Marc 6
Vulgate

Jésus rejeté à Nazareth

1 et egressus inde abiit in patriam suam et sequebantur illum discipuli sui
Luc 4.16-4.30 Matthieu 13.54-13.58 Matthieu 2.23 Matthieu 13.4
2 et facto sabbato coepit in synagoga docere et multi audientes admirabantur in doctrina eius dicentes unde huic haec omnia et quae est sapientia quae data est illi et virtutes tales quae per manus eius efficiuntur
Matthieu 4.23 Matthieu 7.28 Marc 1.39 Marc 1.21-1.22 Luc 4.31-4.32
3 nonne iste est faber filius Mariae frater Iacobi et Ioseph et Iudae et Simonis nonne et sorores eius hic nobiscum sunt et scandalizabantur in illo
Matthieu 12.46 Matthieu 11.6 Jean 6.42 Marc 15.40 Galates 1.19
4 et dicebat eis Iesus quia non est propheta sine honore nisi in patria sua et in cognatione sua et in domo sua
Jean 4.44 Luc 4.24 Matthieu 13.57 Jérémie 12.6 Jérémie 11.21
5 et non poterat ibi virtutem ullam facere nisi paucos infirmos inpositis manibus curavit
Marc 9.23 Marc 5.23 Genèse 19.22 Matthieu 13.58 Esaïe 59.1-59.2
6 et mirabatur propter incredulitatem eorum
Matthieu 9.35 Luc 13.22 Matthieu 8.10 Marc 1.39 Matthieu 4.23

Mission des douze apôtres

7 et circumibat castella in circuitu docens et convocavit duodecim et coepit eos mittere binos et dabat illis potestatem spirituum inmundorum
Marc 3.13-3.14 Luc 10.17-10.20 Matthieu 10.9-10.14 Ecclésiaste 4.9-4.10 Luc 10.3-10.12
8 et praecepit eis ne quid tollerent in via nisi virgam tantum non peram non panem neque in zona aes
Luc 10.4 Luc 9.3 Luc 22.35 Matthieu 10.9-10.10
9 sed calciatos sandaliis et ne induerentur duabus tunicis
Actes 12.8 Ephésiens 6.15
10 et dicebat eis quocumque introieritis in domum illic manete donec exeatis inde
Actes 17.5-17.7 Luc 9.4 Actes 16.15 Luc 10.7-10.8 Matthieu 10.11-10.13
11 et quicumque non receperint vos nec audierint vos exeuntes inde excutite pulverem de pedibus vestris in testimonium illis
Néhémie 5.13 Actes 18.6 Luc 10.10-10.15 Matthieu 10.14-10.15 Actes 13.50-13.51
12 et exeuntes praedicabant ut paenitentiam agerent
Matthieu 4.17 Actes 2.38 Ezéchiel 18.30 Matthieu 3.2 Actes 20.21
13 et daemonia multa eiciebant et unguebant oleo multos aegrotos et sanabant
Jacques 5.14-5.15 Luc 10.17 Marc 6.7

