Jérémie 51.56
Vulgate

¹ haec dicit Dominus ecce ego suscitabo super Babylonem et super habitatores eius qui cor suum levaverunt contra me quasi ventum pestilentem
Jérémie 4.11-4.12 Osée 13.15 Esaïe 13.3-13.5 Ezéchiel 19.12 Amos 3.6
² et mittam in Babylonem ventilatores et ventilabunt eam et demolientur terram eius quoniam venerunt super eam undique in die adflictionis eius
Matthieu 3.12 Jérémie 15.7 Esaïe 41.16 Jérémie 50.32 Jérémie 50.29
³ non tendat qui tendit arcum suum et non ascendat loricatus nolite parcere iuvenibus eius interficite omnem militiam eius
Jérémie 50.14 Jérémie 46.4 Jérémie 50.21 Psaumes 137.9 Jérémie 50.27
⁴ et cadent interfecti in terra Chaldeorum et vulnerati in regionibus eius
Jérémie 49.26 Esaïe 13.15 Jérémie 50.30 Esaïe 14.19 Jérémie 50.37
⁵ quoniam non fuit viduatus Israhel et Iuda a Deo suo Domino exercituum terra autem eorum repleta est delicto a Sancto Israhel
Osée 4.1 Jérémie 33.24-33.26 Zacharie 12.6 Zacharie 12.8 Esaïe 49.14-49.15
⁶ fugite de medio Babylonis et salvet unusquisque animam suam nolite tacere super iniquitatem eius quoniam tempus ultionis est Domino vicissitudinem ipse retribuet ei
Jérémie 50.8 Jérémie 50.15 Jérémie 50.28 Nombres 16.26 Jérémie 25.14
⁷ calix aureus Babylon in manu Domini inebrians omnem terram de vino eius biberunt gentes et ideo commotae sunt
Apocalypse 14.8 Apocalypse 17.4 Apocalypse 17.2 Apocalypse 18.3 Esaïe 14.4
⁸ subito cecidit Babylon et contrita est ululate super eam tollite resinam ad dolorem eius si forte sanetur
Esaïe 21.9 Jérémie 46.11 Apocalypse 14.8 Apocalypse 18.2 Jérémie 50.2
⁹ curavimus Babylonem et non est sanata derelinquamus eam et eamus unusquisque in terram suam quoniam pervenit usque ad caelos iudicium eius et elevatum est usque ad nubes
Apocalypse 18.5 Jérémie 50.16 Esaïe 13.14 Esdras 9.6 Jérémie 46.16
¹⁰ protulit Dominus iustitias nostras venite et narremus in Sion opus Domini Dei nostri
Jérémie 50.28 Psaumes 37.6 Esaïe 40.2 Esaïe 52.9-52.10 Apocalypse 19.1-19.6
¹¹ acuite sagittas implete faretras suscitavit Dominus spiritum regum Medorum et contra Babylonem mens eius ut perdat eam quoniam ultio Domini est ultio templi sui
Jérémie 46.4 Jérémie 50.45 Jérémie 50.9 Jérémie 46.9 Jérémie 51.35
¹² super muros Babylonis levate signum augete custodiam levate custodes praeparate insidias quia cogitavit Dominus et fecit quaecumque locutus est contra habitatores Babylonis
Esaïe 13.2 Jérémie 51.29 Jérémie 51.11 Nahum 2.1 Joël 3.2
¹³ quae habitas super aquas multas locuples in thesauris venit finis tuus pedalis praecisionis tuae
Apocalypse 17.1 Esaïe 45.3 Apocalypse 17.15 Jérémie 51.36 Luc 12.19-12.21
¹⁴ iuravit Dominus exercituum per animam suam quoniam replebo te hominibus quasi brucho et super te celeuma cantabitur
Joël 2.25 Amos 6.8 Jérémie 49.13 Jérémie 50.15 Hébreux 6.13
¹⁵ qui fecit terram in fortitudine sua praeparavit orbem in sapientia sua et prudentia sua extendit caelos
Romains 1.20 Job 9.8 Jérémie 10.12-10.16 Actes 14.15 Psaumes 146.5-146.6
¹⁶ dante eo vocem multiplicantur aquae in caelo qui levat nubes ab extremo terrae fulgura in pluviam fecit et produxit ventum de thesauris suis
Psaumes 135.7 Jonas 1.4 Psaumes 18.13 Psaumes 46.6 Matthieu 8.26-8.27
