Ezéchiel 16.40
Septante

Jérusalem comparée à une prostituée

¹ καὶ ἐγένετο λόγος κυρίου πρός με λέγων.
² υἱὲ ἀνθρώπου διαμάρτυραι τῇ Ιερουσαλημ τὰς ἀνομίας αὐτῆς.
Ezéchiel 22.2 Ezéchiel 20.4 Esaïe 58.1 Ezéchiel 33.7-33.9 Ezéchiel 23.36
³ καὶ ἐρεῖς τάδε λέγει κύριος τῇ Ιερουσαλημ ἡ ῥίζα σου καὶ ἡ γένεσίς σου ἐκ γῆς Χανααν ὁ πατήρ σου Αμορραῖος καὶ ἡ μήτηρ σου Χετταία.
Ezéchiel 16.45 Ezéchiel 21.30 Genèse 15.16 2 Rois 21.11 1 Jean 3.10
⁴ καὶ ἡ γένεσίς σου ἐν ᾗ ἡμέρᾳ ἐτέχθης οὐκ ἔδησαν τοὺς μαστούς σου καὶ ἐν ὕδατι οὐκ ἐλούσθης οὐδὲ ἁλὶ ἡλίσθης καὶ σπαργάνοις οὐκ ἐσπαργανώθης.
Osée 2.3 Exode 5.16-5.21 Exode 1.11-1.14 Luc 2.7 Néhémie 9.7-9.9
⁵ οὐδὲ ἐφείσατο ὁ ὀφθαλμός μου ἐπὶ σοὶ τοῦ ποιῆσαί σοι ἓν ἐκ πάντων τούτων τοῦ παθεῖν τι ἐπὶ σοί καὶ ἀπερρίφης ἐπὶ πρόσωπον τοῦ πεδίου τῇ σκολιότητι τῆς ψυχῆς σου ἐν ᾗ ἡμέρᾳ ἐτέχθης.
Lamentations 2.11 Jérémie 9.21-9.22 Esaïe 49.15 Lamentations 4.3 Genèse 21.10
⁶ καὶ διῆλθον ἐπὶ σὲ καὶ εἶδόν σε πεφυρμένην ἐν τῷ αἵματί σου καὶ εἶπά σοι ἐκ τοῦ αἵματός σου ζωή.
Jean 5.25 Ephésiens 2.4-2.5 Tite 3.3-3.7 Apocalypse 14.20 Psaumes 105.10-105.15
⁷ πληθύνου καθὼς ἡ ἀνατολὴ τοῦ ἀγροῦ δέδωκά σε καὶ ἐπληθύνθης καὶ ἐμεγαλύνθης καὶ εἰσῆλθες εἰς πόλεις πόλεων οἱ μαστοί σου ἀνωρθώθησαν καὶ ἡ θρίξ σου ἀνέτειλεν σὺ δὲ ἦσθα γυμνὴ καὶ ἀσχημονοῦσα.
Exode 1.7 Deutéronome 1.10 Ezéchiel 16.22 Esaïe 62.3 Exode 12.37
⁸ καὶ διῆλθον διὰ σοῦ καὶ εἶδόν σε καὶ ἰδοὺ καιρός σου καιρὸς καταλυόντων καὶ διεπέτασα τὰς πτέρυγάς μου ἐπὶ σὲ καὶ ἐκάλυψα τὴν ἀσχημοσύνην σου καὶ ὤμοσά σοι καὶ εἰσῆλθον ἐν διαθήκῃ μετὰ σοῦ λέγει κύριος καὶ ἐγένου μοι.
Ruth 3.9 Romains 5.8 Exode 19.4-19.8 Esaïe 43.4 Jérémie 2.2-2.3
⁹ καὶ ἔλουσά σε ἐν ὕδατι καὶ ἀπέπλυνα τὸ αἷμά σου ἀπὸ σοῦ καὶ ἔχρισά σε ἐν ἐλαίῳ.
Ruth 3.3 Psaumes 23.5 1 Jean 2.20 Ezéchiel 16.4 Apocalypse 1.5-1.6
¹⁰ καὶ ἐνέδυσά σε ποικίλα καὶ ὑπέδησά σε ὑάκινθον καὶ ἔζωσά σε βύσσῳ καὶ περιέβαλόν σε τριχάπτῳ.
