Genèse 31
Vulgate

1 postquam autem audivit verba filiorum Laban dicentium tulit Iacob omnia quae fuerunt patris nostri et de illius facultate ditatus factus est inclitus
Ecclésiaste 4.4 Esaïe 5.14 Proverbes 14.30 1 Pierre 1.24 Proverbes 27.4
2 animadvertit quoque faciem Laban quod non esset erga se sicut heri et nudius tertius
Genèse 4.5 Exode 4.10 Daniel 3.19 Deutéronome 28.54 Deutéronome 19.4
3 maxime dicente sibi Domino revertere in terram patrum tuorum et ad generationem tuam eroque tecum
Genèse 28.15 Genèse 32.9 Genèse 31.13 Genèse 21.22 Genèse 13.15
4 misit et vocavit Rahel et Liam in agrum ubi pascebat greges
5 dixitque eis video faciem patris vestri quod non sit erga me sicut heri et nudius tertius Deus autem patris mei fuit mecum
Genèse 31.2-31.3 Genèse 31.53 Genèse 31.42 Genèse 31.13 Genèse 48.15
6 et ipsae nostis quod totis viribus meis servierim patri vestro
Genèse 30.29 Tite 2.9-2.10 Genèse 31.38-31.42 Ephésiens 6.5-6.8 1 Pierre 2.18
7 sed pater vester circumvenit me et mutavit mercedem meam decem vicibus et tamen non dimisit eum Deus ut noceret mihi
Nombres 14.22 Néhémie 4.12 Zacharie 8.23 Psaumes 37.28 Genèse 31.29
8 si quando dixit variae erunt mercedes tuae pariebant omnes oves varios fetus quando vero e contrario ait alba quaeque accipies pro mercede omnes greges alba pepererunt
Genèse 30.32
9 tulitque Deus substantiam patris vestri et dedit mihi
Genèse 31.1 Genèse 31.16 Proverbes 13.22 Psaumes 50.10 Matthieu 20.15
10 postquam enim conceptus ovium tempus advenerat levavi oculos meos et vidi in somnis ascendentes mares super feminas varios et maculosos et diversorum colorum
Deutéronome 13.1 Genèse 28.12 1 Rois 3.5 Nombres 12.6 Genèse 30.39
11 dixitque angelus Dei ad me in somnis Iacob et ego respondi adsum
Genèse 31.13 Esaïe 58.9 Genèse 48.15-48.16 1 Samuel 3.6 1 Samuel 3.16
12 qui ait leva oculos tuos et vide universos masculos ascendentes super feminas varios respersos atque maculosos vidi enim omnia quae fecit tibi Laban
Exode 3.7 Ephésiens 6.9 Ecclésiaste 5.8 Psaumes 12.5 Deutéronome 24.15
13 ego sum Deus Bethel ubi unxisti lapidem et votum vovisti mihi nunc ergo surge et egredere de terra hac revertens in terram nativitatis tuae
Genèse 31.3 Genèse 32.9 Genèse 28.12-28.22 Genèse 35.7
14 responderunt Rahel et Lia numquid habemus residui quicquam in facultatibus et hereditate domus patris nostri
Genèse 29.29 Ruth 4.11 Genèse 29.24 Genèse 2.24
15 nonne quasi alienas reputavit nos et vendidit comeditque pretium nostrum
Genèse 30.26 Genèse 29.15-29.20 Exode 21.7-21.11 Genèse 29.27-29.30 Genèse 31.41
16 sed Deus tulit opes patris nostri et nobis eas tradidit ac filiis nostris unde omnia quae praecepit fac
Genèse 31.9 Genèse 30.35-31.1 Psaumes 45.10
17 surrexit itaque Iacob et inpositis liberis et coniugibus suis super camelos abiit
1 Samuel 30.17 Genèse 24.61 Genèse 24.10
18 tulitque omnem substantiam et greges et quicquid in Mesopotamiam quaesierat pergens ad Isaac patrem suum in terram Chanaan
