Jean 8.42
Vulgate

La femme adultère

¹ Iesus autem perrexit in montem Oliveti
Matthieu 21.1 Marc 11.1 Luc 19.37 Marc 13.3
² et diluculo iterum venit in templum et omnis populus venit ad eum et sedens docebat eos
Matthieu 26.55 Luc 4.20 Luc 21.37 Jean 8.20 Matthieu 5.1-5.2
³ adducunt autem scribae et Pharisaei mulierem in adulterio deprehensam et statuerunt eam in medio
⁴ et dixerunt ei magister haec mulier modo deprehensa est in adulterio
⁵ in lege autem Moses mandavit nobis huiusmodi lapidare tu ergo quid dicis
Lévitique 20.10 Deutéronome 22.21-22.24 Ezéchiel 16.38-16.40 Matthieu 19.6-19.8 Matthieu 22.16-22.18
⁶ haec autem dicebant temptantes eum ut possent accusare eum Iesus autem inclinans se deorsum digito scribebat in terra
Jérémie 17.13 Luc 10.25 Matthieu 19.3 Ecclésiaste 3.7 Matthieu 22.18
⁷ cum autem perseverarent interrogantes eum erexit se et dixit eis qui sine peccato est vestrum primus in illam lapidem mittat
Deutéronome 17.6-17.7 Romains 2.1-2.3 Psaumes 50.16-50.20 Proverbes 26.4-26.5 Matthieu 7.1-7.5
⁸ et iterum se inclinans scribebat in terra
⁹ audientes autem unus post unum exiebant incipientes a senioribus et remansit solus et mulier in medio stans
1 Rois 17.18 1 Jean 3.20 Psaumes 40.14 Ecclésiaste 7.22 Genèse 42.21-42.22
¹⁰ erigens autem se Iesus dixit ei mulier ubi sunt nemo te condemnavit
Esaïe 41.11-41.12
¹¹ quae dixit nemo Domine dixit autem Iesus nec ego te condemnabo vade et amplius iam noli peccare
Jean 5.14 Jean 3.17 Jean 8.15 Romains 2.4 Job 34.31

Jésus, la lumière du monde

¹² iterum ergo locutus est eis Iesus dicens ego sum lux mundi qui sequitur me non ambulabit in tenebris sed habebit lucem vitae
Jean 12.46 Jean 9.5 Matthieu 5.14 Jean 12.35 Jean 3.19
¹³ dixerunt ergo ei Pharisaei tu de te ipso testimonium perhibes testimonium tuum non est verum
Jean 5.31-5.47
¹⁴ respondit Iesus et dixit eis et si ego testimonium perhibeo de me ipso verum est testimonium meum quia scio unde veni et quo vado vos autem nescitis unde venio aut quo vado
Jean 13.3 Jean 16.28 Jean 8.42 Jean 14.10 2 Corinthiens 12.19
¹⁵ vos secundum carnem iudicatis ego non iudico quemquam
Jean 7.24 1 Samuel 16.7 Jean 12.47 Jean 3.17 Jean 8.11
¹⁶ et si iudico ego iudicium meum verum est quia solus non sum sed ego et qui me misit Pater
Jean 16.32 Jean 8.29 Esaïe 11.2-11.5 1 Samuel 16.7 Psaumes 72.1-72.2
¹⁷ et in lege vestra scriptum est quia duorum hominum testimonium verum est
Deutéronome 19.15 Matthieu 18.16 Galates 3.24 Deutéronome 17.6 Galates 4.21
¹⁸ ego sum qui testimonium perhibeo de me ipso et testimonium perhibet de me qui misit me Pater
Hébreux 2.4 Jean 14.6 Jean 8.58 Jean 10.9 Jean 8.38
¹⁹ dicebant ergo ei ubi est Pater tuus respondit Iesus neque me scitis neque Patrem meum si me sciretis forsitan et Patrem meum sciretis
Jean 16.3 Jean 7.28 1 Corinthiens 15.34 2 Corinthiens 4.4-4.6 Jean 8.54-8.55
²⁰ haec verba locutus est in gazofilacio docens in templo et nemo adprehendit eum quia necdum venerat hora eius
Jean 7.30 Marc 12.41 Jean 7.8 Marc 12.43 Matthieu 27.6
²¹ dixit ergo iterum eis Iesus ego vado et quaeretis me et in peccato vestro moriemini quo ego vado vos non potestis venire