Ezéchiel 16.18 Ezéchiel 16.13 Ezéchiel 27.16 Esaïe 61.10 Exode 26.36
¹¹ καὶ ἐκόσμησά σε κόσμῳ καὶ περιέθηκα ψέλια περὶ τὰς χεῖράς σου καὶ κάθεμα περὶ τὸν τράχηλόν σου.
Genèse 24.22 Genèse 41.42 Genèse 24.47 Esaïe 3.19 Proverbes 1.9
¹² καὶ ἔδωκα ἐνώτιον περὶ τὸν μυκτῆρά σου καὶ τροχίσκους ἐπὶ τὰ ὦτά σου καὶ στέφανον καυχήσεως ἐπὶ τὴν κεφαλήν σου.
Esaïe 28.5 Jérémie 13.18 Esaïe 3.21
¹³ καὶ ἐκοσμήθης χρυσίῳ καὶ ἀργυρίῳ καὶ τὰ περιβόλαιά σου βύσσινα καὶ τρίχαπτα καὶ ποικίλα σεμίδαλιν καὶ ἔλαιον καὶ μέλι ἔφαγες καὶ ἐγένου καλὴ σφόδρα.
1 Rois 4.21 Psaumes 50.2 Deutéronome 32.13-32.14 Psaumes 48.2 Psaumes 45.13-45.14
¹⁴ καὶ ἐξῆλθέν σου ὄνομα ἐν τοῖς ἔθνεσιν ἐν τῷ κάλλει σου διότι συντετελεσμένον ἦν ἐν εὐπρεπείᾳ ἐν τῇ ὡραιότητι ᾗ ἔταξα ἐπὶ σέ λέγει κύριος.
Lamentations 2.15 1 Rois 10.24 Josué 9.6-9.9 Josué 2.9-2.11 1 Corinthiens 4.7
¹⁵ καὶ ἐπεποίθεις ἐν τῷ κάλλει σου καὶ ἐπόρνευσας ἐπὶ τῷ ὀνόματί σου καὶ ἐξέχεας τὴν πορνείαν σου ἐπὶ πάντα πάροδον ὃ οὐκ ἔσται.
Jérémie 2.20 Esaïe 57.8 Ezéchiel 16.25 Jérémie 7.4 Ezéchiel 23.3
¹⁶ καὶ ἔλαβες ἐκ τῶν ἱματίων σου καὶ ἐποίησας σεαυτῇ εἴδωλα ῥαπτὰ καὶ ἐξεπόρνευσας ἐπ’ αὐτά καὶ οὐ μὴ εἰσέλθῃς οὐδὲ μὴ γένηται.
2 Rois 23.7 2 Chroniques 28.24 Osée 2.8 Ezéchiel 7.20
¹⁷ καὶ ἔλαβες τὰ σκεύη τῆς καυχήσεώς σου ἐκ τοῦ χρυσίου μου καὶ ἐκ τοῦ ἀργυρίου μου ἐξ ὧν ἔδωκά σοι καὶ ἐποίησας σεαυτῇ εἰκόνας ἀρσενικὰς καὶ ἐξεπόρνευσας ἐν αὐταῖς.
Jérémie 3.9 Jérémie 2.27-2.28 Exode 32.1-32.4 Osée 10.1 Ezéchiel 7.19-7.20
¹⁸ καὶ ἔλαβες τὸν ἱματισμὸν τὸν ποικίλον σου καὶ περιέβαλες αὐτὰ καὶ τὸ ἔλαιόν μου καὶ τὸ θυμίαμά μου ἔθηκας πρὸ προσώπου αὐτῶν.
¹⁹ καὶ τοὺς ἄρτους μου οὓς ἔδωκά σοι σεμίδαλιν καὶ ἔλαιον καὶ μέλι ἐψώμισά σε καὶ ἔθηκας αὐτὰ πρὸ προσώπου αὐτῶν εἰς ὀσμὴν εὐωδίας καὶ ἐγένετο λέγει κύριος.
