Lévitique 14.32
Vulgate

La purification de la lèpre

¹ locutusque est Dominus ad Mosen dicens
² hic est ritus leprosi quando mundandus est adducetur ad sacerdotem
Luc 17.14 Matthieu 8.2-8.4 Nombres 6.9 Marc 1.40-1.44 Luc 5.12-5.14
³ qui egressus e castris cum invenerit lepram esse mundatam
Lévitique 13.46 Luc 17.15-17.19 2 Rois 5.7-5.8 Matthieu 11.5 1 Corinthiens 6.9-6.11
⁴ praecipiet ei qui purificatur ut offerat pro se duos passeres vivos quos vesci licitum est et lignum cedrinum vermiculumque et hysopum
Nombres 19.6 Lévitique 14.6 Exode 12.22 Psaumes 51.7 Hébreux 9.19
⁵ et unum e passeribus immolari iubebit in vase fictili super aquas viventes
Nombres 5.17 2 Corinthiens 4.7 2 Corinthiens 13.4 2 Corinthiens 5.1 Hébreux 2.14
⁶ alium autem vivum cum ligno cedrino et cocco et hysopo tinguet in sanguine passeris immolati
Apocalypse 1.5 Romains 5.10 Lévitique 14.4 Lévitique 14.51-14.53 Apocalypse 1.18
⁷ quo asperget illum qui mundandus est septies ut iure purgetur et dimittet passerem vivum ut in agrum avolet
2 Rois 5.10 Esaïe 52.15 2 Rois 5.14 Ezéchiel 36.25 Hébreux 9.13
⁸ cumque laverit homo vestimenta sua radet omnes pilos corporis et lavabitur aqua purificatusque ingredietur castra ita dumtaxat ut maneat extra tabernaculum suum septem diebus
Lévitique 11.25 Nombres 8.7 Lévitique 8.6 Lévitique 15.5-15.8 1 Pierre 3.21
⁹ et die septimo radat capillos capitis barbamque et supercilia ac totius corporis pilos et lotis rursum vestibus et corpore
Nombres 6.9 Lévitique 14.8 Nombres 8.7
¹⁰ die octavo adsumet duos agnos inmaculatos et ovem anniculam absque macula et tres decimas similae in sacrificium quae conspersa sit oleo et seorsum olei sextarium
Lévitique 2.1 Matthieu 8.4 Marc 1.44 Lévitique 14.21 Lévitique 14.12
¹¹ cumque sacerdos purificans hominem statuerit eum et haec omnia coram Domino in ostio tabernaculi testimonii
Jude 1.24 Nombres 8.21 Exode 29.1-29.4 Nombres 8.6-8.11 Ephésiens 5.26-5.27
¹² tollet agnum et offeret eum pro delicto oleique sextarium et oblatis ante Dominum omnibus
Exode 29.24 Lévitique 6.6-6.7 Lévitique 5.2-5.3 Lévitique 5.18-5.19 Lévitique 8.27-8.29
¹³ immolabit agnum ubi immolari solet hostia pro peccato et holocaustum id est in loco sancto sicut enim pro peccato ita et pro delicto ad sacerdotem pertinet hostia sancta sanctorum est
Exode 29.11 Lévitique 1.11 Lévitique 4.24 Lévitique 1.5 Lévitique 7.6-7.7
¹⁴ adsumensque sacerdos de sanguine hostiae quae immolata est pro delicto ponet super extremum auriculae dextrae eius qui mundatur et super pollices manus dextrae et pedis
Exode 29.20 Lévitique 8.23-8.24 1 Pierre 2.9-2.10 Romains 6.19 1 Pierre 1.14-1.15
¹⁵ et de olei sextario mittet in manum suam sinistram
Psaumes 45.7 Jean 3.34 1 Jean 2.20
¹⁶ tinguetque digitum dextrum in eo et asperget septies contra Dominum
Lévitique 4.6 Lévitique 4.17 Luc 17.18 1 Corinthiens 10.31
