Genèse 24.2
Vulgate

Mariage d’Isaac et Rebecca

¹ erat autem Abraham senex dierumque multorum et Dominus in cunctis benedixerat ei
Genèse 13.2 Genèse 25.20 Genèse 21.5 Genèse 18.11 Galates 3.9
² dixitque ad servum seniorem domus suae qui praeerat omnibus quae habebat pone manum tuam subter femur meum
Genèse 47.29 Genèse 39.4-39.6 Genèse 15.2 Genèse 24.9-24.10 1 Chroniques 29.24
³ ut adiurem te per Dominum Deum caeli et terrae ut non accipias uxorem filio meo de filiabus Chananeorum inter quos habito
Genèse 26.34-26.35 Genèse 28.8 Deutéronome 10.20 2 Rois 19.15 1 Samuel 20.17
⁴ sed ad terram et ad cognationem meam proficiscaris et inde accipias uxorem filio meo Isaac
Genèse 28.2 Genèse 12.7 Genèse 22.20-22.23 Genèse 11.25-12.1
⁵ respondit servus si noluerit mulier venire mecum in terram hanc num reducere debeo filium tuum ad locum de quo egressus es
Jérémie 4.2 Genèse 24.58 Exode 20.7 Proverbes 13.16 Exode 9.2
⁶ dixit Abraham cave nequando reducas illuc filium meum
Hébreux 10.39 2 Pierre 2.20-2.22 Hébreux 11.9 Hébreux 11.13-11.16 Galates 5.1
⁷ Dominus Deus caeli qui tulit me de domo patris mei et de terra nativitatis meae qui locutus est mihi et iuravit dicens semini tuo dabo terram hanc ipse mittet angelum suum coram te et accipies inde uxorem filio meo
Genèse 13.15 Psaumes 34.7 Hébreux 1.14 Exode 33.2 Exode 32.13
⁸ sin autem noluerit mulier sequi te non teneberis iuramento filium tantum meum ne reducas illuc
Josué 2.17-2.20 Nombres 30.5 Nombres 30.8 Genèse 24.4-24.6 Jean 8.32
⁹ posuit ergo servus manum sub femore Abraham domini sui et iuravit illi super sermone hoc
Genèse 24.2
¹⁰ tulitque decem camelos de grege domini sui et abiit ex omnibus bonis eius portans secum profectusque perrexit Mesopotamiam ad urbem Nahor
Genèse 11.31 Deutéronome 23.4 Genèse 29.4-29.5 Genèse 39.4-39.6 1 Chroniques 19.6
¹¹ cumque camelos fecisset accumbere extra oppidum iuxta puteum aquae vespere eo tempore quo solent mulieres egredi ad hauriendam aquam dixit
1 Samuel 9.11 Jean 4.7 Exode 2.16 Genèse 24.13-24.20 Proverbes 12.10
¹² Domine Deus domini mei Abraham occurre obsecro hodie mihi et fac misericordiam cum domino meo Abraham
Genèse 24.27 Genèse 26.24 Exode 3.15 Exode 3.6 Genèse 24.48
¹³ ecce ego sto propter fontem aquae et filiae habitatorum huius civitatis egredientur ad hauriendam aquam
Genèse 24.43 Jean 4.7 1 Samuel 9.11 Proverbes 3.6 Genèse 29.9-29.10
¹⁴ igitur puella cui ego dixero inclina hydriam tuam ut bibam et illa responderit bibe quin et camelis tuis dabo potum ipsa est quam praeparasti servo tuo Isaac et per hoc intellegam quod feceris misericordiam cum domino meo
Juges 6.37 Juges 6.17 Genèse 15.8 2 Samuel 20.9 1 Samuel 10.2-10.10
¹⁵ necdum intra se verba conpleverat et ecce Rebecca egrediebatur filia Bathuel filii Melchae uxoris Nahor fratris Abraham habens hydriam in scapula