Ezéchiel 16.13 Genèse 8.21 Osée 2.8-2.13 Deutéronome 32.14-32.17
²⁰ καὶ ἔλαβες τοὺς υἱούς σου καὶ τὰς θυγατέρας σου ἃς ἐγέννησας καὶ ἔθυσας αὐτὰ αὐτοῖς εἰς ἀνάλωσιν ὡς μικρὰ ἐξεπόρνευσας.
Ezéchiel 23.37 Psaumes 106.37-106.38 Jérémie 7.31 Exode 13.2 Ezéchiel 20.31
²¹ καὶ ἔσφαξας τὰ τέκνα σου καὶ ἔδωκας αὐτὰ ἐν τῷ ἀποτροπιάζεσθαί σε ἐν αὐτοῖς.
2 Rois 17.17 Lévitique 18.21 Jérémie 19.5 2 Rois 23.10 Deutéronome 18.10
²² τοῦτο παρὰ πᾶσαν τὴν πορνείαν σου καὶ οὐκ ἐμνήσθης τὰς ἡμέρας τῆς νηπιότητός σου ὅτε ἦσθα γυμνὴ καὶ ἀσχημονοῦσα καὶ πεφυρμένη ἐν τῷ αἵματί σου ἔζησας.
Jérémie 2.2 Osée 11.1 Ezéchiel 16.43 Ezéchiel 16.3-16.7 Osée 2.3
²³ καὶ ἐγένετο μετὰ πάσας τὰς κακίας σου λέγει κύριος.
Ezéchiel 13.3 Matthieu 23.13-23.29 Matthieu 11.21 Jérémie 13.27 Ezéchiel 24.6
²⁴ καὶ ᾠκοδόμησας σεαυτῇ οἴκημα πορνικὸν καὶ ἐποίησας σεαυτῇ ἔκθεμα ἐν πάσῃ πλατείᾳ.
Ezéchiel 16.31 Psaumes 78.58 Esaïe 57.7 Ezéchiel 16.39 Jérémie 2.20
²⁵ καὶ ἐπ’ ἀρχῆς πάσης ὁδοῦ ᾠκοδόμησας τὰ πορνεῖά σου καὶ ἐλυμήνω τὸ κάλλος σου καὶ διήγαγες τὰ σκέλη σου παντὶ παρόδῳ καὶ ἐπλήθυνας τὴν πορνείαν σου.
Jérémie 3.2 Ezéchiel 16.31 Proverbes 9.14-9.15 Ezéchiel 23.9-23.10 Ezéchiel 23.32
²⁶ καὶ ἐξεπόρνευσας ἐπὶ τοὺς υἱοὺς Αἰγύπτου τοὺς ὁμοροῦντάς σοι τοὺς μεγαλοσάρκους καὶ πολλαχῶς ἐξεπόρνευσας τοῦ παροργίσαι με.
Ezéchiel 23.19-23.21 Ezéchiel 20.7-20.8 Deutéronome 29.16-29.17 Jérémie 7.18-7.19 Ezéchiel 23.3
²⁷ ἐὰν δὲ ἐκτείνω τὴν χεῖρά μου ἐπὶ σέ καὶ ἐξαρῶ τὰ νόμιμά σου καὶ παραδώσω σε εἰς ψυχὰς μισούντων σε θυγατέρας ἀλλοφύλων τὰς ἐκκλινούσας σε ἐκ τῆς ὁδοῦ σου ἧς ἠσέβησας.
Esaïe 9.12 Ezéchiel 16.57 Ezéchiel 16.37 Ezéchiel 23.28-23.29 Ezéchiel 16.47
²⁸ καὶ ἐξεπόρνευσας ἐπὶ τὰς θυγατέρας Ασσουρ καὶ οὐδ’ οὕτως ἐνεπλήσθης καὶ ἐξεπόρνευσας καὶ οὐκ ἐνεπίπλω.
2 Rois 16.7 Osée 10.6 Jérémie 2.36 Jérémie 2.18 2 Rois 16.10-16.18
²⁹ καὶ ἐπλήθυνας τὰς διαθήκας σου πρὸς γῆν Χαλδαίων καὶ οὐδὲ ἐν τούτοις ἐνεπλήσθης.