¹⁷ stultus factus est omnis homo ab scientia confusus est omnis conflator in sculptili quia mendax conflatio eius nec est spiritus in eis
Jérémie 10.14 Habakuk 2.18-2.19 Esaïe 44.18-44.20 1 Corinthiens 1.19-1.21 Psaumes 92.5-92.6
¹⁸ vana sunt opera et risu digna in tempore visitationis suae peribunt
Esaïe 46.1 Jérémie 46.25 Actes 14.15 Jérémie 50.2 Jérémie 18.15
¹⁹ non sicut haec pars Iacob quia qui fecit omnia ipse est et Israhel sceptrum hereditatis eius Dominus exercituum nomen eius
Jérémie 10.16 Psaumes 73.26 Psaumes 16.5 Esaïe 47.4 Psaumes 74.2
²⁰ conlidis tu mihi vasa belli et ego conlidam in te gentes et disperdam in te regna
Esaïe 41.15-41.16 Michée 4.13 Esaïe 10.5 Jérémie 50.23 Esaïe 14.5-14.6
²¹ et conlidam in te equum et equitem eius et conlidam in te currum et ascensorem eius
Exode 15.1 Aggée 2.22 Ezéchiel 39.20 Michée 5.10 Jérémie 50.37
²² et conlidam in te virum et mulierem et conlidam in te senem et puerum et conlidam in te iuvenem et virginem
2 Chroniques 36.17 Esaïe 13.18 Ezéchiel 9.6 Esaïe 20.4 Esaïe 13.16
²³ et conlidam in te pastorem et gregem eius et conlidam in te agricolam et iugales eius et conlidam in te duces et magistratus
Jérémie 51.57
²⁴ et reddam Babyloni et cunctis habitatoribus Chaldeae omne malum suum quod fecerunt in Sion in oculis vestris ait Dominus
Jérémie 50.15 Esaïe 47.6-47.9 Jérémie 50.33-50.34 Esaïe 63.1-63.4 Apocalypse 18.20
²⁵ ecce ego ad te mons pestifer ait Dominus qui corrumpis universam terram et extendam manum meam super te et evolvam te de petris et dabo te in montem conbustionis
Apocalypse 8.8 Zacharie 4.7 Jérémie 50.31 Esaïe 13.2 Jérémie 25.18-25.27
²⁶ et non tollent de te lapidem in angulum et lapidem in fundamenta sed perditus in aeternum eris ait Dominus
Esaïe 13.19-13.22 Jérémie 51.43 Jérémie 50.12-50.13 Esaïe 14.23 Jérémie 51.37
²⁷ levate signum in terra clangite bucina in gentibus sanctificate super eam gentes adnuntiate contra illam regibus Ararat Menni et Aschenez numerate contra eam Thapsar adducite equum quasi bruchum aculeatum
Genèse 10.3 Genèse 8.4 Jérémie 25.14 Jérémie 50.2 Jérémie 51.12
²⁸ sanctificate contra eam gentes reges Mediae duces eius et universos magistratus eius cunctamque terram potestatis eius
Jérémie 51.11 Esther 10.2 Daniel 5.28-5.30 Esaïe 21.2 1 Chroniques 1.5
²⁹ et commovebitur terra et turbabitur quia evigilavit contra Babylonem cogitatio Domini ut ponat terram Babylonis desertam et inhabitabilem
Jérémie 8.16 Jérémie 51.43 Jérémie 50.45 Jérémie 10.10 Esaïe 13.19-13.20
³⁰ cessaverunt fortes Babylonis a proelio habitaverunt in praesidiis devoratum est robur eorum et facti sunt quasi mulieres incensa sunt tabernacula eius contriti sunt vectes eius
Nahum 3.13 Lamentations 2.9 Jérémie 50.36-50.37 Esaïe 13.7-13.8 Esaïe 19.16
³¹ currens obviam currenti veniet et nuntius obvius nuntianti ut adnuntiet regi Babylonis quia capta est civitas eius a summo usque ad summum
2 Chroniques 30.6 2 Samuel 18.19-18.31 Jérémie 4.20 Esaïe 47.11-47.13 Daniel 5.2-5.5
³² et vada praeoccupata sunt et paludes incensae sunt igni et viri bellatores conturbati sunt
Esaïe 44.27 Jérémie 50.37-50.38 Jérémie 51.30
