Lévitique 13.57
Vulgate

La lèpre

¹ locutus est Dominus ad Mosen et Aaron dicens
² homo in cuius carne et cute ortus fuerit diversus color sive pustula aut quasi lucens quippiam id est plaga leprae adducetur ad Aaron sacerdotem vel ad unum quemlibet filiorum eius
Deutéronome 24.8 Lévitique 14.56 Lévitique 14.3 2 Samuel 3.29 Deutéronome 17.8-17.9
³ qui cum viderit lepram in cute et pilos in album mutatos colorem ipsamque speciem leprae humiliorem cute et carne reliqua plaga leprae est et ad arbitrium eius separabitur
Romains 3.19-3.20 Actes 20.28 2 Timothée 3.13 2 Thessaloniciens 3.14-3.15 Ezéchiel 16.30
⁴ sin autem lucens candor fuerit in cute nec humilior carne reliqua et pili coloris pristini recludet eum sacerdos septem diebus
Nombres 12.15 Deutéronome 13.14 Ezéchiel 44.10 1 Corinthiens 4.5 1 Timothée 5.24
⁵ et considerabit die septimo et siquidem lepra ultra non creverit nec transierit in cute priores terminos rursum includet eum septem diebus aliis
⁶ et die septimo contemplabitur si obscurior fuerit lepra et non creverit in cute mundabit eum quia scabies est lavabitque homo vestimenta sua et mundus erit
Lévitique 11.25 Lévitique 14.8 2 Corinthiens 7.1 Jude 1.22-1.23 Deutéronome 32.5
⁷ quod si postquam a sacerdote visus est et redditus munditiae iterum lepra creverit adducetur ad eum
Romains 6.12-6.14 Esaïe 1.5-1.6 2 Timothée 2.16-2.17 Lévitique 13.27 Psaumes 38.3
⁸ et inmunditiae condemnabitur
Actes 8.21 Philippiens 3.18-3.19 Matthieu 15.7-15.8 Lévitique 13.3 2 Pierre 2.19
⁹ plaga leprae si fuerit in homine adducetur ad sacerdotem
¹⁰ et videbit eum cumque color albus in cute fuerit et capillorum mutarit aspectum ipsa quoque caro viva apparuerit
2 Rois 5.27 2 Chroniques 26.19-26.20 Jean 7.7 Amos 5.10 Lévitique 13.24
¹¹ lepra vetustissima iudicabitur atque inolita cuti contaminabit itaque eum sacerdos et non recludet quia perspicue inmunditia est
¹² sin autem effloruerit discurrens lepra in cute et operuerit omnem carnem a capite usque ad pedes quicquid sub aspectu oculorum cadit
Esaïe 64.6 1 Jean 1.8-1.10 Job 42.6 Romains 7.14 Jean 16.8-16.9
¹³ considerabit eum sacerdos et teneri lepra mundissima iudicabit eo quod omnis in candorem versa sit et idcirco homo mundus erit
Esaïe 64.6 Jean 9.41
¹⁴ quando vero caro vivens in eo apparuerit
¹⁵ tunc sacerdotis iudicio polluetur et inter inmundos reputabitur caro enim viva si lepra aspergatur inmunda est
¹⁶ quod si rursum versa fuerit in alborem et totum hominem operuerit
Philippiens 3.6-3.8 Galates 1.14-1.16 Romains 7.14-7.24 1 Timothée 1.13-1.15
¹⁷ considerabit eum sacerdos et mundum esse decernet
¹⁸ caro et cutis in qua ulcus natum est et sanatum
Exode 9.9 2 Rois 20.7 Psaumes 38.3-38.7 Job 2.7 Exode 15.26
¹⁹ et in loco ulceris cicatrix apparuerit alba sive subrufa adducetur homo ad sacerdotem
Lévitique 13.24
²⁰ qui cum viderit locum leprae humiliorem carne reliqua et pilos versos in candorem contaminabit eum plaga enim leprae orta est in ulcere
Jean 5.14 Matthieu 12.45 2 Pierre 2.20 Lévitique 13.3
²¹ quod si pilus coloris est pristini et cicatrix subobscura et vicina carne non est humilior recludet eum septem diebus
1 Corinthiens 5.5
²² et siquidem creverit adiudicabit eum leprae
²³ sin autem steterit in loco suo ulceris est cicatrix et homo mundus erit
Galates 6.1 Genèse 38.26 Job 34.31-34.32 1 Pierre 4.2-4.3 2 Chroniques 19.2-19.3
²⁴ caro et cutis quam ignis exuserit et sanata albam sive rufam habuerit cicatricem
Esaïe 3.24
²⁵ considerabit eam sacerdos et ecce versa est in alborem et locus eius reliqua cute humilior contaminabit eum quia plaga leprae in cicatrice orta est
Lévitique 13.18-13.20 Lévitique 13.4
²⁶ quod si pilorum color non fuerit inmutatus nec humilior plaga carne reliqua et ipsa leprae species fuerit subobscura recludet eum septem diebus
Lévitique 13.23 Lévitique 13.4-13.5
²⁷ et die septimo contemplabitur si creverit in cute lepra contaminabit eum
²⁸ sin autem in loco suo candor steterit non satis clarus plaga conbustionis est et idcirco mundabitur quia cicatrix est conbusturae
²⁹ vir sive mulier in cuius capite vel barba germinarit lepra videbit eos sacerdos
1 Rois 8.38 Actes 22.3-22.4 2 Thessaloniciens 2.11-2.12 2 Chroniques 6.29 Psaumes 53.4
³⁰ et siquidem humilior fuerit locus carne reliqua et capillus flavus solitoque subtilior contaminabit eos quia lepra capitis ac barbae est
Lévitique 14.54 Lévitique 13.34-13.37
³¹ sin autem viderit et locum maculae aequalem vicinae carni et capillum nigrum recludet eos septem diebus
³² et die septimo intuebitur si non creverit macula et capillus sui coloris est et locus plagae carni reliquae aequalis
Luc 18.9-18.12 Matthieu 23.5 Romains 2.23 Lévitique 13.30
³³ radetur homo absque loco maculae et includetur septem diebus aliis
³⁴ si die septimo visa fuerit stetisse plaga in loco suo nec humilior carne reliqua mundabit eum lotisque vestibus mundus erit
Jude 1.22 Apocalypse 2.2 1 Jean 4.1
³⁵ sin autem post emundationem rursus creverit macula in cute
Lévitique 13.27 2 Timothée 2.16-2.17 Lévitique 13.7 2 Timothée 3.13
³⁶ non quaeret amplius utrum capillus in flavum colorem sit commutatus quia aperte inmundus est
³⁷ porro si steterit macula et capilli nigri fuerint noverit hominem esse sanatum et confidenter eum pronuntiet mundum
³⁸ vir et mulier in cuius cute candor apparuerit
³⁹ intuebitur eos sacerdos si deprehenderit subobscurum alborem lucere in cute sciat non esse lepram sed maculam coloris candidi et hominem mundum
Romains 7.22-7.25 Jacques 3.2 Ecclésiaste 7.20
⁴⁰ vir de cuius capite capilli fluunt calvus ac mundus est
Romains 6.12 Cantique 5.11 Esaïe 15.2 Romains 6.19 Lévitique 13.41
⁴¹ et si a fronte ceciderint pili recalvaster et mundus est
⁴² sin autem in calvitio sive in recalvatione albus vel rufus color fuerit exortus
⁴³ et hoc sacerdos viderit condemnabit eum haut dubiae leprae quae orta est in calvitio
⁴⁴ quicumque ergo maculatus fuerit lepra et separatus ad arbitrium sacerdotis
Matthieu 6.23 Esaïe 1.5 2 Pierre 2.1-2.2 Job 36.14 2 Jean 1.8-1.10
⁴⁵ habebit vestimenta dissuta caput nudum os veste contectum contaminatum ac sordidum se clamabit
Lévitique 10.6 Ezéchiel 24.22 Michée 3.7 Lamentations 4.15 Ezéchiel 24.17
⁴⁶ omni tempore quo leprosus est et inmundus solus habitabit extra castra
2 Rois 7.3 2 Rois 15.5 Nombres 12.14-12.15 2 Chroniques 26.21 2 Thessaloniciens 3.6