¹⁷ quod autem reliquum est olei in leva manu fundet super extremum auriculae dextrae eius qui mundatur et super pollices manus ac pedis dextri et super sanguinem qui fusus est pro delicto
Tite 3.3-3.6 Lévitique 8.30 Exode 29.20-29.21 Jean 1.16 Ezéchiel 36.27
¹⁸ et super caput eius
Lévitique 4.26 Ephésiens 1.17-1.18 Exode 29.7 Lévitique 8.12 2 Corinthiens 1.21-1.22
¹⁹ rogabitque pro eo coram Domino et faciet sacrificium pro peccato tunc immolabit holocaustum
Lévitique 14.12 Lévitique 12.6-12.8 Lévitique 5.1 Romains 8.3 Lévitique 5.6
²⁰ et ponet illud in altari cum libamentis suis et homo rite mundabitur
Lévitique 14.10 Ephésiens 5.2 Lévitique 14.8
²¹ quod si pauper est et non potest manus eius invenire quae dicta sunt adsumet agnum pro delicto ad oblationem ut roget pro eo sacerdos decimamque partem similae conspersae oleo in sacrificium et olei sextarium
Lévitique 12.8 Lévitique 5.7 Proverbes 17.5 Luc 6.20 Job 34.19
²² duosque turtures sive duos pullos columbae quorum sit unus pro peccato et alter in holocaustum
Esaïe 38.14 Psaumes 68.13 Lévitique 5.7 Jérémie 48.28 Ezéchiel 7.16
²³ offeretque ea die octavo purificationis suae sacerdoti ad ostium tabernaculi testimonii coram Domino
Lévitique 14.10-14.11
²⁴ qui suscipiens agnum pro delicto et sextarium olei levabit simul
Lévitique 14.10 Lévitique 14.12
²⁵ immolatoque agno de sanguine eius ponet super extremum auriculae dextrae illius qui mundatur et super pollices manus eius ac pedis dextri
Ecclésiaste 5.1 Lévitique 14.14-14.20 Psaumes 40.6
²⁶ olei vero partem mittet in manum suam sinistram
²⁷ in quo tinguens digitum dextrae manus asperget septies contra Dominum
²⁸ tangetque extremum dextrae auriculae illius qui mundatur et pollices manus ac pedis dextri in loco sanguinis qui effusus est pro delicto
²⁹ reliquam autem partem olei quae est in sinistra manu mittet super caput purificati ut placet pro eo Dominum
Lévitique 14.18 1 Jean 2.1-2.2 1 Jean 5.6 Jean 17.19 Exode 30.15-30.16
³⁰ et turturem sive pullum columbae offeret
Lévitique 14.22 Romains 8.3 Luc 2.24 Lévitique 12.8 Lévitique 15.14-15.15
³¹ unum pro delicto et alterum in holocaustum cum libamentis suis
Lévitique 14.18 Lévitique 5.7
³² hoc est sacrificium leprosi qui habere non potest omnia in emundationem sui
Lévitique 14.21 Lévitique 14.10 Lévitique 13.59 1 Corinthiens 1.27-1.28 Psaumes 136.23

La lèpre des maisons

³³ locutus est Dominus ad Mosen et Aaron dicens
³⁴ cum ingressi fueritis terram Chanaan quam ego dabo vobis in possessionem si fuerit plaga leprae in aedibus
Deutéronome 32.49 Genèse 17.8 Nombres 32.22 Deutéronome 7.1-7.2 Deutéronome 26.1
³⁵ ibit cuius est domus nuntians sacerdoti et dicet quasi plaga leprae videtur mihi esse in domo mea
Psaumes 91.10 Deutéronome 7.26 Zacharie 5.4 Proverbes 3.33 1 Rois 13.34
³⁶ at ille praecipiet ut efferant universa de domo priusquam ingrediatur eam et videat utrum lepra sit ne inmunda fiant omnia quae in domo sunt intrabitque postea ut consideret domus lepram