³³ quia haec dicit Dominus exercituum Deus Israhel filia Babylon quasi area tempus triturae eius adhuc modicum et veniet tempus messionis eius
Esaïe 21.10 Joël 3.13 Osée 6.11 Michée 4.13 Esaïe 41.15-41.16
³⁴ comedit me devoravit me Nabuchodonosor rex Babylonis reddidit me quasi vas inane absorbuit me sicut draco replevit ventrem suum teneritudine mea et eiecit me
Jérémie 50.17 Jérémie 51.44 Job 20.15 Esaïe 24.1-24.3 Matthieu 23.13
³⁵ iniquitas adversum me et caro mea super Babylonem dicit habitatio Sion et sanguis meus super habitatores Chaldeae dicit Hierusalem
Apocalypse 16.6 Apocalypse 18.20 Psaumes 9.12 Esaïe 26.20-26.21 Apocalypse 18.6
³⁶ propterea haec dicit Dominus ecce ego iudicabo causam tuam et ulciscar ultionem tuam et desertum faciam mare eius et siccabo venam eius
Jérémie 50.38 Romains 12.19 Psaumes 140.12 Hébreux 10.30-10.31 Esaïe 44.27
³⁷ et erit Babylon in tumulos habitatio draconum stupor et sibilus eo quod non sit habitator
Apocalypse 18.2 Jérémie 18.16 Jérémie 25.9 Jérémie 19.8 Jérémie 25.18
³⁸ simul ut leones rugient excutient comas velut catuli leonum
Jérémie 2.15 Juges 16.20 Psaumes 34.10 Psaumes 58.6 Nahum 2.11-2.13
³⁹ in calore eorum ponam potus eorum et inebriabo eos ut sopiantur et dormiant somnum sempiternum et non consurgant dicit Dominus
Jérémie 51.57 Jérémie 25.27 Psaumes 76.5-76.6 Daniel 5.1-5.4 Esaïe 21.4-21.5
⁴⁰ deducam eos quasi agnos ad victimam quasi arietes cum hedis
Jérémie 50.27 Esaïe 34.6 Psaumes 37.20 Psaumes 44.22 Ezéchiel 39.18
⁴¹ quomodo capta est Sesach et conprehensa est inclita universae terrae quomodo facta est in stuporem Babylon inter gentes
Jérémie 25.26 Esaïe 13.19 Jérémie 49.25 Ezéchiel 27.35 Daniel 2.38
⁴² ascendit super Babylonem mare multitudine fluctuum eius operta est
Esaïe 8.7-8.8 Daniel 9.26 Jérémie 51.55 Psaumes 65.7 Psaumes 42.7
⁴³ factae sunt civitates eius in stuporem terra inhabitabilis et deserta terra in qua nullus habitet nec transeat per eam filius hominis
Esaïe 13.20 Jérémie 2.6 Jérémie 51.29 Jérémie 50.39-50.40 Jérémie 50.12
⁴⁴ et visitabo super Bel in Babylone et eiciam quod absorbuerat de ore eius et non confluent ad eum ultra gentes siquidem et murus Babylonis corruit
Jérémie 51.34 Jérémie 51.58 Jérémie 50.2 Esaïe 2.2 Daniel 4.1
⁴⁵ egredimini de medio eius populus meus ut salvet unusquisque animam suam ab ira furoris Domini
Jérémie 51.6 Esaïe 48.20 Apocalypse 18.4 Jérémie 50.8 Genèse 19.12-19.16
⁴⁶ et ne forte mollescat cor vestrum et timeatis auditum qui audietur in terra et veniet in anno auditio et post hunc annum auditio et iniquitas in terra et dominator super dominatorem
2 Rois 19.7 Esaïe 13.3-13.5 Esaïe 19.2 Luc 21.9-21.19 Juges 7.22
⁴⁷ propterea ecce dies veniunt et visitabo super sculptilia Babylonis et omnis terra eius confundetur et universi interfecti eius cadent in medio eius
Jérémie 50.2 Esaïe 46.1-46.2 Jérémie 51.52 Esaïe 21.9 Jérémie 23.34
⁴⁸ et laudabunt super Babylonem caeli et terra et omnia quae in eis sunt quia ab aquilone venient ei praedones ait Dominus
Apocalypse 18.20 Esaïe 44.23 Jérémie 50.3 Esaïe 49.13 Esaïe 48.20
⁴⁹ et quomodo fecit Babylon ut caderent occisi in Israhel sic de Babylone cadent occisi in universa terra
Jérémie 50.29 Jérémie 51.24 Jérémie 51.10-51.11 Psaumes 137.8-137.9 Matthieu 7.2
