam civitatem David quae vocatur Bethleem eo quod esset de domo et familia David
Jean 7.42 Michée 5.2 Luc 1.26-1.27 1 Samuel 16.1 Matthieu 2.23
5 ut profiteretur cum Maria desponsata sibi uxore praegnate
Matthieu 1.18-1.19 Deutéronome 22.22-22.27
6 factum est autem cum essent ibi impleti sunt dies ut pareret
Michée 5.2 Apocalypse 12.1-12.5 Luc 1.57 Psaumes 33.11 Proverbes 19.21
7 et peperit filium suum primogenitum et pannis eum involvit et reclinavit eum in praesepio quia non erat eis locus in diversorio
Galates 4.4 Jean 1.14 2 Corinthiens 8.9 Matthieu 1.25 Esaïe 53.2-53.3
8 et pastores erant in regione eadem vigilantes et custodientes vigilias noctis supra gregem suum
Ezéchiel 34.8 Jean 10.8-10.12 Genèse 31.39-31.40 Psaumes 78.70-78.71 Exode 3.1-3.2
9 et ecce angelus Domini stetit iuxta illos et claritas Dei circumfulsit illos et timuerunt timore magno
2 Corinthiens 3.18 1 Timothée 3.16 Exode 40.34-40.35 Jean 12.41 Exode 16.7
10 et dixit illis angelus nolite timere ecce enim evangelizo vobis gaudium magnum quod erit omni populo
Esaïe 52.7 Esaïe 61.1 Esaïe 49.6 Matthieu 28.18 Psaumes 98.2-98.3
11 quia natus est vobis hodie salvator qui est Christus Dominus in civitate David
Matthieu 1.21 Esaïe 9.6 Luc 1.43 Actes 2.36 Matthieu 16.16
12 et hoc vobis signum invenietis infantem pannis involutum et positum in praesepio
Esaïe 7.14 Esaïe 53.1-53.2 Esaïe 7.11 Psaumes 22.6 Exode 3.12
13 et subito facta est cum angelo multitudo militiae caelestis laudantium Deum et dicentium
Apocalypse 5.11 1 Rois 22.19 Luc 15.10 Genèse 32.1-32.2 Hébreux 1.14
14 gloria in altissimis Deo et in terra pax in hominibus bonae voluntatis
Luc 1.79 Colossiens 1.20 Luc 19.38 Jean 17.4 Actes 10.36
15 et factum est ut discesserunt ab eis angeli in caelum pastores loquebantur ad invicem transeamus usque Bethleem et videamus hoc verbum quod factum est quod fecit Dominus et ostendit nobis
Matthieu 2.1-2.2 2 Rois 2.1 Exode 3.3 Luc 24.51 1 Pierre 3.22
16 et venerunt festinantes et invenerunt Mariam et Ioseph et infantem positum in praesepio
Luc 2.7 Luc 19.32 Luc 2.12 Luc 1.39 Ecclésiaste 9.10
17 videntes autem cognoverunt de verbo quod dictum erat illis de puero hoc
Psaumes 71.17-71.18 Jean 1.41-1.46 Malachie 3.16 Luc 8.39 Jean 4.28-4.29
18 et omnes qui audierunt mirati sunt et de his quae dicta erant a pastoribus ad ipsos
Luc 2.47 Luc 2.33 Luc 5.9-5.10 Luc 4.36 Esaïe 8.18
19 Maria autem conservabat omnia verba haec conferens in corde suo
Luc 2.51 Luc 1.66 Genèse 37.11 Osée 14.9 1 Samuel 21.12
20 et reversi sunt pastores glorificantes et laudantes Deum in omnibus quae audierant et viderant sicut dictum est ad illos
Actes 11.18 Psaumes 72.17-72.19 Psaumes 106.48 Psaumes 107.15 Esaïe 29.19