Genèse 11.29 Genèse 22.20-22.23 Genèse 11.27 Genèse 24.24 Genèse 24.45
¹⁶ puella decora nimis virgoque pulcherrima et incognita viro descenderat autem ad fontem et impleverat hydriam ac revertebatur
Genèse 26.7 Genèse 39.6 Genèse 4.1 Cantique 5.2 Nombres 31.17-31.18
¹⁷ occurritque ei servus et ait pauxillum mihi ad sorbendum praebe aquae de hydria tua
Jean 4.7 Esaïe 21.14 1 Rois 17.10 Esaïe 41.17-41.18 Jean 4.9
¹⁸ quae respondit bibe domine mi celeriterque deposuit hydriam super ulnam suam et dedit ei potum
1 Pierre 3.8 Proverbes 31.26 Genèse 24.14 1 Pierre 4.8-4.9
¹⁹ cumque ille bibisset adiecit quin et camelis tuis hauriam aquam donec cuncti bibant
Genèse 24.14 Genèse 24.45-24.46 1 Pierre 4.9
²⁰ effundensque hydriam in canalibus recurrit ad puteum ut hauriret aquam et haustam omnibus camelis dedit
²¹ ille autem contemplabatur eam tacitus scire volens utrum prosperum fecisset iter suum Dominus an non
Genèse 24.12 Genèse 24.56 Psaumes 34.1-34.6 Psaumes 107.43 Psaumes 107.15
²² postquam ergo biberunt cameli protulit vir inaures aureas adpendentes siclos duos et armillas totidem pondo siclorum decem
Exode 32.2-32.3 Esaïe 3.19-3.23 Ezéchiel 16.11-16.12 Genèse 23.15-23.16 Jérémie 2.32
²³ dixitque ad eam cuius es filia indica mihi est in domo patris tui locus ad manendum
²⁴ quae respondit filia Bathuelis sum filii Melchae quem peperit Nahor
Genèse 24.15 Genèse 22.23 Genèse 11.29 Genèse 22.20
²⁵ et addidit dicens palearum quoque et faeni plurimum est apud nos et locus spatiosus ad manendum
1 Pierre 4.9 Genèse 18.4-18.8 Esaïe 32.8 Juges 19.19-19.21
²⁶ inclinavit se homo et adoravit Dominum
Exode 4.31 Genèse 24.52 Genèse 24.48 Philippiens 2.10 1 Chroniques 29.20
²⁷ dicens benedictus Dominus Deus domini mei Abraham qui non abstulit misericordiam et veritatem suam a domino meo et recto me itinere perduxit in domum fratris domini mei
Genèse 24.48 Psaumes 98.3 Genèse 32.10 Genèse 24.12 Ruth 4.14
²⁸ cucurrit itaque puella et nuntiavit in domum matris suae omnia quae audierat
Genèse 24.55 Genèse 24.48 Genèse 24.67 Genèse 31.33
²⁹ habebat autem Rebecca fratrem nomine Laban qui festinus egressus est ad hominem ubi erat fons
Genèse 29.5 Genèse 29.13 Genèse 24.60 Genèse 24.55
³⁰ cumque vidisset inaures et armillas in manibus sororis suae et audisset cuncta verba referentis haec locutus est mihi homo venit ad virum qui stabat iuxta camelos et propter fontem aquae
³¹ dixitque ad eum ingredere benedicte Domini cur foris stas praeparavi domum et locum camelis
Genèse 26.29 Ruth 3.10 Psaumes 115.15 Juges 17.2 Proverbes 18.16
³² et introduxit eum hospitium ac destravit camelos deditque paleas et faenum et aquam ad lavandos pedes camelorum et virorum qui venerant cum eo
Juges 19.21 Genèse 43.24 Genèse 18.4 Jean 13.4-13.14 Luc 7.44
³³ et adpositus est in conspectu eius panis qui ait non comedam donec loquar sermones meos respondit ei loquere