⁵⁰ qui fugistis gladium venite nolite stare recordamini procul Domini et Hierusalem ascendat super cor vestrum
Jérémie 44.28 Deutéronome 4.29-4.31 Jérémie 51.45 Apocalypse 18.4 Esaïe 51.11
⁵¹ confusi sumus quoniam audivimus obprobrium operuit ignominia facies nostras quia venerunt alieni super sanctificationem domus Domini
Lamentations 1.10 Psaumes 44.13-44.16 Psaumes 79.4 Psaumes 74.3-74.7 Apocalypse 11.1-11.2
⁵² propterea ecce dies veniunt ait Dominus et visitabo super sculptilia eius et in omni terra eius mugiet vulneratus
Jérémie 51.47 Jérémie 50.38 Ezéchiel 30.24 Daniel 5.30-5.31 Esaïe 13.15-13.16
⁵³ si ascenderit Babylon in caelum et firmaverit in excelso robur suum a me venient vastatores eius ait Dominus
Jérémie 49.16 Genèse 11.4 Jérémie 51.25 Psaumes 139.8-139.10 Jérémie 50.9-50.10
⁵⁴ vox clamoris de Babylone et contritio magna de terra Chaldeorum
Jérémie 50.22 Jérémie 48.3-48.5 Jérémie 50.46 Apocalypse 18.17-18.19 Esaïe 13.6-13.9
⁵⁵ quoniam vastavit Dominus Babylonem et perdidit ex ea vocem magnam et sonabunt fluctus eorum quasi aquae multae dedit sonitum vox eorum
Ezéchiel 26.3 Jérémie 51.38-51.39 Psaumes 65.7 Apocalypse 18.22-18.23 Jérémie 50.10-50.15
⁵⁶ quia venit super eam id est super Babylonem praedo et adprehensi sunt fortes eius et emarcuit arcus eorum quia fortis ultor Dominus reddens retribuet
Habakuk 2.8 Jérémie 51.6 Psaumes 46.9 Jérémie 51.48 Psaumes 94.1-94.2
⁵⁷ et inebriabo principes eius et sapientes eius duces eius et magistratus eius et fortes eius et dormient somnum sempiternum et non expergiscentur ait Rex Dominus exercituum nomen eius
Jérémie 46.18 Jérémie 25.27 Jérémie 48.15 Jérémie 51.39 Psaumes 76.5-76.6
⁵⁸ haec dicit Dominus exercituum murus Babylonis ille latissimus suffossione suffodietur et portae eius excelsae igni conburentur et labores populorum ad nihilum et gentium in igne erunt et disperibunt
Habakuk 2.13 Jérémie 51.64 Jérémie 50.15 Jérémie 51.44 Esaïe 45.1-45.2
⁵⁹ verbum quod praecepit Hieremias prophetes Saraiae filio Neriae filii Maasiae cum pergeret cum Sedecia rege in Babylonem in anno quarto regni eius Saraias autem erat princeps prophetiae
Jérémie 32.12 Jérémie 36.4 Jérémie 45.1 Jérémie 28.1 Jérémie 52.1
⁶⁰ et scripsit Hieremias omne malum quod venturum erat super Babylonem in libro uno omnia verba haec quae scripta sunt contra Babylonem
Habakuk 2.2-2.3 Jérémie 30.2-30.3 Esaïe 30.8 Jérémie 36.32 Esaïe 8.1-8.4
⁶¹ et dixit Hieremias ad Saraiam cum veneris Babylonem et videris et legeris omnia verba haec
Jérémie 29.1-29.2 Colossiens 4.16 1 Thessaloniciens 5.27 Apocalypse 1.3 1 Thessaloniciens 4.18
⁶² dices Domine tu locutus es contra locum istum ut disperderes eum ne sit qui in eo habitet ab homine usque ad pecus et ut sit perpetua solitudo
Jérémie 50.3 Jérémie 50.13 Esaïe 13.19-13.22 Jérémie 50.39-50.40 Apocalypse 18.20-18.23
⁶³ cumque conpleveris legere librum istum ligabis ad eum lapidem et proicies illum in medio Eufraten
Apocalypse 18.21 Jérémie 19.10-19.11
⁶⁴ et dices sic submergetur Babylon et non consurget a facie adflictionis quam ego adduco super eam et dissolventur hucusque verba Hieremiae
Jérémie 51.58 Job 31.40 Psaumes 72.20 Nahum 1.8-1.9 Apocalypse 18.21