Genèse 27.1-27.2 Genèse 28.21 Genèse 35.27-35.29 Genèse 27.41
19 eo tempore Laban ierat ad tondendas oves et Rahel furata est idola patris sui
1 Samuel 19.13 Genèse 31.30 Osée 3.4 Genèse 35.2 Genèse 31.32
20 noluitque Iacob confiteri socero quod fugeret
21 cumque abisset tam ipse quam omnia quae iuris eius erant et amne transmisso pergeret contra montem Galaad
2 Rois 12.17 Nombres 24.1 Juges 10.18 Deutéronome 3.12 Genèse 15.18

Jacob poursuivi par Laban

22 nuntiatum est Laban die tertio quod fugeret Iacob
Job 5.12-5.13 Genèse 30.36 Exode 14.5-14.31
23 qui adsumptis fratribus suis persecutus est eum diebus septem et conprehendit in monte Galaad
Exode 2.13 Exode 2.11 Genèse 13.8 Genèse 24.27
24 viditque in somnis dicentem sibi Dominum cave ne quicquam aspere loquaris contra Iacob
Genèse 20.3 Genèse 24.50 Genèse 31.29 Genèse 31.42 Nombres 24.13
25 iamque Iacob extenderat in monte tabernaculum cum ille consecutus eum cum fratribus suis in eodem monte Galaad fixit tentorium
Genèse 33.18 Genèse 12.8 Hébreux 11.9
26 et dixit ad Iacob quare ita egisti ut clam me abigeres filias meas quasi captivas gladio
1 Samuel 30.2 Genèse 31.36 Genèse 20.9-20.10 Genèse 12.18 Genèse 2.24
27 cur ignorante me fugere voluisti nec indicare mihi ut prosequerer te cum gaudio et canticis et tympanis et cithara
Exode 15.20 Proverbes 26.23-26.26 Juges 6.27 Genèse 31.20-31.21 Job 21.11-21.14
28 non es passus ut oscularer filios meos ac filias stulte operatus es et nunc
Genèse 31.55 Ruth 1.14 Ruth 1.9 Actes 20.37 1 Rois 19.20
29 valet quidem manus mea reddere tibi malum sed Deus patris vestri heri dixit mihi cave ne loquaris cum Iacob quicquam durius
Genèse 31.53 Genèse 31.42 Genèse 28.13 Genèse 31.24 Daniel 6.20
30 esto ad tuos ire cupiebas et desiderio tibi erat domus patris tui cur furatus es deos meos
Genèse 31.19 Juges 18.24 1 Samuel 5.2-5.6 Esaïe 37.19 Esaïe 46.1-46.2
31 respondit Iacob quod inscio te profectus sum timui ne violenter auferres filias tuas
Proverbes 29.25 Genèse 20.11 Genèse 31.26-31.27
32 quod autem furti arguis apud quemcumque inveneris deos tuos necetur coram fratribus nostris scrutare quicquid tuorum apud me inveneris et aufer haec dicens ignorabat quod Rahel furata esset idola
2 Corinthiens 12.17-12.19 1 Samuel 14.24-14.29 Genèse 30.33 Genèse 31.23 Genèse 31.19
33 ingressus itaque Laban tabernaculum Iacob et Liae et utriusque famulae non invenit cumque intrasset tentorium Rahelis
Genèse 24.28 Genèse 24.67
34 illa festinans abscondit idola subter stramen cameli et sedit desuper scrutantique omne tentorium et nihil invenienti
Genèse 31.17 Genèse 31.19
35 ait ne irascatur dominus meus quod coram te adsurgere nequeo quia iuxta consuetudinem feminarum nunc accidit mihi sic delusa sollicitudo quaerentis est
Lévitique 19.32 Exode 20.12 Lévitique 19.3 Genèse 18.11-18.12 1 Pierre 3.6
36 tumensque Iacob cum iurgio ait quam ob culpam meam et ob quod peccatum sic exarsisti post me
2 Rois 5.11 2 Rois 13.19 Genèse 30.2 Marc 3.5 Nombres 16.15
