Luc 23
Vulgate

Jésus devant le gouverneur romain et le roi Hérode

1 et surgens omnis multitudo eorum duxerunt illum ad Pilatum
Luc 22.66 Marc 15.1-15.5 Matthieu 27.1-27.2 Matthieu 27.11-27.14 Jean 18.28-18.38
2 coeperunt autem accusare illum dicentes hunc invenimus subvertentem gentem nostram et prohibentem tributa dari Caesari et dicentem se Christum regem esse
Jean 19.12 Actes 17.6-17.7 Luc 23.14 Marc 15.3-15.5 Zacharie 11.8
3 Pilatus autem interrogavit eum dicens tu es rex Iudaeorum at ille respondens ait tu dicis
1 Timothée 6.13 Marc 15.2 Luc 22.70 Jean 1.49 Jean 19.3
4 ait autem Pilatus ad principes sacerdotum et turbas nihil invenio causae in hoc homine
Jean 18.38 Luc 23.22 1 Pierre 2.22 Marc 15.14 Luc 23.14-23.15
5 at illi invalescebant dicentes commovet populum docens per universam Iudaeam et incipiens a Galilaea usque huc
Marc 1.14 Jean 2.11 Matthieu 4.23 Jean 1.43 Actes 23.10
6 Pilatus autem audiens Galilaeam interrogavit si homo Galilaeus esset
Actes 5.37 Luc 13.1
7 et ut cognovit quod de Herodis potestate esset remisit eum ad Herodem qui et ipse Hierosolymis erat illis diebus
Luc 3.1 Luc 13.31 Matthieu 14.1
8 Herodes autem viso Iesu gavisus est valde erat enim cupiens ex multo tempore videre eum eo quod audiret multa de illo et sperabat signum aliquod videre ab eo fieri
Marc 6.14 Matthieu 14.1 Actes 8.19 Luc 9.7-9.9 2 Rois 5.11
9 interrogabat autem illum multis sermonibus at ipse nihil illi respondebat
Matthieu 27.14 Matthieu 7.6 Psaumes 39.1-39.2 Actes 8.32 Psaumes 38.13-38.14
10 stabant etiam principes sacerdotum et scribae constanter accusantes eum
Luc 23.2 Luc 11.53 Actes 24.5 Luc 23.14-23.15 Luc 23.5
11 sprevit autem illum Herodes cum exercitu suo et inlusit indutum veste alba et remisit ad Pilatum
Marc 9.12 Jean 19.5 Esaïe 53.3 Psaumes 69.19-69.20 Matthieu 27.27-27.30
12 et facti sunt amici Herodes et Pilatus in ipsa die nam antea inimici erant ad invicem
Actes 4.27 Matthieu 16.1 Psaumes 83.4-83.6 Apocalypse 17.13-17.14
13 Pilatus autem convocatis principibus sacerdotum et magistratibus et plebe
Jean 18.38 Matthieu 27.21-27.23 Jean 19.4 Marc 15.14
14 dixit ad illos obtulistis mihi hunc hominem quasi avertentem populum et ecce ego coram vobis interrogans nullam causam inveni in homine isto ex his in quibus eum accusatis
Luc 23.4-23.5 Luc 23.1-23.2 Matthieu 27.19 Matthieu 27.54 Hébreux 7.26
15 sed neque Herodes nam remisi vos ad illum et ecce nihil dignum morte actum est ei
16 emendatum ergo illum dimittam
Matthieu 27.26 Luc 23.22 Marc 15.15 Actes 16.37 Actes 5.40-5.41
17 necesse autem habebat dimittere eis per diem festum unum
18 exclamavit autem simul universa turba dicens tolle hunc et dimitte nobis Barabban
Actes 21.36 Actes 22.22 Actes 3.14 Jean 18.39-18.40 Jean 19.15-19.16
19 qui erat propter seditionem quandam factam in civitate et homicidium missus in carcerem
Actes 3.14 Luc 23.5 Luc 23.2
20 iterum autem Pilatus locutus est ad illos volens dimittere Iesum
Matthieu 14.8-14.9 Matthieu 27.19 Marc 15.15 Jean 19.12
21 at illi succlamabant dicentes crucifige crucifige illum
Jean 19.15 Matthieu 27.22-27.25 Marc 15.13 Luc 23.23
22 ille autem tertio dixit ad illos quid enim mali fecit iste nullam causam mortis invenio in eo corripiam ergo illum et dimittam
Luc 23.14 Luc 23.16 Luc 23.20 1 Pierre 1.19 1 Pierre 3.18
23 at illi instabant vocibus magnis postulantes ut crucifigeretur et invalescebant voces eorum
Psaumes 57.4 Psaumes 22.12-22.13 Luc 23.5 Zacharie 11.8
24 et Pilatus adiudicavit fieri petitionem eorum
Exode 23.2 Proverbes 17.15 Matthieu 27.26 Marc 15.15 Jean 19.1
25 dimisit autem illis eum qui propter homicidium et seditionem missus fuerat in carcerem quem petebant Iesum vero tradidit voluntati eorum
Marc 15.6-15.7 Luc 23.2 Jean 18.40 1 Samuel 12.13 Matthieu 27.26