Jésus présenté dans le temple

21 et postquam consummati sunt dies octo ut circumcideretur vocatum est nomen eius Iesus quod vocatum est ab angelo priusquam in utero conciperetur
Luc 1.59 Luc 1.31 Matthieu 1.25 Matthieu 1.21 Genèse 17.12
22 et postquam impleti sunt dies purgationis eius secundum legem Mosi tulerunt illum in Hierusalem ut sisterent eum Domino
Lévitique 12.1-12.8
23 sicut scriptum est in lege Domini quia omne masculinum adaperiens vulvam sanctum Domino vocabitur
Exode 13.2 Nombres 3.13 Exode 22.29 Exode 13.12-13.15 Nombres 8.16-8.17
24 et ut darent hostiam secundum quod dictum est in lege Domini par turturum aut duos pullos columbarum
Lévitique 12.6-12.8 2 Corinthiens 8.9 Lévitique 12.2
25 et ecce homo erat in Hierusalem cui nomen Symeon et homo iste iustus et timoratus expectans consolationem Israhel et Spiritus Sanctus erat in eo
Luc 1.6 Luc 2.38 Esaïe 25.9 Marc 15.43 Luc 23.51
26 et responsum acceperat ab Spiritu Sancto non visurum se mortem nisi prius videret Christum Domini
Hébreux 11.5 Jean 8.51 Luc 9.27 Actes 2.36 Actes 10.38
27 et venit in Spiritu in templum et cum inducerent puerum Iesum parentes eius ut facerent secundum consuetudinem legis pro eo
Luc 2.41 Actes 10.19 Luc 2.48 Luc 2.51 Apocalypse 17.3
28 et ipse accepit eum in ulnas suas et benedixit Deum et dixit
Luc 1.64 Psaumes 105.1-105.3 Psaumes 135.19-135.20 Psaumes 32.11-33.1 Marc 9.36
29 nunc dimittis servum tuum Domine secundum verbum tuum in pace
Luc 2.26 Genèse 15.15 Psaumes 37.37 Esaïe 57.1-57.2 Apocalypse 14.13
30 quia viderunt oculi mei salutare tuum
Luc 3.6 Esaïe 49.6 Luc 2.10-2.11 Esaïe 52.10 Genèse 49.18
31 quod parasti ante faciem omnium populorum
Psaumes 98.2-98.3 Esaïe 62.1-62.2 Esaïe 42.1-42.4 Esaïe 45.21-45.25 Psaumes 97.6-97.8
32 lumen ad revelationem gentium et gloriam plebis tuae Israhel
Esaïe 49.6 Actes 26.23 Esaïe 42.6-42.7 Esaïe 60.1-60.3 Apocalypse 21.23
33 et erat pater eius et mater mirantes super his quae dicebantur de illo
Luc 1.65-1.66 Luc 2.48 Esaïe 8.18
34 et benedixit illis Symeon et dixit ad Mariam matrem eius ecce positus est hic in ruinam et resurrectionem multorum in Israhel et in signum cui contradicetur
1 Corinthiens 1.23 1 Pierre 2.7-2.8 Matthieu 21.44 Actes 9.1-9.20 Osée 14.9
35 et tuam ipsius animam pertransiet gladius ut revelentur ex multis cordibus cogitationes
Deutéronome 8.2 Matthieu 12.24-12.35 1 Corinthiens 11.19 Jean 8.42-8.47 Jean 19.25
36 et erat Anna prophetissa filia Phanuhel de tribu Aser haec processerat in diebus multis et vixerat cum viro suo annis septem a virginitate sua
Actes 21.9 Exode 15.20 Genèse 30.13 Psaumes 92.14 1 Corinthiens 12.1
37 et haec vidua usque ad annos octoginta quattuor quae non discedebat de templo ieiuniis et obsecrationibus serviens nocte ac die
1 Timothée 5.5 Actes 14.23 Actes 26.7 Actes 13.3 Exode 38.8
38 et haec ipsa hora superveniens confitebatur Domino et loquebatur de illo omnibus qui expectabant redemptionem Hierusalem
Luc 2.25 Marc 15.43 Luc 1.68 Luc 24.21 2 Corinthiens 9.15
39 et ut perfecerunt omnia secundum legem Domini reversi sunt in Galilaeam in civitatem suam Nazareth
Luc 2.4 Luc 2.21-2.24 Luc 1.6 Matthieu 3.15 Deutéronome 12.32
40 puer autem crescebat et confortabatur plenus sapientia et gratia Dei erat in illo
Luc 2.52 Luc 1.80 Psaumes 22.9 Jean 1.14 Esaïe 11.1-11.5

Jésus à douze ans dans le temple

41 et ibant parentes eius per omnes annos in Hierusalem in die sollemni paschae
Jean 2.13 1 Samuel 1.3 Deutéronome 12.18 Deutéronome 16.1-16.8 Jean 11.55
42 et cum factus esset annorum duodecim ascendentibus illis in Hierosolymam secundum consuetudinem diei festi
43 consummatisque diebus cum redirent remansit puer Iesus in Hierusalem et non cognoverunt parentes eius
Exode 12.15 2 Chroniques 30.21-30.23 2 Chroniques 25.17
44 existimantes autem illum esse in comitatu venerunt iter diei et requirebant eum inter cognatos et notos
Psaumes 42.4 Esaïe 2.3 Psaumes 122.1-122.4
45 et non invenientes regressi sunt in Hierusalem requirentes eum
46 et factum est post triduum invenerunt illum in templo sedentem in medio doctorum audientem illos et interrogantem
1 Rois 12.12 Esaïe 49.1-49.2 Luc 5.17 Esaïe 50.4 Matthieu 12.40
47 stupebant autem omnes qui eum audiebant super prudentia et responsis eius
Luc 4.32 Matthieu 7.28 Jean 7.15 Marc 1.22 Jean 7.46
48 et videntes admirati sunt et dixit mater eius ad illum fili quid fecisti nobis sic ecce pater tuus et ego dolentes quaerebamus te
Luc 4.22 Luc 2.49 Matthieu 12.46 Luc 3.23
49 et ait ad illos quid est quod me quaerebatis nesciebatis quia in his quae Patris mei sunt oportet me esse
Malachie 3.1 Jean 5.17 Jean 6.38 Jean 8.29 Psaumes 40.8
50 et ipsi non intellexerunt verbum quod locutus est ad illos
Luc 18.34 Luc 9.45 Marc 9.32
51 et descendit cum eis et venit Nazareth et erat subditus illis et mater eius conservabat omnia verba haec in corde suo
Luc 2.19 Daniel 7.28 Genèse 37.11 Marc 6.3 Ephésiens 5.21
52 et Iesus proficiebat sapientia aetate et gratia apud Deum et homines
Luc 2.40 1 Samuel 2.26 Romains 14.18 Proverbes 3.3-3.4 Luc 1.80