Genèse 41
Vulgate

Joseph devant le pharaon

1 post duos annos vidit Pharao somnium putabat se stare super fluvium
Genèse 20.3 Exode 4.9 Daniel 7.1-7.8 Deutéronome 11.10 Juges 7.13-7.14
2 de quo ascendebant septem boves pulchrae et crassae nimis et pascebantur in locis palustribus
Esaïe 19.6
3 aliae quoque septem emergebant de flumine foedae confectaeque macie et pascebantur in ipsa amnis ripa in locis virentibus
Genèse 41.20-41.21 Genèse 41.4
4 devoraveruntque eas quarum mira species et habitudo corporum erat expergefactus Pharao
1 Rois 3.15
5 rursum dormivit et vidit alterum somnium septem spicae pullulabant in culmo uno plenae atque formonsae
Deutéronome 32.14
6 aliae quoque totidem spicae tenues et percussae uredine oriebantur
Ezéchiel 19.12 Osée 13.15 Ezéchiel 17.10
7 devorantes omnem priorum pulchritudinem evigilans post quietem
Genèse 20.3 Genèse 37.5
8 et facto mane pavore perterritus misit ad coniectores Aegypti cunctosque sapientes et accersitis narravit somnium nec erat qui interpretaretur
Daniel 4.7 Exode 7.22 Exode 7.11 Daniel 1.20 Esaïe 29.14
9 tunc demum reminiscens pincernarum magister ait confiteor peccatum meum
Genèse 40.14 Genèse 40.23 Genèse 40.1-40.3
10 iratus rex servis suis me et magistrum pistorum retrudi iussit in carcerem principis militum
Genèse 39.20 Genèse 40.2-40.3 Genèse 37.36
11 ubi una nocte uterque vidimus somnium praesagum futurorum
Genèse 40.5-40.8
12 erat ibi puer hebraeus eiusdem ducis militum famulus cui narrantes somnia
Genèse 37.36 Genèse 40.12-40.19 Genèse 39.1 Genèse 39.20
13 audivimus quicquid postea rei probavit eventus ego enim redditus sum officio meo et ille suspensus est in cruce
Ezéchiel 43.3 Genèse 40.12 Jérémie 1.10 Genèse 40.20-40.22
14 protinus ad regis imperium eductum de carcere Ioseph totonderunt ac veste mutata obtulerunt ei
Daniel 2.25 Psaumes 113.7-113.8 2 Samuel 19.24 2 Rois 25.29 Esther 4.1-4.4
15 cui ille ait vidi somnia nec est qui edisserat quae audivi te prudentissime conicere
Daniel 5.16 Daniel 5.12 Psaumes 25.14 Genèse 41.9-41.13
16 respondit Ioseph absque me Deus respondebit prospera Pharaoni
Genèse 40.8 2 Corinthiens 3.5 Daniel 2.47 Actes 3.12 Nombres 12.6
17 narravit ergo ille quod viderat putabam me stare super ripam fluminis
18 et septem boves de amne conscendere pulchras nimis et obesis carnibus quae in pastu paludis virecta carpebant
Jérémie 24.5 Jérémie 24.8 Jérémie 24.1-24.3
19 et ecce has sequebantur aliae septem boves in tantum deformes et macilentae ut numquam tales in terra Aegypti viderim
20 quae devoratis et consumptis prioribus
21 nullum saturitatis dedere vestigium sed simili macie et squalore torpebant evigilans rursum sopore depressus
Esaïe 9.20 Psaumes 37.19 Apocalypse 10.9-10.10 Ezéchiel 3.3
22 vidi somnium septem spicae pullulabant in culmo uno plenae atque pulcherrimae
23 aliae quoque septem tenues et percussae uredine oriebantur stipula
Osée 8.7 Psaumes 129.6-129.7 Osée 13.15 Osée 9.16 Genèse 41.6
24 quae priorum pulchritudinem devorarunt narravi coniectoribus somnium et nemo est qui edisserat
Genèse 41.8 Daniel 4.7 Exode 8.19
25 respondit Ioseph somnium regis unum est quae facturus est Deus ostendit Pharaoni
Daniel 2.45 Daniel 2.28-2.29 Apocalypse 4.1 Josué 11.6 Esaïe 43.9
26 septem boves pulchrae et septem spicae plenae septem ubertatis anni sunt eandemque vim somnii conprehendunt
Genèse 41.2 Genèse 41.29 Genèse 41.47 Genèse 41.53 Exode 12.11
27 septem quoque boves tenues atque macilentae quae ascenderunt post eas et septem spicae tenues et vento urente percussae septem anni sunt venturae famis
2 Rois 8.1 2 Samuel 24.19
28 qui hoc ordine conplebuntur
Genèse 41.25 Genèse 41.16
29 ecce septem anni venient fertilitatis magnae in universa terra Aegypti
Genèse 41.26 Genèse 41.46-41.47 Genèse 41.49
30 quos sequentur septem anni alii tantae sterilitatis ut oblivioni tradatur cuncta retro abundantia consumptura est enim fames omnem terram
Genèse 47.13 Genèse 41.54 Psaumes 105.16 Jacques 5.17 Esaïe 65.16
31 et ubertatis magnitudinem perditura inopiae magnitudo
Esaïe 24.20 1 Samuel 5.6
32 quod autem vidisti secundo ad eandem rem pertinens somnium firmitatis indicium est eo quod fiat sermo Dei et velocius impleatur
Nombres 23.19 Esaïe 46.10-46.11 Matthieu 25.41 Esaïe 14.24-14.27 Esaïe 30.33
33 nunc ergo provideat rex virum sapientem et industrium et praeficiat eum terrae Aegypti
Deutéronome 1.13 Genèse 41.39 Daniel 4.27 Actes 6.3 Exode 18.19-18.22
34 qui constituat praepositos per singulas regiones et quintam partem fructuum per septem annos fertilitatis
Job 5.20 2 Rois 11.11-11.12 Nombres 31.14 Luc 16.5 Proverbes 22.3
35 qui iam nunc futuri sunt congreget in horrea et omne frumentum sub Pharaonis potestate condatur serveturque in urbibus
Genèse 45.6-45.7 Genèse 41.56 Genèse 41.48-41.49 Exode 4.13
36 et paretur futurae septem annorum fami quae pressura est Aegyptum et non consumetur terra inopia
Genèse 47.13-47.25