2 Rois 21.9 Ezéchiel 23.14-23.21 Juges 2.12-2.19 Ezéchiel 13.14-13.23
³⁰ τί διαθῶ τὴν θυγατέρα σου λέγει κύριος ἐν τῷ ποιῆσαί σε ταῦτα πάντα ἔργα γυναικὸς πόρνης καὶ ἐξεπόρνευσας τρισσῶς.
Jérémie 3.3 Jérémie 4.22 Esaïe 3.9 Proverbes 9.13 Esaïe 1.3
³¹ ἐν ταῖς θυγατράσιν σου τὸ πορνεῖόν σου ᾠκοδόμησας ἐπὶ πάσης ἀρχῆς ὁδοῦ καὶ τὴν βάσιν σου ἐποίησας ἐν πάσῃ πλατείᾳ καὶ ἐγένου ὡς πόρνη συνάγουσα μισθώματα.
Ezéchiel 16.33-16.34 Esaïe 52.3 Ezéchiel 16.39 Osée 12.11 Ezéchiel 16.24-16.25
³² ἡ γυνὴ ἡ μοιχωμένη ὁμοία σοι παρὰ τοῦ ἀνδρὸς αὐτῆς λαμβάνουσα μισθώματα.
Ezéchiel 23.45 Jérémie 3.1 Jérémie 3.20 Jérémie 3.8-3.9 Osée 2.2
³³ πᾶσι τοῖς ἐκπορνεύσασιν αὐτὴν προσεδίδου μισθώματα καὶ σὺ δέδωκας μισθώματα πᾶσι τοῖς ἐρασταῖς σου καὶ ἐφόρτιζες αὐτοὺς τοῦ ἔρχεσθαι πρὸς σὲ κυκλόθεν ἐν τῇ πορνείᾳ σου.
Osée 8.9-8.10 Esaïe 57.9 Deutéronome 23.17-23.18 Osée 2.12 Esaïe 30.6-30.7
³⁴ καὶ ἐγένετο ἐν σοὶ διεστραμμένον παρὰ τὰς γυναῖκας ἐν τῇ πορνείᾳ σου καὶ μετὰ σοῦ πεπορνεύκασιν ἐν τῷ προσδιδόναι σε μισθώματα καὶ σοὶ μισθώματα οὐκ ἐδόθη καὶ ἐγένετο ἐν σοὶ διεστραμμένα.
³⁵ διὰ τοῦτο πόρνη ἄκουε λόγον κυρίου.
Osée 4.1 Osée 2.5 Esaïe 1.10 Jean 4.10 Esaïe 23.15-23.16
³⁶ τάδε λέγει κύριος ἀνθ’ ὧν ἐξέχεας τὸν χαλκόν σου καὶ ἀποκαλυφθήσεται ἡ αἰσχύνη σου ἐν τῇ πορνείᾳ σου πρὸς τοὺς ἐραστάς σου καὶ εἰς πάντα τὰ ἐνθυμήματα τῶν ἀνομιῶν σου καὶ ἐν τοῖς αἵμασιν τῶν τέκνων σου ὧν ἔδωκας αὐτοῖς.
Ezéchiel 23.10 Ezéchiel 36.25 Ezéchiel 22.15 Jérémie 19.5 Ezéchiel 23.8
³⁷ διὰ τοῦτο ἰδοὺ ἐγὼ ἐπὶ σὲ συνάγω πάντας τοὺς ἐραστάς σου ἐν οἷς ἐπεμίγης ἐν αὐτοῖς καὶ πάντας οὓς ἠγάπησας σὺν πᾶσιν οἷς ἐμίσεις καὶ συνάξω αὐτοὺς ἐπὶ σὲ κυκλόθεν καὶ ἀποκαλύψω τὰς κακίας σου πρὸς αὐτούς καὶ ὄψονται πᾶσαν τὴν αἰσχύνην σου.
Jérémie 13.22 Osée 2.10 Nahum 3.5-3.6 Lamentations 1.8 Osée 8.10
³⁸ καὶ ἐκδικήσω σε ἐκδικήσει μοιχαλίδος καὶ ἐκχεούσης αἷμα καὶ θήσω σε ἐν αἵματι θυμοῦ καὶ ζήλου.