37 et scrutatus es omnem supellectilem meam quid invenisti de cuncta substantia domus tuae pone hic coram fratribus meis et fratribus tuis et iudicent inter me et te
1 Thessaloniciens 2.10 1 Pierre 3.16 Josué 7.23 Hébreux 13.18 1 Pierre 2.12
38 idcirco viginti annis fui tecum oves tuae et caprae steriles non fuerunt arietes gregis tui non comedi
Genèse 30.30 Deutéronome 28.4 Genèse 30.27 Ezéchiel 34.2-34.4 Exode 23.26
39 nec captum a bestia ostendi tibi ego damnum omne reddebam quicquid furto perierat a me exigebas
Exode 22.31 Exode 22.10-22.13 Lévitique 22.8 1 Samuel 17.34-17.35 Luc 2.8
40 die noctuque aestu urebar et gelu fugiebat somnus ab oculis meis
Luc 2.8 Osée 12.12 Exode 2.19-2.22 Psaumes 78.70-78.71 1 Pierre 5.2-5.4
41 sic per viginti annos in domo tua servivi tibi quattuordecim pro filiabus et sex pro gregibus tuis inmutasti quoque mercedem meam decem vicibus
Genèse 31.7 2 Corinthiens 11.26 Genèse 31.38 1 Corinthiens 15.10 Genèse 30.33-30.40
42 nisi Deus patris mei Abraham et Timor Isaac adfuisset mihi forsitan modo nudum me dimisisses adflictionem meam et laborem manuum mearum respexit Deus et arguit te heri
Genèse 31.53 Genèse 31.29 Genèse 29.32 Genèse 31.24 Esaïe 8.13
43 respondit ei Laban filiae et filii et greges tui et omnia quae cernis mea sunt quid possum facere filiis et nepotibus meis
44 veni ergo et ineamus foedus ut sit testimonium inter me et te
Deutéronome 31.19 Genèse 21.22-21.32 Genèse 31.52 Josué 24.25-24.27 Genèse 15.18
45 tulit itaque Iacob lapidem et erexit illum in titulum
Genèse 28.18-28.22
46 dixitque fratribus suis adferte lapides qui congregantes fecerunt tumulum comederuntque super eum
Genèse 31.37 Genèse 31.32 Josué 4.5-4.9 2 Samuel 18.17 Genèse 31.54
47 quem vocavit Laban tumulus Testis et Iacob acervum Testimonii uterque iuxta proprietatem linguae suae
Hébreux 12.1
48 dixitque Laban tumulus iste testis erit inter me et te hodie et idcirco appellatum est nomen eius Galaad id est tumulus Testis
Josué 24.27 Deutéronome 3.16 Deutéronome 2.36 Josué 13.8-13.9 Genèse 31.23
49 intueatur Dominus et iudicet inter nos quando recesserimus a nobis
Juges 11.29 1 Rois 15.22 1 Samuel 7.5-7.6 Juges 10.17 Osée 5.1
50 si adflixeris filias meas et si introduxeris uxores alias super eas nullus sermonis nostri testis est absque Deo qui praesens respicit
Jérémie 42.5 Jérémie 29.23 1 Samuel 12.5 Juges 11.10 Michée 1.2
51 dixitque rursus ad Iacob en tumulus hic et lapis quem erexi inter me et te
52 testis erit tumulus inquam iste et lapis sint in testimonio si aut ego transiero illum pergens ad te aut tu praeterieris malum mihi cogitans
Genèse 31.48 Genèse 31.44-31.45
53 Deus Abraham et Deus Nahor iudicet inter nos Deus patris eorum iuravit Iacob per Timorem patris sui Isaac
Genèse 31.42 Genèse 16.5 Josué 24.2 Exode 3.6 Genèse 11.24-11.29
54 immolatisque victimis in monte vocavit fratres suos ut ederent panem qui cum comedissent manserunt ibi
Exode 18.12 2 Samuel 3.20-3.21 Genèse 37.25 Genèse 21.8 Genèse 26.30