Proverbes 22.29 Jean 4.14 Psaumes 132.3-132.5 1 Timothée 6.2 Ecclésiaste 9.10
³⁴ at ille servus inquit Abraham sum
³⁵ et Dominus benedixit domino meo valde magnificatusque est et dedit ei oves et boves argentum et aurum servos et ancillas camelos et asinos
Genèse 13.2 Genèse 24.1 Job 42.10-42.12 Proverbes 22.4 Genèse 12.2
³⁶ et peperit Sarra uxor domini mei filium domino meo in senectute sua deditque illi omnia quae habuerat
Genèse 25.5 Genèse 21.10 Genèse 21.1-21.7 Genèse 17.15-17.19 Genèse 18.10-18.14
³⁷ et adiuravit me dominus meus dicens non accipies uxorem filio meo de filiabus Chananeorum in quorum terra habito
Genèse 24.2-24.9 Esdras 9.1-9.3 Genèse 6.2 Genèse 27.46
³⁸ sed ad domum patris mei perges et de cognatione mea accipies uxorem filio meo
Genèse 24.4 Genèse 31.19 Genèse 12.1
³⁹ ego vero respondi domino meo quid si noluerit venire mecum mulier
Genèse 24.5
⁴⁰ Dominus ait in cuius conspectu ambulo mittet angelum suum tecum et diriget viam tuam accipiesque uxorem filio meo de cognatione mea et de domo patris mei
Genèse 17.1 Genèse 24.7 Genèse 5.24 Genèse 5.22 Psaumes 16.8
⁴¹ innocens eris a maledictione mea cum veneris ad propinquos meos et non dederint tibi
Genèse 24.8 Deutéronome 29.12
⁴² veni ergo hodie ad fontem et dixi Domine Deus domini mei Abraham si direxisti viam meam in qua nunc ambulo
Néhémie 1.11 Genèse 24.12-24.14 Actes 10.22 Psaumes 90.17 Actes 10.7-10.8
⁴³ ecce sto iuxta fontem aquae et virgo quae egredietur ad hauriendam aquam audierit a me da mihi pauxillum aquae ad bibendum ex hydria tua
Genèse 24.13-24.14
⁴⁴ et dixerit mihi et tu bibe et camelis tuis hauriam ipsa est mulier quam praeparavit Dominus filio domini mei
Genèse 24.14 Proverbes 19.14 Genèse 2.22 1 Timothée 2.10 Esaïe 32.8
⁴⁵ dum haec mecum tacitus volverem apparuit Rebecca veniens cum hydria quam portabat in scapula descenditque ad fontem et hausit aquam et aio ad eam da mihi paululum bibere
Actes 12.12-12.17 Actes 4.24-4.33 Néhémie 2.4 1 Samuel 1.13-1.15 Esaïe 65.24
⁴⁶ quae festina deposuit hydriam de umero et dixit mihi et tu bibe et camelis tuis potum tribuam bibi et adaquavit camelos
Genèse 24.18-24.19
⁴⁷ interrogavique eam et dixi cuius es filia quae respondit filia Bathuelis sum filii Nahor quem peperit illi Melcha suspendi itaque inaures ad ornandam faciem eius et armillas posui in manibus
Genèse 24.22-24.24 Psaumes 45.9 Genèse 24.53 Ezéchiel 16.10-16.13 Ephésiens 5.26-5.27
⁴⁸ pronusque adoravi Dominum benedicens Domino Deo domini mei Abraham qui perduxisset me recto itinere ut sumerem filiam fratris domini mei filio eius
Genèse 24.26-24.27 Genèse 24.52 Esaïe 48.17 Psaumes 32.8 Psaumes 48.14
⁴⁹ quam ob rem si facitis misericordiam et veritatem cum domino meo indicate mihi sin autem aliud placet et hoc dicite ut vadam ad dextram sive ad sinistram
Genèse 47.29 Josué 2.14 Nombres 20.17 Deutéronome 2.27 Genèse 32.10