Lévitique 20.10 Jérémie 18.21 Genèse 9.6 Sophonie 1.17 Ezéchiel 16.36
³⁹ καὶ παραδώσω σε εἰς χεῖρας αὐτῶν καὶ κατασκάψουσιν τὸ πορνεῖόν σου καὶ καθελοῦσιν τὴν βάσιν σου καὶ ἐκδύσουσίν σε τὸν ἱματισμόν σου καὶ λήμψονται τὰ σκεύη τῆς καυχήσεώς σου καὶ ἀφήσουσίν σε γυμνὴν καὶ ἀσχημονοῦσαν.
Osée 2.3 Ezéchiel 23.26 Ezéchiel 16.24-16.25 Esaïe 3.16-3.24 Osée 2.9-2.13
⁴⁰ καὶ ἄξουσιν ἐπὶ σὲ ὄχλους καὶ λιθοβολήσουσίν σε ἐν λίθοις καὶ κατασφάξουσίν σε ἐν τοῖς ξίφεσιν αὐτῶν.
Ezéchiel 23.47 Habakuk 1.6-1.10 Ezéchiel 24.21 Jean 8.5-8.7 Jérémie 25.9
⁴¹ καὶ ἐμπρήσουσιν τοὺς οἴκους σου πυρὶ καὶ ποιήσουσιν ἐν σοὶ ἐκδικήσεις ἐνώπιον γυναικῶν πολλῶν καὶ ἀποστρέψω σε ἐκ τῆς πορνείας σου καὶ μισθώματα οὐ μὴ δῷς οὐκέτι.
Ezéchiel 23.48 Ezéchiel 23.27 Jérémie 52.13 Jérémie 39.8 2 Rois 25.9
⁴² καὶ ἐπαφήσω τὸν θυμόν μου ἐπὶ σέ καὶ ἐξαρθήσεται ὁ ζῆλός μου ἐκ σοῦ καὶ ἀναπαύσομαι καὶ οὐ μὴ μεριμνήσω οὐκέτι.
Ezéchiel 5.13 Ezéchiel 39.29 Esaïe 54.9-54.10 Ezéchiel 21.17 Esaïe 40.1-40.2
⁴³ ἀνθ’ ὧν οὐκ ἐμνήσθης τὴν ἡμέραν τῆς νηπιότητός σου καὶ ἐλύπεις με ἐν πᾶσι τούτοις καὶ ἐγὼ ἰδοὺ τὰς ὁδούς σου εἰς κεφαλήν σου δέδωκα λέγει κύριος καὶ οὕτως ἐποίησας τὴν ἀσέβειαν ἐπὶ πάσαις ταῖς ἀνομίαις σου.
Ezéchiel 16.22 Ezéchiel 22.31 Psaumes 78.42 Ezéchiel 11.21 Esaïe 63.10
⁴⁴ ταῦτά ἐστιν πάντα ὅσα εἶπαν κατὰ σοῦ ἐν παραβολῇ λέγοντες καθὼς ἡ μήτηρ καὶ ἡ θυγάτηρ.
Ezéchiel 18.2-18.3 1 Samuel 24.13 1 Rois 21.16 Psaumes 106.35-106.38 2 Rois 21.9
⁴⁵ θυγάτηρ τῆς μητρός σου σὺ εἶ ἡ ἀπωσαμένη τὸν ἄνδρα αὐτῆς καὶ τὰ τέκνα αὐτῆς καὶ ἀδελφὴ τῶν ἀδελφῶν σου τῶν ἀπωσαμένων τοὺς ἄνδρας αὐτῶν καὶ τὰ τέκνα αὐτῶν ἡ μήτηρ ὑμῶν Χετταία καὶ ὁ πατὴρ ὑμῶν Αμορραῖος.
Zacharie 11.8 Ezéchiel 23.37-23.39 Esaïe 1.4 Ezéchiel 16.8 Ezéchiel 23.2
⁴⁶ ἡ ἀδελφὴ ὑμῶν ἡ πρεσβυτέρα Σαμάρεια αὐτὴ καὶ αἱ θυγατέρες αὐτῆς ἡ κατοικοῦσα ἐξ εὐωνύμων σου καὶ ἡ ἀδελφή σου ἡ νεωτέρα σου ἡ κατοικοῦσα ἐκ δεξιῶν σου Σοδομα καὶ αἱ θυγατέρες αὐτῆς.