2 Timothée 2.17-2.18 Hébreux 12.15 1 Corinthiens 15.33 Apocalypse 18.4
³⁷ et cum viderit in parietibus illius quasi valliculas pallore sive rubore deformes et humiliores superficie reliqua
Lévitique 13.19-13.20 Lévitique 13.49 Lévitique 13.3 Lévitique 13.42
³⁸ egredietur ostium domus et statim claudet eam septem diebus
Lévitique 13.50
³⁹ reversusque die septimo considerabit eam si invenerit crevisse lepram
Lévitique 13.7-13.8 Lévitique 13.22 Lévitique 13.27 Lévitique 13.51 Lévitique 13.36
⁴⁰ iubebit erui lapides in quibus lepra est et proici eos extra civitatem in loco inmundo
1 Corinthiens 5.13 Jean 15.2 Matthieu 18.17 Apocalypse 2.2 Proverbes 22.10
⁴¹ domum autem ipsam radi intrinsecus per circuitum et spargi pulverem rasurae extra urbem in loco inmundo
Matthieu 8.28 Esaïe 65.4 1 Timothée 1.20 Job 36.13-36.14 Matthieu 24.51
⁴² lapidesque alios reponi pro his qui ablati fuerint et luto alio liniri domum
2 Timothée 2.2 2 Chroniques 29.4-29.5 Psaumes 101.6 Tite 1.5-1.9 Josué 24.15
⁴³ sin autem postquam eruti sunt lapides et pulvis elatus et alia terra lita
2 Pierre 2.20 Hébreux 6.4-6.8 Jude 1.12 2 Pierre 2.22 Ezéchiel 24.13
⁴⁴ ingressus sacerdos viderit reversam lepram et parietes aspersos maculis lepra est perseverans et inmunda domus
Lévitique 13.51-13.52 Zacharie 5.4
⁴⁵ quam statim destruent et lapides eius ac ligna atque universum pulverem proicient extra oppidum in loco inmundo
1 Rois 9.6-9.9 Matthieu 24.2 2 Rois 17.20-17.23 Matthieu 22.7 Jérémie 52.13
⁴⁶ qui intraverit domum quando clausa est inmundus erit usque ad vesperum
Nombres 19.21-19.22 Nombres 19.7-19.10 Lévitique 11.28 Lévitique 11.24-11.25 Lévitique 22.6
⁴⁷ et qui dormierit in ea et comederit quippiam lavabit vestimenta sua
Lévitique 11.25 Lévitique 14.8-14.9
⁴⁸ quod si introiens sacerdos viderit lepram non crevisse in domo postquam denuo lita est purificabit eam reddita sanitate
Marc 5.34 Osée 6.1 Lévitique 14.3 Job 5.18 Luc 7.21
⁴⁹ et in purificationem eius sumet duos passeres lignumque cedrinum et vermiculum atque hysopum
Lévitique 14.4
⁵⁰ et immolato uno passere in vase fictili super aquas vivas
⁵¹ tollet lignum cedrinum et hysopum et coccum et passerem vivum et intinguet omnia in sanguine passeris immolati atque in aquis viventibus et asperget domum septies
Psaumes 51.7
⁵² purificabitque eam tam in sanguine passeris quam in aquis viventibus et in passere vivo lignoque cedrino et hysopo atque vermiculo
⁵³ cumque dimiserit passerem avolare in agrum libere orabit pro domo et iure mundabitur
Lévitique 14.20 Lévitique 14.7
⁵⁴ ista est lex omnis leprae et percussurae
Lévitique 14.32 Lévitique 6.14 Lévitique 13.30-13.31 Lévitique 7.37 Lévitique 7.1
⁵⁵ leprae vestium et domorum
Lévitique 13.47-13.59
⁵⁶ cicatricis et erumpentium papularum lucentis maculae et in varias species coloribus inmutatis
Lévitique 13.2
⁵⁷ ut possit sciri quo tempore mundum quid vel inmundum sit
Lévitique 10.10 Ezéchiel 44.23 Jérémie 15.19 Deutéronome 24.8