⁵⁰ responderunt Laban et Bathuel a Domino egressus est sermo non possumus extra placitum eius quicquam aliud tecum loqui
Genèse 31.24 Psaumes 118.23 Genèse 31.29 2 Samuel 13.22 Marc 12.11
⁵¹ en Rebecca coram te est tolle eam et proficiscere et sit uxor filii domini tui sicut locutus est Dominus
Genèse 24.15 Genèse 20.15 2 Samuel 16.10
⁵² quod cum audisset puer Abraham adoravit in terra Dominum
Genèse 24.48 Genèse 24.26 2 Chroniques 20.18 Psaumes 95.6 Psaumes 116.1-116.2
⁵³ prolatisque vasis argenteis et aureis ac vestibus dedit ea Rebeccae pro munere fratribus quoque eius et matri dona obtulit
Exode 3.22 Exode 12.35 Exode 11.2 Deutéronome 33.13-33.16 Cantique 4.13
⁵⁴ initoque convivio vescentes pariter et bibentes manserunt ibi surgens autem mane locutus est puer dimittite me ut vadam ad dominum meum
Genèse 24.59 Genèse 24.56 2 Samuel 18.19 Genèse 28.5-28.6 2 Samuel 18.27-18.28
⁵⁵ responderunt fratres eius et mater maneat puella saltem decem dies apud nos et postea proficiscetur
Juges 14.8 Lévitique 25.29 Genèse 4.3
⁵⁶ nolite ait me retinere quia Dominus direxit viam meam dimittite me ut pergam ad dominum meum
Proverbes 25.25 Esaïe 48.15 Genèse 45.9-45.13 Josué 1.8
⁵⁷ dixerunt vocemus puellam et quaeramus ipsius voluntatem
⁵⁸ cumque vocata venisset sciscitati sunt vis ire cum homine isto quae ait vadam
Luc 1.38 Psaumes 45.10-45.11
⁵⁹ dimiserunt ergo eam et nutricem illius servumque Abraham et comites eius
Genèse 35.8 Genèse 24.53 Nombres 11.12 1 Thessaloniciens 2.5 Genèse 24.60
⁶⁰ inprecantes prospera sorori suae atque dicentes soror nostra es crescas in mille milia et possideat semen tuum portas inimicorum suorum
Genèse 22.17 Genèse 17.16 Genèse 48.15-48.16 Genèse 28.3 Genèse 1.28
⁶¹ igitur Rebecca et puellae illius ascensis camelis secutae sunt virum qui festinus revertebatur ad dominum suum
Psaumes 45.10 Esther 8.14 Esther 8.10 Genèse 2.24 Genèse 31.34
⁶² eo tempore Isaac deambulabat per viam quae ducit ad puteum cuius nomen est Viventis et videntis habitabat enim in terra australi
Genèse 25.11 Genèse 16.14 Genèse 12.9 Genèse 20.1
⁶³ et egressus fuerat ad meditandum in agro inclinata iam die cumque levasset oculos vidit camelos venientes procul
Psaumes 119.15 Psaumes 1.2 Josué 1.8 Psaumes 119.27 Psaumes 104.34
⁶⁴ Rebecca quoque conspecto Isaac descendit de camelo
Josué 15.18 Juges 1.14
⁶⁵ et ait ad puerum quis est ille homo qui venit per agrum in occursum nobis dixit ei ipse est dominus meus at illa tollens cito pallium operuit se
1 Timothée 2.9 1 Corinthiens 11.5-11.6 Genèse 20.16 1 Corinthiens 11.10
⁶⁶ servus autem cuncta quae gesserat narravit Isaac
Marc 6.30
⁶⁷ qui introduxit eam in tabernaculum Sarrae matris suae et accepit uxorem et in tantum dilexit ut dolorem qui ex morte matris acciderat temperaret
Genèse 37.35 Genèse 38.12 Esaïe 54.1-54.5 2 Corinthiens 11.1-11.2 Genèse 18.9-18.10