Ezéchiel 23.4 Ezéchiel 16.53-16.56 Ezéchiel 16.51 Jérémie 3.8-3.11 Ezéchiel 16.48-16.49
⁴⁷ καὶ οὐδ’ ὧς ἐν ταῖς ὁδοῖς αὐτῶν ἐπορεύθης οὐδὲ κατὰ τὰς ἀνομίας αὐτῶν ἐποίησας παρὰ μικρὸν καὶ ὑπέρκεισαι αὐτὰς ἐν πάσαις ταῖς ὁδοῖς σου.
2 Rois 21.9 Ezéchiel 5.6-5.7 Ezéchiel 16.51 Ezéchiel 16.48 1 Rois 16.31
⁴⁸ ζῶ ἐγώ λέγει κύριος εἰ πεποίηκεν Σοδομα ἡ ἀδελφή σου αὐτὴ καὶ αἱ θυγατέρες αὐτῆς ὃν τρόπον ἐποίησας σὺ καὶ αἱ θυγατέρες σου.
Matthieu 10.15 Marc 6.11 Actes 7.52 Matthieu 11.23-11.24 Luc 10.12
⁴⁹ πλὴν τοῦτο τὸ ἀνόμημα Σοδομων τῆς ἀδελφῆς σου ὑπερηφανία ἐν πλησμονῇ ἄρτων καὶ ἐν εὐθηνίᾳ οἴνου ἐσπατάλων αὐτὴ καὶ αἱ θυγατέρες αὐτῆς τοῦτο ὑπῆρχεν αὐτῇ καὶ ταῖς θυγατράσιν αὐτῆς καὶ χεῖρα πτωχοῦ καὶ πένητος οὐκ ἀντελαμβάνοντο.
Psaumes 138.6 Genèse 13.10 Ezéchiel 28.17 Ezéchiel 28.2 Genèse 19.9
⁵⁰ καὶ ἐμεγαλαύχουν καὶ ἐποίησαν ἀνομήματα ἐνώπιόν μου καὶ ἐξῆρα αὐτάς καθὼς εἶδον.
Genèse 13.13 Genèse 19.5 Genèse 18.20 Genèse 19.24 Deutéronome 29.23
⁵¹ καὶ Σαμάρεια κατὰ τὰς ἡμίσεις τῶν ἁμαρτιῶν σου οὐχ ἥμαρτεν καὶ ἐπλήθυνας τὰς ἀνομίας σου ὑπὲρ αὐτὰς καὶ ἐδικαίωσας τὰς ἀδελφάς σου ἐν πάσαις ταῖς ἀνομίαις σου αἷς ἐποίησας.
Jérémie 3.8-3.11 Romains 3.9-3.20 Luc 12.47-12.48 Matthieu 12.41-12.42
⁵² καὶ σὺ κόμισαι βάσανόν σου ἐν ᾗ ἔφθειρας τὰς ἀδελφάς σου ἐν ταῖς ἁμαρτίαις σου αἷς ἠνόμησας ὑπὲρ αὐτὰς καὶ ἐδικαίωσας αὐτὰς ὑπὲρ σεαυτήν καὶ σὺ αἰσχύνθητι καὶ λαβὲ τὴν ἀτιμίαν σου ἐν τῷ δικαιῶσαί σε τὰς ἀδελφάς σου.
Matthieu 7.1-7.5 Romains 2.10 Romains 6.21 Jérémie 31.19 Romains 2.26-2.27
⁵³ καὶ ἀποστρέψω τὰς ἀποστροφὰς αὐτῶν τὴν ἀποστροφὴν Σοδομων καὶ τῶν θυγατέρων αὐτῆς καὶ ἀποστρέψω τὴν ἀποστροφὴν Σαμαρείας καὶ τῶν θυγατέρων αὐτῆς καὶ ἀποστρέψω τὴν ἀποστροφήν σου ἐν μέσῳ αὐτῶν.
Ezéchiel 39.25 Esaïe 19.24-19.25 Ezéchiel 29.14 Jérémie 31.23 Job 42.10
⁵⁴ ὅπως κομίσῃ τὴν βάσανόν σου καὶ ἀτιμωθήσῃ ἐκ πάντων ὧν ἐποίησας ἐν τῷ σε παροργίσαι με.