Jean 7.34 Jean 8.24 Jean 13.33 Job 20.11 Esaïe 65.20
²² dicebant ergo Iudaei numquid interficiet semet ipsum quia dicit quo ego vado vos non potestis venire
Jean 8.52 Jean 8.48 Psaumes 123.4 Psaumes 31.18 Hébreux 13.13
²³ et dicebat eis vos de deorsum estis ego de supernis sum vos de mundo hoc estis ego non sum de hoc mundo
Jean 3.31 Jean 17.14 1 Jean 2.15-2.16 Jean 17.16 Jacques 4.4
²⁴ dixi ergo vobis quia moriemini in peccatis vestris si enim non credideritis quia ego sum moriemini in peccato vestro
Jean 3.36 Hébreux 12.25 Hébreux 10.26-10.29 Marc 16.16 Jean 8.21
²⁵ dicebant ergo ei tu quis es dixit eis Iesus principium quia et loquor vobis
Jean 1.19 Luc 22.67 Jean 1.22 Jean 19.9 Jean 8.12
²⁶ multa habeo de vobis loqui et iudicare sed qui misit me verax est et ego quae audivi ab eo haec loquor in mundo
Jean 15.15 Jean 7.28 Jean 8.40 Jean 5.42-5.43 Jean 7.16
²⁷ et non cognoverunt quia Patrem eis dicebat
Esaïe 6.9 Jean 8.43 Esaïe 59.10 Jean 8.47 Romains 11.7-11.10
²⁸ dixit ergo eis Iesus cum exaltaveritis Filium hominis tunc cognoscetis quia ego sum et a me ipso facio nihil sed sicut docuit me Pater haec loquor
Jean 5.30 Jean 5.19 Jean 3.14 Jean 6.38 Jean 12.49-12.50
²⁹ et qui me misit mecum est non reliquit me solum quia ego quae placita sunt ei facio semper
Esaïe 42.1 Jean 6.38 Jean 16.32 Jean 4.34 Jean 8.16
³⁰ haec illo loquente multi crediderunt in eum
Jean 7.31 Jean 2.23 Jean 6.14 Jean 11.45 Jean 10.42
³¹ dicebat ergo Iesus ad eos qui crediderunt ei Iudaeos si vos manseritis in sermone meo vere discipuli mei eritis
2 Jean 1.9 2 Timothée 3.14 Jean 15.4-15.9 Jean 6.55 Matthieu 24.13
³² et cognoscetis veritatem et veritas liberabit vos
Jean 8.36 Romains 8.2 Jean 14.6 Jean 17.17 Romains 6.22
³³ responderunt ei semen Abrahae sumus et nemini servivimus umquam quomodo tu dicis liberi eritis
Jean 8.39 Matthieu 3.9 Jean 8.37 Juges 2.18 Exode 1.13-1.14
³⁴ respondit eis Iesus amen amen dico vobis quia omnis qui facit peccatum servus est peccati
2 Pierre 2.19 Romains 6.16 Tite 3.3 Proverbes 5.22 Romains 6.12
³⁵ servus autem non manet in domo in aeternum filius manet in aeternum
Genèse 21.10 Ezéchiel 46.17 1 Pierre 1.2-1.5 Galates 4.30-4.31 Romains 8.15-8.17
³⁶ si ergo Filius vos liberaverit vere liberi eritis
Galates 5.1 Romains 8.2 2 Corinthiens 3.17 Jean 8.31-8.32 Luc 4.18
³⁷ scio quia filii Abrahae estis sed quaeritis me interficere quia sermo meus non capit in vobis
Jean 7.1 1 Corinthiens 2.14 Jean 12.39-12.43 Jean 8.6 Jean 7.19
³⁸ ego quod vidi apud Patrem loquor et vos quae vidistis apud patrem vestrum facitis
Jean 8.41 Jean 5.19 Jean 8.44 Jean 5.30 Jean 14.10
³⁹ responderunt et dixerunt ei pater noster Abraham est dicit eis Iesus si filii Abrahae estis opera Abrahae facite
Galates 3.7 Jean 8.37 Romains 9.7 Matthieu 3.9 Romains 4.12
⁴⁰ nunc autem quaeritis me interficere hominem qui veritatem vobis locutus sum quam audivi a Deo hoc Abraham non fecit
Jean 8.26 Apocalypse 12.12-12.13 Apocalypse 12.4 Galates 4.29 Apocalypse 12.17
⁴¹ vos facitis opera patris vestri dixerunt itaque ei nos ex fornicatione non sumus nati unum patrem habemus Deum