Exécution de Jean-Baptiste

14 et audivit Herodes rex manifestum enim factum est nomen eius et dicebat quia Iohannes Baptista resurrexit a mortuis et propterea inoperantur virtutes in illo
Luc 9.7-9.9 Marc 6.14-6.29 Marc 1.28 Marc 8.28 Matthieu 14.1-14.12
15 alii autem dicebant quia Helias est alii vero dicebant propheta est quasi unus ex prophetis
Matthieu 21.11 Matthieu 16.14 Marc 8.28 Malachie 4.5 Marc 15.35-15.36
16 quo audito Herodes ait quem ego decollavi Iohannem hic a mortuis resurrexit
Luc 9.9 Matthieu 27.4 Genèse 40.10-40.11 Apocalypse 11.10-11.13 Psaumes 53.5
17 ipse enim Herodes misit ac tenuit Iohannem et vinxit eum in carcere propter Herodiadem uxorem Philippi fratris sui quia duxerat eam
Luc 3.19-3.20 Matthieu 11.2 Matthieu 4.12 Matthieu 14.3-14.12 Luc 3.1
18 dicebat enim Iohannes Herodi non licet tibi habere uxorem fratris tui
Lévitique 20.21 Lévitique 18.16 Actes 20.26-20.27 Actes 24.24-24.26 Matthieu 14.3-14.4
19 Herodias autem insidiabatur illi et volebat occidere eum nec poterat
1 Rois 21.20 Ephésiens 4.26-4.27 Ecclésiaste 7.9 Genèse 39.17-39.20
20 Herodes enim metuebat Iohannem sciens eum virum iustum et sanctum et custodiebat eum et audito eo multa faciebat et libenter eum audiebat
Matthieu 21.26 Matthieu 14.5 Marc 4.16 Daniel 5.17 Psaumes 106.12-106.13
21 et cum dies oportunus accidisset Herodes natalis sui cenam fecit principibus et tribunis et primis Galilaeae
Esther 2.18 Genèse 40.20 Apocalypse 11.10 Genèse 27.41 Esther 1.3-1.7
22 cumque introisset filia ipsius Herodiadis et saltasset et placuisset Herodi simulque recumbentibus rex ait puellae pete a me quod vis et dabo tibi
Esaïe 3.16-3.26 Daniel 5.2 Esther 1.10-1.12 Matthieu 14.6
23 et iuravit illi quia quicquid petieris dabo tibi licet dimidium regni mei
Esther 7.2 Esther 5.3 Esther 5.6 Matthieu 4.9 Matthieu 5.34-5.37
24 quae cum exisset dixit matri suae quid petam et illa dixit caput Iohannis Baptistae
2 Chroniques 22.3-22.4 Actes 23.12-23.13 Ezéchiel 19.2-19.3 Psaumes 37.12 Job 31.31
25 cumque introisset statim cum festinatione ad regem petivit dicens volo ut protinus des mihi in disco caput Iohannis Baptistae
Nombres 7.13 Proverbes 1.16 Nombres 7.19-7.89 Romains 3.15
26 et contristatus rex propter iusiurandum et propter simul recumbentes noluit eam contristare
Matthieu 27.24-27.25 Matthieu 27.3-27.5 Matthieu 14.9
27 sed misso speculatore praecepit adferri caput eius in disco et decollavit eum in carcere
Matthieu 14.10-14.11
28 et adtulit caput eius in disco et dedit illud puellae et puella dedit matri suae
29 quo audito discipuli eius venerunt et tulerunt corpus eius et posuerunt illud in monumento
1 Rois 13.29-13.30 Matthieu 14.12 Actes 8.2 2 Chroniques 24.16 Matthieu 27.57-27.60