Jérémie 2.26 Ezéchiel 14.22-14.23 Ezéchiel 16.52 Ezéchiel 36.31-36.32 Ezéchiel 16.63
⁵⁵ καὶ ἡ ἀδελφή σου Σοδομα καὶ αἱ θυγατέρες αὐτῆς ἀποκατασταθήσονται καθὼς ἦσαν ἀπ’ ἀρχῆς καὶ Σαμάρεια καὶ αἱ θυγατέρες αὐτῆς ἀποκατασταθήσονται καθὼς ἦσαν ἀπ’ ἀρχῆς καὶ σὺ καὶ αἱ θυγατέρες σου ἀποκατασταθήσεσθε καθὼς ἀπ’ ἀρχῆς ἦτε.
Malachie 3.4 Ezéchiel 36.11 Ezéchiel 16.53
⁵⁶ καὶ εἰ μὴ ἦν Σοδομα ἡ ἀδελφή σου εἰς ἀκοὴν ἐν τῷ στόματί σου ἐν ταῖς ἡμέραις ὑπερηφανίας σου.
Luc 15.28-15.30 Esaïe 65.5 Luc 18.11 Sophonie 3.11
⁵⁷ πρὸ τοῦ ἀποκαλυφθῆναι τὰς κακίας σου ὃν τρόπον νῦν ὄνειδος εἶ θυγατέρων Συρίας καὶ πάντων τῶν κύκλῳ αὐτῆς θυγατέρων ἀλλοφύλων τῶν περιεχουσῶν σε κύκλῳ.
2 Rois 16.5-16.7 2 Chroniques 28.5-28.6 2 Chroniques 28.18-28.23 Ezéchiel 16.36-16.37 Esaïe 7.1
⁵⁸ τὰς ἀσεβείας σου καὶ τὰς ἀνομίας σου σὺ κεκόμισαι αὐτάς λέγει κύριος.
Ezéchiel 23.49 Genèse 4.13 Lamentations 5.7
⁵⁹ τάδε λέγει κύριος καὶ ποιήσω ἐν σοὶ καθὼς ἐποίησας ὡς ἠτίμωσας ταῦτα τοῦ παραβῆναι τὴν διαθήκην μου.
Ezéchiel 17.19 Esaïe 24.5 2 Chroniques 34.31-34.32 Matthieu 7.1-7.2 Esaïe 3.11
⁶⁰ καὶ μνησθήσομαι ἐγὼ τῆς διαθήκης μου τῆς μετὰ σοῦ ἐν ἡμέραις νηπιότητός σου καὶ ἀναστήσω σοι διαθήκην αἰώνιον.
Psaumes 106.45 Esaïe 55.3 Jérémie 50.5 Lévitique 26.42 Jérémie 32.38-32.41
⁶¹ καὶ μνησθήσῃ τὴν ὁδόν σου καὶ ἐξατιμωθήσῃ ἐν τῷ ἀναλαβεῖν σε τὰς ἀδελφάς σου τὰς πρεσβυτέρας σου σὺν ταῖς νεωτέραις σου καὶ δώσω αὐτάς σοι εἰς οἰκοδομὴν καὶ οὐκ ἐκ διαθήκης σου.
Hébreux 8.13 Galates 4.26-4.31 Jérémie 50.4-50.5 Jérémie 31.18-31.20 Romains 15.16
⁶² καὶ ἀναστήσω ἐγὼ τὴν διαθήκην μου μετὰ σοῦ καὶ ἐπιγνώσῃ ὅτι ἐγὼ κύριος.
Jérémie 24.7 Ezéchiel 6.7 Osée 2.18-2.23 Ezéchiel 20.37 Ezéchiel 39.22
⁶³ ὅπως μνησθῇς καὶ αἰσχυνθῇς καὶ μὴ ᾖ σοι ἔτι ἀνοῖξαι τὸ στόμα σου ἀπὸ προσώπου τῆς ἀτιμίας σου ἐν τῷ ἐξιλάσκεσθαί μέ σοι κατὰ πάντα ὅσα ἐποίησας λέγει κύριος.
Romains 3.19 Psaumes 39.9 Daniel 9.7-9.8 Ezéchiel 36.31-36.32 Psaumes 65.3