La lèpre des vêtements

⁴⁷ vestis lanea sive linea quae lepram habuerit
Jude 1.23 Esaïe 3.16-3.24 Esaïe 64.6 Colossiens 3.3 Ezéchiel 16.16
⁴⁸ in stamine atque subtemine aut certe pellis vel quicquid ex pelle confectum est
Jude 1.23 Apocalypse 3.4 Deutéronome 8.11 Lévitique 13.51
⁴⁹ si alba aut rufa macula fuerit infecta lepra reputabitur ostendeturque sacerdoti
⁵⁰ qui consideratam recludet septem diebus
Ezéchiel 44.23
⁵¹ et die septimo rursus aspiciens si crevisse deprehenderit lepra perseverans est pollutum iudicabit vestimentum et omne in quo fuerit inventa
Lévitique 14.44
⁵² et idcirco conburetur flammis
Actes 19.19-19.20 Lévitique 14.44-14.45 Deutéronome 7.25-7.26 Lévitique 11.33 Esaïe 30.22
⁵³ quod si eam viderit non crevisse
⁵⁴ praecipiet et lavabunt id in quo lepra est recludetque illud septem diebus aliis
⁵⁵ et cum viderit faciem quidem pristinam non reversam nec tamen crevisse lepram inmundum iudicabit et igne conburet eo quod infusa sit in superficie vestimenti vel per totum lepra
Ezéchiel 24.13 2 Pierre 1.9 Hébreux 6.4-6.8 2 Pierre 2.20-2.22
⁵⁶ sin autem obscurior fuerit locus leprae postquam vestis est lota abrumpet eum et a solido dividet
⁵⁷ quod si ultra apparuerit in his locis quae prius inmaculata erant lepra volatilis et vaga debet igne conburi
Apocalypse 21.8 Matthieu 22.7 Esaïe 33.14 Matthieu 3.12 Matthieu 25.41
⁵⁸ si cessaverit lavabit ea quae pura sunt secundo et munda erunt
Psaumes 51.2 2 Rois 5.10 Apocalypse 1.5 Hébreux 9.10 2 Corinthiens 7.1
⁵⁹ ista est lex leprae vestimenti lanei et linei staminis atque subteminis omnisque supellectilis pelliciae quomodo mundari debeat vel contaminari