Crucifixion et mort de Jésus

26 et cum ducerent eum adprehenderunt Simonem quendam Cyrenensem venientem de villa et inposuerunt illi crucem portare post Iesum
Actes 6.9 Actes 2.10 Actes 6.6 Jean 19.16-19.17 Luc 14.27
27 sequebatur autem illum multa turba populi et mulierum quae plangebant et lamentabant eum
Luc 8.52 Marc 15.40 Luc 8.2 Luc 23.55 Matthieu 27.55
28 conversus autem ad illas Iesus dixit filiae Hierusalem nolite flere super me sed super vos ipsas flete et super filios vestros
Cantique 3.10 Cantique 3.5 Cantique 5.16 Cantique 1.5 Cantique 2.7
29 quoniam ecce venient dies in quibus dicent beatae steriles et ventres qui non genuerunt et ubera quae non lactaverunt
Matthieu 24.19 Osée 13.16 Deutéronome 28.53-28.57 Marc 13.17-13.19 Luc 21.23-21.24
30 tunc incipient dicere montibus cadite super nos et collibus operite nos
Esaïe 2.19 Osée 10.8 Apocalypse 6.16 Apocalypse 9.6
31 quia si in viridi ligno haec faciunt in arido quid fiet
Jean 15.6 Matthieu 3.12 Jérémie 25.29 Ezéchiel 15.2-15.7 Proverbes 11.31
32 ducebantur autem et alii duo nequam cum eo ut interficerentur
Marc 15.27 Matthieu 27.38 Jean 19.18 Esaïe 53.12 Hébreux 12.2
33 et postquam venerunt in locum qui vocatur Calvariae ibi crucifixerunt eum et latrones unum a dextris et alterum a sinistris
Marc 15.22-15.23 Matthieu 27.33-27.34 Jean 19.17-19.18 Actes 2.23 Matthieu 20.19
34 Iesus autem dicebat Pater dimitte illis non enim sciunt quid faciunt dividentes vero vestimenta eius miserunt sortes
Matthieu 5.44 Psaumes 22.18 1 Pierre 3.9 1 Pierre 2.20-2.23 1 Corinthiens 2.8
35 et stabat populus expectans et deridebant illum principes cum eis dicentes alios salvos fecit se salvum faciat si hic est Christus Dei electus
Psaumes 22.17 Esaïe 42.1 Luc 16.14 1 Pierre 2.4 Matthieu 12.18
36 inludebant autem ei et milites accedentes et acetum offerentes illi
Matthieu 27.48 Psaumes 69.21 Marc 15.36 Matthieu 27.34 Matthieu 27.29-27.30
37 dicentes si tu es rex Iudaeorum salvum te fac
38 erat autem et superscriptio inscripta super illum litteris graecis et latinis et hebraicis hic est rex Iudaeorum
Marc 15.26 Matthieu 27.37 Marc 15.32 Marc 15.18 Luc 23.3
39 unus autem de his qui pendebant latronibus blasphemabat eum dicens si tu es Christus salvum fac temet ipsum et nos
Matthieu 27.44 Marc 15.32 Luc 23.37 Luc 23.35 Luc 17.34-17.35
40 respondens autem alter increpabat illum dicens neque tu times Deum quod in eadem damnatione es
Apocalypse 15.4 2 Chroniques 28.22 Jérémie 5.3 Luc 12.5 Ephésiens 5.11
41 et nos quidem iuste nam digna factis recipimus hic vero nihil mali gessit
Esdras 9.13 Matthieu 27.54 Josué 7.19-7.20 Matthieu 27.19 Luc 15.18-15.19
42 et dicebat ad Iesum Domine memento mei cum veneris in regnum tuum
Romains 10.9-10.14 Actes 16.31 Esaïe 9.6-9.7 Actes 20.21 1 Jean 5.1
43 et dixit illi Iesus amen dico tibi hodie mecum eris in paradiso
Apocalypse 2.7 Philippiens 1.23 Luc 19.10 1 Timothée 1.15-1.16 Hébreux 7.25
44 erat autem fere hora sexta et tenebrae factae sunt in universa terra usque in nonam horam
Amos 8.9 Matthieu 27.45 Actes 2.20 Exode 10.21-10.23 Joël 2.31
45 et obscuratus est sol et velum templi scissum est medium
Matthieu 27.51 2 Chroniques 3.14 Marc 15.38 Exode 26.31-26.33 Hébreux 9.3-9.8
46 et clamans voce magna Iesus ait Pater in manus tuas commendo spiritum meum et haec dicens exspiravit
Psaumes 31.5 Jean 19.30 Actes 7.59 1 Pierre 2.23 Marc 15.34-15.41
47 videns autem centurio quod factum fuerat glorificavit Deum dicens vere hic homo iustus erat
Marc 15.39 Matthieu 27.54 Luc 23.41
48 et omnis turba eorum qui simul aderant ad spectaculum istud et videbant quae fiebant percutientes pectora sua revertebantur
Luc 18.13 Jérémie 31.19 Actes 2.37
49 stabant autem omnes noti eius a longe et mulieres quae secutae erant eum a Galilaea haec videntes
Luc 8.2 Psaumes 38.11 Matthieu 27.55-27.56 Luc 23.55 Psaumes 142.4