Multiplication des pains pour cinq mille hommes

30 et convenientes apostoli ad Iesum renuntiaverunt illi omnia quae egerant et docuerant
Luc 9.10 Matthieu 10.2 Marc 6.7-6.13 Luc 17.5 Luc 24.10
31 et ait illis venite seorsum in desertum locum et requiescite pusillum erant enim qui veniebant et rediebant multi et nec manducandi spatium habebant
Marc 3.20 Marc 1.45 Marc 3.7 Matthieu 14.13 Jean 6.1
32 et ascendentes in navi abierunt in desertum locum seorsum
Marc 4.36 Luc 9.10-9.17 Matthieu 14.13-14.21 Jean 6.5-6.13 Marc 6.45
33 et viderunt eos abeuntes et cognoverunt multi et pedestre et de omnibus civitatibus concurrerunt illuc et praevenerunt eos
Jacques 1.19 Jean 6.2 Matthieu 15.29-15.31 Marc 6.54-6.55
34 et exiens vidit multam turbam Iesus et misertus est super eos quia erant sicut oves non habentes pastorem et coepit docere illos multa
Matthieu 9.36 1 Rois 22.17 Nombres 27.17 Zacharie 10.2 2 Chroniques 18.16
35 et cum iam hora multa fieret accesserunt discipuli eius dicentes desertus est locus hic et iam hora praeterivit
Luc 9.12-9.17 Jean 6.5-6.15 Matthieu 14.15-14.21
36 dimitte illos ut euntes in proximas villas et vicos emant sibi cibos quos manducent
Matthieu 15.23 Matthieu 16.22 Marc 3.21 Marc 5.31
37 et respondens ait illis date illis manducare et dixerunt ei euntes emamus denariis ducentis panes et dabimus eis manducare
2 Rois 4.42-4.44 Nombres 11.13 Nombres 11.21-11.23 Matthieu 14.16 Jean 6.4-6.10
38 et dicit eis quot panes habetis ite et videte et cum cognovissent dicunt quinque et duos pisces
Matthieu 15.34 Marc 8.5 Matthieu 14.17-14.18 Jean 6.9 Luc 9.13
39 et praecepit illis ut accumbere facerent omnes secundum contubernia super viride faenum
1 Rois 10.5 Esther 1.5-1.6 1 Corinthiens 14.40 Matthieu 15.35 1 Corinthiens 14.33
40 et discubuerunt in partes per centenos et per quinquagenos
Luc 9.14-9.15
41 et acceptis quinque panibus et duobus piscibus intuens in caelum benedixit et fregit panes et dedit discipulis suis ut ponerent ante eos et duos pisces divisit omnibus
Matthieu 14.19 Marc 7.34 1 Samuel 9.13 Luc 24.30 Jean 17.1
42 et manducaverunt omnes et saturati sunt
Matthieu 15.37-15.38 Luc 9.17 Marc 8.8-8.9 Jean 6.12 Psaumes 145.15-145.16
43 et sustulerunt reliquias fragmentorum duodecim cofinos plenos et de piscibus
Marc 8.19-8.20
44 erant autem qui manducaverunt quinque milia virorum
45 et statim coegit discipulos suos ascendere navem ut praecederent eum trans fretum ad Bethsaidam dum ipse dimitteret populum
Jean 6.15-6.21 Matthieu 14.22-14.33 Marc 8.22 Marc 6.32 Matthieu 11.21
46 et cum dimisisset eos abiit in montem orare
Marc 1.35 Matthieu 6.6 Luc 6.12 Matthieu 14.23 1 Pierre 2.21
47 et cum sero esset erat navis in medio mari et ipse solus in terra
Matthieu 14.23 Jean 6.16-6.17
48 et videns eos laborantes in remigando erat enim ventus contrarius eis et circa quartam vigiliam noctis venit ad eos ambulans super mare et volebat praeterire eos
Luc 12.38 Luc 24.28 Matthieu 14.24 Exode 14.24 Esaïe 54.11
49 at illi ut viderunt eum ambulantem super mare putaverunt fantasma esse et exclamaverunt
Matthieu 14.25-14.26 Luc 24.37 Job 9.8 Job 4.14-4.16
50 omnes enim eum viderunt et conturbati sunt et statim locutus est cum eis et dixit illis confidite ego sum nolite timere
Matthieu 14.27 Esaïe 43.2 Luc 24.38-24.41 Jean 20.19-20.20 Jean 6.19-6.20
51 et ascendit ad illos in navem et cessavit ventus et plus magis intra se stupebant
Marc 4.39 Jean 6.21 Matthieu 8.26-8.27 Marc 4.41 Marc 5.42
52 non enim intellexerant de panibus erat enim cor illorum obcaecatum
Marc 8.17-8.21 Marc 3.5 Esaïe 63.17 Luc 24.25 Matthieu 16.9-16.11
53 et cum transfretassent pervenerunt in terram Gennesareth et adplicuerunt
Jean 6.24-6.25 Matthieu 14.34-14.36 Luc 5.1
54 cumque egressi essent de navi continuo cognoverunt eum
Psaumes 9.10 Philippiens 3.10
55 et percurrentes universam regionem illam coeperunt in grabattis eos qui se male habebant circumferre ubi audiebant eum esse
Matthieu 4.24 Marc 3.7-3.11 Marc 2.1-2.3
56 et quocumque introibat in vicos vel in villas aut civitates in plateis ponebant infirmos et deprecabantur eum ut vel fimbriam vestimenti eius tangerent et quotquot tangebant eum salvi fiebant
Matthieu 9.20 Marc 3.10 Nombres 15.38-15.39 Luc 6.19 Actes 5.15