Esaïe 63.16 Esaïe 64.8 Jean 8.38 Jean 8.44 Deutéronome 32.6
⁴² dixit ergo eis Iesus si Deus pater vester esset diligeretis utique me ego enim ex Deo processi et veni neque enim a me ipso veni sed ille me misit
Jean 17.8 Jean 12.49 Jean 14.10 Jean 3.17 Jean 17.25
⁴³ quare loquellam meam non cognoscitis quia non potestis audire sermonem meum
Jean 7.17 Jérémie 6.10 Romains 3.11 Jean 12.39-12.40 Jean 8.27
⁴⁴ vos ex patre diabolo estis et desideria patris vestri vultis facere ille homicida erat ab initio et in veritate non stetit quia non est veritas in eo cum loquitur mendacium ex propriis loquitur quia mendax est et pater eius
Apocalypse 12.9 1 Jean 3.12 1 Jean 3.8-3.10 2 Corinthiens 11.3 Actes 13.10
⁴⁵ ego autem quia veritatem dico non creditis mihi
2 Timothée 4.3-4.4 Galates 4.16 Jean 3.19-3.20 2 Thessaloniciens 2.10 Jean 18.37
⁴⁶ quis ex vobis arguit me de peccato si veritatem dico quare vos non creditis mihi
Hébreux 4.15 Jean 14.30 Marc 11.31 Jean 8.7 Matthieu 21.25
⁴⁷ qui est ex Deo verba Dei audit propterea vos non auditis quia ex Deo non estis
Jean 1.12-1.13 Jean 6.45-6.46 Jean 17.6-17.8 Jean 6.65 1 Jean 4.1-4.6
⁴⁸ responderunt igitur Iudaei et dixerunt ei nonne bene dicimus nos quia Samaritanus es tu et daemonium habes
Jean 7.20 Jean 8.52 Jean 4.9 Jacques 2.19 Esaïe 49.7
⁴⁹ respondit Iesus ego daemonium non habeo sed honorifico Patrem meum et vos inhonoratis me
Jean 11.4 Philippiens 2.6-2.11 1 Pierre 2.23 Esaïe 42.21 Jean 8.29
⁵⁰ ego autem non quaero gloriam meam est qui quaerit et iudicat
Jean 5.41 Jean 8.54 Jean 5.45 Jean 7.18 Jean 12.47-12.48
⁵¹ amen amen dico vobis si quis sermonem meum servaverit mortem non videbit in aeternum
Jean 11.25-11.26 Jean 5.24 Jean 3.15-3.16 Psaumes 89.48 Jean 15.20
⁵² dixerunt ergo Iudaei nunc cognovimus quia daemonium habes Abraham mortuus est et prophetae et tu dicis si quis sermonem meum servaverit non gustabit mortem in aeternum
Hébreux 2.9 Jean 8.48 Zacharie 1.5-1.6 Jean 8.51 Hébreux 11.13
⁵³ numquid tu maior es patre nostro Abraham qui mortuus est et prophetae mortui sunt quem te ipsum facis
Jean 4.12 Matthieu 12.6 Romains 9.5 Esaïe 9.6 Hébreux 7.1-7.7
⁵⁴ respondit Iesus si ego glorifico me ipsum gloria mea nihil est est Pater meus qui glorificat me quem vos dicitis quia Deus noster est
Jean 8.50 Jean 17.1 Jean 8.41 Jean 17.5 Proverbes 25.27
⁵⁵ et non cognovistis eum ego autem novi eum et si dixero quia non scio eum ero similis vobis mendax sed scio eum et sermonem eius servo
Jean 8.19 Jean 8.44 Jean 7.28-7.29 Jean 8.51 Matthieu 11.27
⁵⁶ Abraham pater vester exultavit ut videret diem meum et vidit et gavisus est
Hébreux 11.13 Jean 8.39 Matthieu 13.17 Genèse 22.18 Hébreux 11.39
⁵⁷ dixerunt ergo Iudaei ad eum quinquaginta annos nondum habes et Abraham vidisti
⁵⁸ dixit eis Iesus amen amen dico vobis antequam Abraham fieret ego sum
Exode 3.14 Jean 17.24 Jean 17.5 Colossiens 1.17 Esaïe 44.6
⁵⁹ tulerunt ergo lapides ut iacerent in eum Iesus autem abscondit se et exivit de templo
Jean 11.8 Lévitique 24.16 Jean 10.30-10.33 Luc 4.29-4.30 Jean 8.5-8.6