Mise au tombeau du corps de Jésus

50 et ecce vir nomine Ioseph qui erat decurio vir bonus et iustus
Marc 15.42-15.47 Matthieu 27.57-27.61 Actes 10.2 Luc 2.25 Actes 10.22
51 hic non consenserat consilio et actibus eorum ab Arimathia civitate Iudaeae qui expectabat et ipse regnum Dei
Luc 2.25 Luc 2.38 Marc 15.43 Proverbes 1.10 Luc 23.42
52 hic accessit ad Pilatum et petiit corpus Iesu
Jean 19.38-19.42
53 et depositum involvit sindone et posuit eum in monumento exciso in quo nondum quisquam positus fuerat
Esaïe 53.9 Marc 15.46 Matthieu 27.59-27.60
54 et dies erat parasceves et sabbatum inlucescebat
Matthieu 27.62 Jean 19.31 Jean 19.42 Marc 15.42 Jean 19.14
55 subsecutae autem mulieres quae cum ipso venerant de Galilaea viderunt monumentum et quemadmodum positum erat corpus eius
Luc 23.49 Matthieu 27.61 Luc 8.2 Marc 15.47
56 et revertentes paraverunt aromata et unguenta et sabbato quidem siluerunt secundum mandatum
Luc 24.1 Marc 16.1 Esaïe 58.13-58.14 Exode 31.14 Exode 35.2-35.3