Joseph gouverneur de l’Égypte

37 placuit Pharaoni consilium et cunctis ministris eius
Actes 7.10 Proverbes 25.11 Psaumes 105.19 Proverbes 10.20 Josué 22.30
38 locutusque est ad eos num invenire poterimus talem virum qui spiritu Dei plenus sit
Daniel 5.14 Daniel 4.18 Daniel 5.11 Job 32.8 Nombres 27.18
39 dixit ergo ad Ioseph quia ostendit Deus tibi omnia quae locutus es numquid sapientiorem et similem tui invenire potero
Genèse 41.33 Genèse 41.28 Genèse 41.25 Genèse 41.16
40 tu eris super domum meam et ad tui oris imperium cunctus populus oboediet uno tantum regni solio te praecedam
Proverbes 22.29 Actes 7.10 Psaumes 105.21-105.22 1 Samuel 10.1 Genèse 39.4-39.6
41 dicens quoque rursum Pharao ad Ioseph ecce constitui te super universam terram Aegypti
Daniel 6.3 Genèse 42.6 Genèse 39.22 Daniel 4.2-4.3 Esther 10.3
42 tulit anulum de manu sua et dedit in manu eius vestivitque eum stola byssina et collo torquem auream circumposuit
Daniel 5.29 Daniel 5.7 Esther 3.10 Daniel 5.16 Esther 8.2
43 fecitque ascendere super currum suum secundum clamante praecone ut omnes coram eo genuflecterent et praepositum esse scirent universae terrae Aegypti
Genèse 45.8 Genèse 42.6 Genèse 45.26 Esther 6.8-6.9 Philippiens 2.10
44 dixit quoque rex ad Ioseph ego sum Pharao absque tuo imperio non movebit quisquam manum aut pedem in omni terra Aegypti
Psaumes 105.22 Exode 11.7
45 vertitque nomen illius et vocavit eum lingua aegyptiaca Salvatorem mundi dedit quoque illi uxorem Aseneth filiam Putiphare sacerdotis Heliopoleos egressus itaque Ioseph ad terram Aegypti
Ezéchiel 30.17 Genèse 46.20 Actes 11.28 Exode 2.16 Genèse 14.18
46 triginta autem erat annorum quando stetit in conspectu regis Pharaonis circuivit omnes regiones Aegypti
Nombres 4.3 Genèse 37.2 Daniel 1.19 2 Samuel 5.4 1 Samuel 16.21
47 venitque fertilitas septem annorum et in manipulos redactae segetes congregatae sunt in horrea Aegypti
Genèse 26.12 Psaumes 72.16
48 omnis etiam frugum abundantia in singulis urbibus condita est
Genèse 41.34-41.36 Genèse 47.21
49 tantaque fuit multitudo tritici ut harenae maris coaequaretur et copia mensuram excederet
Psaumes 78.27 Juges 6.5 Genèse 22.17 1 Samuel 13.5 Juges 7.12

Naissance de Manassé et d’Éphraïm

50 nati sunt autem Ioseph filii duo antequam veniret fames quos ei peperit Aseneth filia Putiphare sacerdotis Heliopoleos
Genèse 46.20 Genèse 48.5 2 Samuel 8.18 Genèse 41.45
51 vocavitque nomen primogeniti Manasse dicens oblivisci me fecit Deus omnium laborum meorum et domum patris mei
Esaïe 57.16 Psaumes 30.11 Proverbes 31.7 Genèse 48.5 Deutéronome 33.17
52 nomen quoque secundi appellavit Ephraim dicens crescere me fecit Deus in terra paupertatis meae
Genèse 49.22 Genèse 17.6 Genèse 50.23 Psaumes 105.17-105.18 Esaïe 40.1-40.2
53 igitur transactis septem annis ubertatis qui fuerant in Aegypto
Luc 16.25 Genèse 41.29-41.31 Psaumes 73.20
54 coeperunt venire septem anni inopiae quos praedixerat Ioseph et in universo orbe fames praevaluit in cuncta autem terra Aegypti erat panis
Actes 7.11 Psaumes 105.16 Genèse 45.11 Genèse 41.30 Genèse 47.13
55 qua esuriente clamavit populus ad Pharaonem alimenta petens quibus ille respondit ite ad Ioseph et quicquid vobis dixerit facite
Psaumes 105.20-105.22 Lamentations 4.3-4.10 Colossiens 1.19 2 Rois 6.25-6.29 Matthieu 17.5
56 crescebat autem cotidie fames in omni terra aperuitque Ioseph universa horrea et vendebat Aegyptiis nam et illos oppresserat fames
Genèse 42.6 Zacharie 5.3 Esaïe 23.17 Genèse 47.14-47.24 Luc 21.35
57 omnesque provinciae veniebant in Aegyptum ut emerent escas et malum inopiae temperarent
Genèse 41.56 Genèse 41.54 Genèse 42.5 Genèse 50.20 Genèse 42.1